THRÜNTAN 31:42 - AMÜSÜH HÜM CL Bible (BSI)

⁴² I buh Thrünpuh, Abraham Thrünpuh tüsho Isak trekhi I lung mülakhülaa, tsükjide nünü I khahkeang tsoshih-a labah. Thrünpuhnü I thsünükhi tüsho I khah rhimobo ngü, tüsho yishih nü thürüh.”

THRÜNTAN 31:42 Iomraidhean Croise

THRÜNTAN 11:5

Tüshe mihtsürü tsührübonü athsükhi kiuto tüsho rünchang kheahpü Atungpuh aki.

THRÜNTAN 16:11

Kheahang, nü khungarü lah. Nünü athrürü khülang zübebah. Nünü api mung Ishmael de ajibah, tümütüsho Atungpuhnü nü thsünükhi sojihdo.

THRÜNTAN 16:13

Judüki alibenü anihbe ki asukbuh Atungpuh mung hade ji: “Nü a I ngübuh Thrünpuh,” tümüde alibenü tha, “Kheakü inü I kheahbuh Khülang ngüdo.”

THRÜNTAN 27:33

Judüki Isaknü khide ajan tüsho tha, “Shih laksah-a I kilim lude arübuh thsü she a? Nü marüyide inü ju tsühdo tüsho inü api müngühjihdo–tüsho api müngühmühibah.”

THRÜNTAN 29:32

Jumonü Lea mübünkeangde kambah tsührü khülang zübe, tüsho anihbenü api mung Reuben de ji; tümüde alibenü tha, “Atungpuhnü tsükjide I küpkhuk ngüdo. Jumonü kheakü I niubuhnü I muzhobah.”

THRÜNTAN 31:12

Tüsho apinü tha, ‘Nünü zünga kheahang, mihnubo kheak jukkihkhi namfimihnupungbo alala panghing, amütri tüsho aneakjik kihkhi lah; tümüde Labannü nü ki rhimokhi alala inü ngüdo.

THRÜNTAN 31:24

Tüshe ju tsüngre milim ching Siriarü Laban kilim Thrünpuh arü, tüsho api ki tha, “Jakob ki atsü yungsho amütsü müthapü kümkangang.”

THRÜNTAN 31:29

Inü nü thsümünimpü sühmüh lah, tüshe nü buh Thrünpuhnü yishih I ki asuk, ‘Nünü Jakob ki atsü yungsho amütsü müthapü kümkangang.’

THRÜNTAN 31:5

tüsho ane ki tha, “Inü nüke abuh yakli I kheak püpüki kheaknü büthsüde ngüchoh; tüshe I buh Thrünpuh I lung lakheah.

THRÜNTAN 31:53

Abraham Thrünpuh, Nahor Thrünpuh, tüsho arü jipürü Thrünpuhnü ike dükeak mahkhapshang.” Tüsho Jakobnü abuh Isak trelimnü thiyuchihchim.

THRÜNTAN 32:9

Jakobnü tha, “O I pü Abraham Thrünpuh tüsho I buh Isak Thrünpuh, Atungpuh shepünü I ki tha, ‘Nü lomi tüsho nü buhtsührü kilim alode yüang, tüsho inü nü ki tsüde arhimobah’;

THRÜNTAN 35:3

Jushu isanü tsahmusuanü tüsho Bethel lim wutuanü; tüsho inü ju ching I lümthsünü nimung I ki alojihbuh tüsho I yükhi limro ching I lung lakhi Thrünpuh kilim kingaün sadam khülang thsübah.”

THRÜNTAN 46:1

Jumonü Israelnü api lakhi alala lubah hantsahmusu, tüsho Beersheba ching arü, tüsho abuh Isak Thrünpuh kilim shuhmülanga kingaünkhibo jih.

1 KIUTHSÜYUKHEAN 12:17

Davidnü arü shorupü wukhiuk tüsho arü ki tha, “Mürangkhüh nüsanü I ki mungtsü ching I rungpü arüa lasho, I mulong nüsa kheak ayebah; tüshe mürangkhüh nüsanü I azhihrü kilim I mülapyukjihpü arüa lasho, I khahbonü tümü amülim mürhimo le, isa jipürü Thrünpuhnü ngüshang tüsho mahkhapshang.”

MUNGSHIKHÜN 31:7

Nü muzhodakkhi thsungkheak inü asühachihbah tüsho asühbah, tümütüsho nünü I thsünü ngü, nünü I me thsünükhi mükheah,

ABEKHIT 3:7

Tüsho Atungpuhnü tha, “Inü atsütsü I mihtsürübo Ijip lomi ching dukmüsüpkhi ngüdo; arü azhorü kuhi chingnü khümkhitpü zhikhi inü sodo; arü thsünü alala inü mükheahlah.

ISAIA 8:13

Tüshe Wuto Atungpuh ki nünü amüsüh ah de lümang; nünü api ki trepü lah, nünü api ki atrearangpü lah.

DANIEL 2:23

O I jipü Thrünpuh, nü kilim inü makshe jihchoh tüsho shijihchoh, tümüde nünü I kilim lümlung tüsho wu jihdo tüsho isanü nü ki tümü keokhikheanü I ki akhiuka huhdo, tümüde kiulongthsüpuhnü tümü thiyukhüm jihkheanü nünü isa ki akhiuka huhdo.”

YUZÜNGTHALO 15:13

Tüsho küyimki nünü api dükhea zuzu thsüde atsoshihbanü nünü api khahkeang dütsoshih;

JUDNÜ ATHRÜTKHI KIHÜM HUHTANYU 1:9

Tüshe yunirü atobuh Maikelnü she Mosa pang dünkheak arimri ki rukachihchoki mükhemükimde abahyukpü mümürang, tüshe api ki tha, “Atungpuhnü nü thürühshang!”