THRÜNTAN 31:34 - AMÜSÜH HÜM CL Bible (BSI)

³⁴ Kheakü Rachelnü yambuk thrünpuhbo lubah kemel düthsün kheak binpung khüp yuk tüsho jurü kheak bin. Labannü khimyam alala ching kheah tüshe jurü müyimkhit.

THRÜNTAN 31:34 Iomraidhean Croise

THRÜNTAN 31:17

Judüki Jakobnü asürü tüsho atsührübo le api niuberübo kemelbo kheak binshih.

THRÜNTAN 31:19

Kheakü Laban anihbuh yo namfimihnu nam rhippü yüa lakheah, tüsho Rachelnü abuh yo yambuk thrünpuhbo ahüh-a lu.

THRÜNTAN 31:33

Labannü Jakob khimyam ching, Lea khimyam ching, tüsho yamlaberü mahne khimyambo ching yüzah, tüshe apinü jurü müngü. Jushu apinü Lea khimyam chingnü wukhiukbah Rachel khimyam ching yüzah.

THRÜNTAN 31:35

Tüsho alibenü abuh ki tha, “Inü nü miki müzhipkhi dünkheak I tungpuhnü bukdakhiuk; I aliberü yakli kim ah.” Junangde apinü yim tüshe yambuk thrünpuhbo müngü.

HOSEA 3:4

Hanangde Israel mihtsürünü kim ashang kiulongthsürü yungsho limberü mülade, shuhmülanga kingaünkhi yungsho amüsüh lung dungjingbo mülade, sangthsübo yungsho müchitpü mejakbo mülade alabah.

LEVI 15:9

Tüsho amüyeanbuhnü abinkhi binkiubo ju mümüsühkhi kambah.

MAHKHAPRÜ 18:24

Apinü alo, “Nüsanü inü athsükhi thrünpuhbo le I yo amükeamrü lude tsoa lah. I tümü lale de nüsanü I ki keocho, ‘Nü tümü thsüa la?’”

1 SAMUEL 15:23

Tümüde azhihde arhimokhi ju thümüthiyi nangde neak tüsho nihnihrarakhi ju amülimkhi tüsho sangthsü kingaünkhi ruk ah. Tümütüsho nünü Atungpuh yu bahyukdo, apinü nü she kiulongthsürü chingnü bahyukdo.”