THRÜNTAN 30:20 - AMÜSÜH HÜM CL Bible (BSI)

²⁰ Tüsho Leanü tha, “Thrünpuhnü I kilim atsüdak thsambah jihdo; kheakü I yamkhünbuhnü I lung labah, tümütüsho inü api kilim tsührü 6 zübejihdo.” Jumonü alibenü api mung Zebulun de ji.

THRÜNTAN 30:20 Iomraidhean Croise

THRÜNTAN 29:34

Kheaküshe alibe mübünkeangde kambah tsührü khülang zübe, tüsho tha, “Kheakü ha kim ching I niubuhnü I kheak dakkihbah, tümütüsho inü api kilim tsührü 3 zübejihdo.” Jumonü api mung Levi de ji.

THRÜNTAN 30:15

Leanü alo, “Nünü I niubuh bede atsokhinü musuhdah de? Nünü I tsührü yo mandrak she aluba de?” Rachelnü tha, “Jumonü nü tsührü yo mandrak dün apinü khihre nü lung müyambah.”

THRÜNTAN 30:19

Judüki Lea mübünkeangde kam tüsho Jakob kilim tsührü athurukpü zübejih.

THRÜNTAN 30:21

Ju dunglim alibenü tsührübe khülang zübe, tüsho anihbe mung Dina de ji.

THRÜNTAN 34:12

I ki adün tüsho thsambah hihde kheangang, tüsho nüsanü I ki thakhi yande inü nüsa kilim jihbah; tüshe anünübe I niube thsüpü jihang.”

THRÜNTAN 35:23

Lea tsührübo Reuben (Jakob tsührü adüjibuh), Simeon, Levi, Juda, Issakar, tüsho Zebulun;

THRÜNTAN 46:14

Zebulun tsührübo Sered, Elon, tüsho Jaleel.

THRÜNTAN 49:13

Zebulun a keto yean labah; ju sangkungbo zopung thsübah tüsho api aredung ju Sidon kheak labah. @SPACE=

MUNGSHIKHÜN 68:27

Akhuhde trük aninibe Benjamin, jushu Juda limberübo arü khunungbo bede, ju khin Zebulun tüsho Naphtali limberübo arüchoh.

ABEKHIT 22:17

Alibe abuhnü api kilim jihpü zhikde lang thsunglosho, apinü alibe abuh kilim atsangkhit anünürü rhangchoki dünkheak jihkhi yande sho jihbah.

MATHI 4:13

Apinü Nazareth bahjihbah yü tüsho Zebulun le Naphtali ching lakhi keto ki Kapernaum ching la,

YUZÜNGTHALO 27:13

tüsho harübo Ebal wung kheak zhipbahle muthrumüneanbah: Reuben, Gad, Asher, Zebulun, Dan, tüsho Naphtali.

MAHKHAPRÜ 4:10

Tüsho Baraknü Zebulun tüsho Naphtali ju Kadesh ching ji; tüsho mihtsürü 10,000 api lung yü; tüsho Debora api lung yü.

MAHKHAPRÜ 5:14

Amalek ching aying lakhi Ephraim chingnü khürü arü; nü ruyanrü bolung Benjamin lakheah. Makir chingnü wühkenorübo, Zebulun chingnü limthorü tso hanrü aki.

1 SAMUEL 18:25

Judüki Saulnü tha, “Nüsanü David ki ha thaang, ‘ Kiulongthsüpuhnü yihlukhi dünkheak tümü mulune tüshe Filistiarü küp 100 lang lunelah, junangde apinü kiulongthsüpuh riri kheak royimbah.’ ” Kheakü Saulnü David ju Filistiarü khah hode akeamshihpü lümkhi thsü.