THRÜNTAN 31:50 - AMÜSÜH HÜM CL Bible (BSI)

⁵⁰ Nünü I tsührübebo kheahmüchihsho yungsho I tsührübebo kheak atrüpde püpü niuberübo lusho, isa lung she mülalashe, ike dükeak Thrünpuh thiyumütsan lah de lümkhitang.”

THRÜNTAN 31:50 Iomraidhean Croise

THRÜNTAN 31:51

Judüki Labannü Jakob ki tha, “Inü ike dükeak zokhi, ha kheak lungrhung lah tüsho ha kheak mümih-lung lah.

JOB HU H T ANYU 16:19

Kheaküshe, dükde, I yumütsan yinmi ching lah, tüsho I dünlim chibuh achang kheak lah.

JEREMIA 29:23

tümütüsho arünü Israel ching atrebe neak yihbeakkhi lah tüsho arü yamhingrü niuberü kheak müzammüram yihbeak tüsho arü ki thiyukhüm müjihkhi akeangyubo I mung chingnü asukdo; inü mükheahlah tüsho I thiyumütsan ah, Atungpuhnü thachoh.

JEREMIA 42:5

Arünü alode Jeremia ki tha, “Atungpuh nü Thrünpuhnü isa thsungkheak nü hode thiyukhüm jihkhi yande lüpdükhi isanü mürhimosho Atungpuh thiyuro lashang tüsho isa azhihde athülünkhi thiyumütsan thsüshang.

LEVI 18:18

Nü niube rhangdung la khiungde anihbe azhihde alibe mungchihshihde nünü nü niube niurü düyihlu.

MIKA 1:2

Soang, nüsa mihtsürü alala; aniang, O alomi, tüsho ju ching lakhi alala; tüsho Atungpuh Thrünpuh ju api amüsüh arüngyam chingnü nüsa azhihkhi thiyumütsan labah.

MALAKI 2:14

Nüsanü keokhichoh, “Tümü thsükhi apinü muhdücho?” Tümütüsho Atungpuhnü le nü athunuchoki yamkhünbe dükeak thiyumütsan rhimochoh, tümütüsho anihbe ju nü atrurü, nü rhang lakhi tangzüng yamkhünbe thsüthsü she nünü alibe kheak nünü alokhikhi thsümünimdo.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

1 TESALONIKA 2:5

Isanü küyimkishe mülapmüji yubo yungsho yihnelunede müram–Thrünpuh thiyumütsan ah;

MAHKHAPRÜ 11:10

Tüsho Gilead limberübonü Jephtha ki tha, “Isanü nü yubo yande mürhimosho, isa dükeak Atungpuh thiyumütsan labah.”

1 SAMUEL 12:5

Apinü arü ki tha, “Nüsa azhihde Atungpuh thiyumütsan lah, tüsho mujude-mokhitbuh ha nimung thiyumütsan lah, junangde nüsanü I khah ching tümü she müngü.” Tüsho arünü tha, “ Am, Atungpuh thiyumütsan ah.”