THRÜNTAN 31:53 - AMÜSÜH HÜM CL Bible (BSI)

⁵³ Abraham Thrünpuh, Nahor Thrünpuh, tüsho arü jipürü Thrünpuhnü ike dükeak mahkhapshang.” Tüsho Jakobnü abuh Isak trelimnü thiyuchihchim.

THRÜNTAN 31:53 Iomraidhean Croise

THRÜNTAN 11:31

Teranü atsührü Abram le Haran tsührü Lot, tüsho atsühmeakbe Abram niube Sarai bea lu, tüsho arünü Kanan lo ching yüpü Kaldearü yo Ur chingnü wukhiuk; arünü Haran ching arü tüsho ju ching la.

THRÜNTAN 14:22

Tüshe Abramnü Sodom kiulongthsüpuh ki tha, “Inü thüning tüsho alomi Thrünrü Khide Achang Thrünpuh ki I khah chungkihdo, tüsho thiyuchihchim ludo,

THRÜNTAN 16:5

Judüki Sarainü Abram ki tha, “I amülim nü kheak lashang! Inü I yamlabe nü kilim jih; tüsho küyimki anihbe mübünkeangkhi alibenü mükheahkhea, alibenü I mükhemükimde kam. Atungpuhnü ike dükeak mahkhapshang.”

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

THRÜNTAN 28:13

Tüsho kheahang, ju kumung Atungpuh zhip tüsho tha: “I nü buh Abraham tüsho Isak Thrünpuh Atungpuh ah; nü yapkhi lo inü nü tüsho nü tsühsoniusobo kilim jihbah.

THRÜNTAN 31:42

I buh Thrünpuh, Abraham Thrünpuh tüsho Isak trekhi I lung mülakhülaa, tsükjide nünü I khahkeang tsoshih-a labah. Thrünpuhnü I thsünükhi tüsho I khah rhimobo ngü, tüsho yishih nü thürüh.”

THRÜNTAN 31:52

Ha lungrhung thiyumütsan lah, tüsho ha mümihlung thiyumütsan lah, junangde athsümünim thsungkheak inü ha lungrhung hode nü kilim marü, tüsho ha lungrhung le mümih-lung hode nünü I kilim marü.

THRÜNTAN 47:31

Apinü tha, “I ki thiyuchihchimang.” Tüsho apinü anihbuh ki thiyuchihchim. Judüki Israelnü anihbuh yapkiu kumung lim mükhümabah.

ABEKHIT 3:6

Kheaküshe apinü tha, “I nü pü Abraham, Isak tüsho Jakob Thrünpuh ah.” Judüki Thrünpuh kheak kheahpü trekhinü Mosanü amiro khuramabah.

ABEKHIT 5:21

Tüsho arünü ane ki tha, “Nükenü Pharao tüsho api torübo khah ching nukshang zhimshihbah isa laksahshihpü thsüde arünü isa thraneanshihkhi hode Atungpuhnü nüke kheak kheahshang tüsho mahkhapshang.”

YUZÜNGTHALO 6:13

Nüsanü Atungpuh nüsa Thrünpuh wüntreang, tüsho api tankihang, tüsho api mung ching thiyuchihchim luang.

JIHUSUA 24:2

Jihusuanü mihtsürübo ki tha, “ Ha Atungpuh Israel Thrünpuhnü thachoh: Adüso nüsa jipürü Tera tüsho atsührü Abraham tüsho Nahor, Ephraim ayung thripkhüh lim lade püpürü thrünpuhbo kingaünkheah.

MAHKHAPRÜ 11:27

Jumonü inü nü azhihde neak müyihbeak, tüshe I bede keochihkhinü nünü I amülim kamshih. Atungpuh , mahkhapbuhnü Israelrü tüsho Amon mihtsürü dükeak khihni mahkhapshang.”

1 SAMUEL 20:23

Nü tüsho inü athakhi dünkheak, lünnü nü tüsho ike dükeak Atungpuh thiyumütsan lah.”

1 SAMUEL 24:12

Atungpuhnü I le nü dükeak mahkhapshang! Atungpuhnü nü kheak I royimshang; tüshe I khahnü a nü kheak mazhih.