THRÜNTAN 31:49 - AMÜSÜH HÜM CL Bible (BSI)

⁴⁹ Mizpa düshe ji, tümütüsho apinü tha, “Ike limshuachihde alachoki Atungpuhnü ike dükeak kheahde lashang.

THRÜNTAN 31:49 Iomraidhean Croise

1 KIULONG THSÜRÜ 15:22

Judüki Asa kiulongthsübuhnü sheshe maningshihde Juda alala ki zhiyuk: arünü Baashanü athsükhi Rama ching lungbo tüsho arhütsangbo lubah tso; jurü lua kiulongthsüpuh Asanü Benjamin ching Geba tüsho Mizpa chipi ayün.

HOSEA 5:1

Ha soang, O amükeamrübo! Aniang, O Israel yamkhün! Aniang, O kiulongthsüpuh yamkhün! Tümüde mahkhappü ju nü yo lah; tümüde nü ju Mizpa ching qimürip khülang lakheah, tüsho Tabor kheak jipkihkhi keang khülang lakheah,

MAHKHAPRÜ 10:17

Judüki Amon mihtsürübo rukhüh mukhungde Gilead ching arü. Tüsho Israelrünü Mizpa ching mukhung.

MAHKHAPRÜ 11:11

Judüki Jephthanü Gilead limberübo lung yü, tüsho mihtsürübonü api arü kurungkheak aku tüsho limthorü thsüshih; tüsho Jephthanü api yu alala Mizpa ching Atungpuh miki asuk.

MAHKHAPRÜ 11:29

Judüki Atungpuh me Jephtha kheak arü, tüsho apinü Gilead tüsho Manase tsahho, tüsho Gilead ching Mizpa tsahho; tüsho Gilead ching Mizpa chingnü Amon mihtsürübo kilim yü.

1 SAMUEL 20:23

Nü tüsho inü athakhi dünkheak, lünnü nü tüsho ike dükeak Atungpuh thiyumütsan lah.”