THRÜNTAN 30:39 - AMÜSÜH HÜM CL Bible (BSI)

³⁹ Junangde küyimki mihnubonü tsobo miki amüdungachihkheanü arünü panghingbo, amütribo tüsho aneakjik kihkhibo anu.

THRÜNTAN 30:39 Iomraidhean Croise

THRÜNTAN 30:38

Tüsho apinü aküp khuka bahkhi tsobo ju mihnubo arübah ke yungpung arü müngüh zojih, tümütüsho shiwühbo ke yungpü arüchoki amüdungachihde alakheah.

THRÜNTAN 30:40

Judüki Jakobnü namfimihnunubo büthsüde zo, tüshe aningkhi ju Laban shiwüh panghing tüsho amüwabo lim abinshih. Hanangde apinü anihbuh thsungkheak mihnu boto büthsü tüsho arübo Laban shiwüh lung müdüsah.

THRÜNTAN 31:38

I kam muku nü lung lado; nü yo namfimihnubo tüsho mihnubo manumüchih, yungsho nü mihnu boto chingnü namfimihnupungbo mütsüh.

THRÜNTAN 31:40

I ha ruk lakheah: animung alamkhinü takbeak, azhing ching athsakkhinü dükhan, tüsho I yapshede müyükhukde alakheah.

THRÜNTAN 31:42

I buh Thrünpuh, Abraham Thrünpuh tüsho Isak trekhi I lung mülakhülaa, tsükjide nünü I khahkeang tsoshih-a labah. Thrünpuhnü I thsünükhi tüsho I khah rhimobo ngü, tüsho yishih nü thürüh.”

THRÜNTAN 31:8

Apinü, ‘Amütribo nü mihkhah dün thsübah’ de thasho mihnu alala amütribo anu. Tüsho apinü, ‘Panghingbo nü mihkhah dün thsübah’ de thasho mihnubo alala panghingbo anu.