THRÜNTAN 31:55 - AMÜSÜH HÜM CL Bible (BSI)

⁵⁵ Yapsu mükikde Laban asürü, tüsho api tsührübo le tsührübebo müthsüp tüsho arü müngühjih. Judüki Labannü chamachih tüsho api lapung lim alode yü.

THRÜNTAN 31:55 Iomraidhean Croise

THRÜNTAN 18:33

Jumonü apinü Abraham ki asukachih kheam yanalünde Atungpuhnü api limro ching yü; tüsho Abrahamnü api lapung lim alode yü.

THRÜNTAN 24:60

Tüsho arünü Rebeka müngühjih tüsho tha: “Isa niurü, nü a chithürü thürübo abe thsüang shi; tüsho nü tsührübonü arü riri kiutobo kukkhitshang.”

THRÜNTAN 28:1

Judüki Isaknü Jakob ji tüsho api müngühjih, tüsho api ki müneahde tha: “Nünü Kanan liberü dülu.

THRÜNTAN 30:25

Rachelnü Josep zübe dunglim, Jakobnü Laban ki tha, “I yüshang, junangde inü I lomi lim yülobah.

THRÜNTAN 31:28

Tüsho nünü I tsührübo le tsührübebo mümüthsüpshih. Nünü makhade rhimodo.

THRÜNTAN 31:43

Tüsho Labannü Jakob ki alo, “Harü aliberü I tsührübebo ah, harü azürübo I tsührübo, tüsho ha mihnu boto I yo; nünü angükhi alala I yo ah, tüshe harü I tsührübebo le arü tsührübo dünkheak inü tümü thsükhukpü?

THRÜNTAN 33:4

Tüshe Esaunü api shorupü alihde yübah kap, tüsho ahung kheak kapbah api müthsüp, tüsho arünü trip.

2 SAMUEL 19:39

Judüki mihtsürü alala Jordan ho, tüsho kiulongthsüpuh she ho; kiulongthsüpuhnü Barzillai kheak müthsüp tüsho api müngühjih, tüsho api nihbuh yam lim alode yü.

MUNGSHIKHÜN 76:10

Mihtsürü bukakhiukkhinü nü mung shipü lang akhiukshihchoh, tüsho thirithsü ching aninga larünü nü yo thünio niobah.

MÜCHITMUDU 16:7

Küyimki mihtsürü limrobonü Atungpuh asühshihbanü, apinü anihbuh riribo she api lung mungtsü lashichoh.

WÜHKHE 23:11

Balaknü Balaam ki tha, “Nünü I kheak tümü rhimokhea? Inü I riri athrushihpü bedarükheah, tüshe kheahang, nünü arübo muzhomopungde müngühjihdo!”

WÜHKHE 23:5

Atungpuhnü Balaam mün ching thiyu yukjih tüsho tha, “Balak kilim alode yüang tüsho nünü ha thaang.”

WÜHKHE 23:8

Thrünpuhnü mathruajikhi inü küde athrupü? Thrünpuhnü azhihde müzhiyukkhi kheak inü küde azhihde azhiyukpü?

WÜHKHE 24:25

Judüki Balaamnü asürübah api lapung lim yü tüsho Balak a nihbuh limro tsoabah.

YUZÜNGTHALO 23:5

Judüalalashe Atungpuh nüsa Thrünpuhnü Balaam ki mani, tüshe Atungpuh nüsa Thrünpuhnü athruaji ju nüsa thsungkheaknü müngühmühi kamshih, tümütüsho Atungpuh nüsa Thrünpuhnü nüsa muzholah.

YUZÜNGTHALO 32:36

Küyimki apinü arü wu tsodo tüsho rhüka larü yungsho zuzu larü maning de mükheahbanü, atsütsü Atungpuhnü api mihtsürü bekhitbah, tüsho api yamlarübo kheak müthsümbah.

RUTH 1:14

Kheaküshe anenü atrippü tankih. Junangde Orpanü ani kheak mün müthsüpde chode thabah wulunglo, tüshe, Ruth a Naomi kheak kapkih.