THRÜNTAN 31:35 - AMÜSÜH HÜM CL Bible (BSI)

³⁵ Tüsho alibenü abuh ki tha, “Inü nü miki müzhipkhi dünkheak I tungpuhnü bukdakhiuk; I aliberü yakli kim ah.” Junangde apinü yim tüshe yambuk thrünpuhbo müngü.

THRÜNTAN 31:35 Iomraidhean Croise

THRÜNTAN 31:19

Kheakü Laban anihbuh yo namfimihnu nam rhippü yüa lakheah, tüsho Rachelnü abuh yo yambuk thrünpuhbo ahüh-a lu.

THRÜNTAN 31:34

Kheakü Rachelnü yambuk thrünpuhbo lubah kemel düthsün kheak binpung khüp yuk tüsho jurü kheak bin. Labannü khimyam alala ching kheah tüshe jurü müyimkhit.

THRÜNTAN 31:36

Judüki Jakobnü bukakhiuk tüsho Laban müneah; Jakobnü Laban ki keo, “Inü athsümünimkhi tümü la? Nünü müthsakkihde müshamde arüpü thsüde I neak tümü la?

1 KIULONG THSÜRÜ 2:19

Jumonü Bathshebanü Adonija thsung thsüde athajihpü kiulongthsüpuh Solomon ki yü. Kiulongthsüpuhnü alibe shorupü asürü, tüsho alibe ki khukning; jushu apinü anihbuh kiulongthsü-binkiu kheak bin, tüsho kiulongthsüpuh abe khilim kiulongthsü-binkiu püpü lubah arü, tüsho alibenü anihbuh tsülim peang bin.

ABEKHIT 20:12

“Nü buh tüsho nü be wüntreang, junangde Atungpuh nü Thrünpuhnü nü kilim jihkhi lo ching nü kutsüp ashang labah.

LEVI 15:19

Küyimki aliberü khülang nihbe khinu shihcham arübanü, alibe nimung thüne khiungde mümüsühkhi labah, tüsho shepünü alibe qiubanü arelim khiungde mümüsühkhi labah.

LEVI 19:3

Nüsa mihbüm abannü berü tüsho buhrü wüntreang, tüsho I yukhüm yande amuni mungbeah. I Atungpuh nüsa Thrünpuh.

LEVI 19:32

Nünü ku buyukrü miki wusuang tüsho ashinbuhrü ki akin jihang, tüsho nü Thrünpuh treang: I Atungpuh ah.

EFISIA 6:1

Azürübo, nüsa berübuhrü ki mihyuaniang, tümüde ha alungki lah.

1 PETER 2:18

Yamlarübo, nüsa putungrübo, muzhode tüsho amüthsümrü ki lang yung tüshe amüküprü ki she khide wüntre jihang.

1 PETER 3:6

Saranü ju ruk Abraham ki mihyuanide, api ki atungpuh de ji. Tüsho nüsanü alungki rhimosho nüsa ju anihbe tsührübo ah tüsho tümünü she nüsa dütreshih.