THRÜNTAN 32:11 - AMÜSÜH HÜM CL Bible (BSI)

¹¹ Inü tamkhüntamnüchoh, I khiung Esau khah chingnü I bekhitang; tümüde inü api trelah, jude yungsho api arübah tüsho I le tsührübo tüsho berübo laksahbah.

THRÜNTAN 32:11 Iomraidhean Croise

THRÜNTAN 24:27

Tüsho apinü tha, “I putungrü ki api amüthsüm tüsho thiyuro mübahyukkhi I putungrü Abraham Thrünpuh Atungpuh shiang. I thsungkheaknü, Atungpuhnü I hantsah ching I putungrü keoniorü yam lim bede arüdo.”

THRÜNTAN 27:41

Jumonü abuhnü api müngühjihkhi dünkheak Esaunü Jakob lungkhangde kam, tüsho Esaunü amulong ching tha, “I buh dünkheak tüzhopü nimungbo thüninde lah; jushu inü I niurü Jakob laksahbah.”

THRÜNTAN 27:42

Tüsho atsührü azopü Esau yubo Rebeka ki thaa lakheah. Jumonü alibenü thiyia yüshihbah atsührü akheambuh Jakob jidarü tüsho api ki tha, “Tsükjide nü khiung Esaunü nü laksahpü lümde anihbuh mulong shukheamlochoh.

THRÜNTAN 32:3

Judüki Jakobnü Edom lomi, Seir lo ching akhiung Esau kilim api müngüh yunithsürübo yüshih.

THRÜNTAN 32:7

Jumonü Jakob khide tre tüsho lümthsünü; tüsho apinü anihbuh lung bekhi mihtsürü, tüsho mihnu le moshi boto, tüsho kemelbo bo mahne thsüde cham.

THRÜNTAN 33:4

Tüshe Esaunü api shorupü alihde yübah kap, tüsho ahung kheak kapbah api müthsüp, tüsho arünü trip.

2 SAMUEL 7:18

Judüki kiulongthsüpuh Davidnü yüzah tüsho Atungpuh miki binbah tha, “O Atungpuh T HRÜNPU H , I shepü a, I yamkhün tümü lakhinü I ha khiungde bedarükhea?

MUNGSHIKHÜN 119:134

Juno mihtsürü kheaknü I rhokhitang, junangde inü nü yukhümbo zobah.

MUNGSHIKHÜN 142:6

Inü azhikhi aniang, tümüde I khide abobe kamshihdo; I thsümüchirü kheaknü I bekhitang, tümüde I kheaknü arü müranglah.

MUNGSHIKHÜN 16:1

I kümdoang, O Thrünpuh, tümüde inü nü kheak tsoyukchoh.

MUNGSHIKHÜN 25:20

I rhangdung aheangang, tüsho I bekhitang; I achih düngüshih, tümüde I nü kheak tsoyukchoh.

MUNGSHIKHÜN 31:2

I kilim nü nükhün anguhang, I khümkhitpü nahde arang; I tsoyukpü lungto, I khümkhitpü amüküp chipi thsang.

MUNGSHIKHÜN 43:1

O Thrünpuh, I thiyuro mütsanjang, tüsho amükinrü azhihde I dünkheak tsungdojang; O, akeangyu tharü tüsho thiyuro mülakhi mihtsürü kheaknü I bekhitang.

MÜCHITMUDU 18:19

Keoniorünü arungkhi ju amüküp kiuto nangde lah, tüshe rukachihkhi ju chipiripit khrihbebo nangde lah.

DANIEL 3:17

Isa motru ching ramyuksho, isanü tankihkhi Thrünpuhnü isa ju chingnü khümkhitkhuklah, tüsho Apinü isa nü khah chingnü bekhitbah, O kiulongthsüpuh.

HOSEA 10:14

jumonü nü mihtsürü azhihde thirithsü düsheak labah, tüsho nü chipi alala thsümünimbah, Shalman nü thirithsü nimung Beth-arbel thsümünimde, berübo lung tsührübo bebah adütre kamde zünakkhi nangde alabah.

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

YUZÜNGTHALO 22:6

“Limro ching nü müngüh sang kheak yungsho alo kheak wuhnu sap ching anunu yungsho ake hüpbah abe ngüsho nünü anunu lung abe ju dulu.

1 SAMUEL 12:10

Judüki arünü Atungpuh ki zhi, tüsho tha, ‘Isanü neak yihbeakdo, tümütüsho isanü A TUN GPU H bahyuk, tüsho Baalbo le Astarbo tankih; tüshe kheakü isa riri khah chingnü isa khümkhitang, tüsho isanü nü tankihbah.’

1 SAMUEL 24:15

Jumonü Atungpuhnü mahkhapshang, tüsho ike dükeak alim jihshang. Apinü ju kheahshang tüsho I kheak muzhode I nü khah chingnü khümkhitshang.”