THRÜNTAN 3:6 - AMÜSÜH HÜM CL Bible (BSI)

⁶ Junangde alibenü sangaso ju atsühpü atsü, mük ki reangkeambe khülang tüsho lümlung ngüpü sangdung ngü, alibenü ju sangaso lu tüsho tsüh. Alibenü ayamkhünbuh kilim she jih tüsho apinü tsüh.

THRÜNTAN 3:6 Iomraidhean Croise

THRÜNTAN 3:12

Judüki mihtsürünü alo, “Nünü I lung lashihkhi alibenü sangdung kheaknü sangaso I kilim jih tüsho inü tsüh.”

THRÜNTAN 3:17

Apinü Adam ki tha, “Tümütüsho nünü nü niube yu anide inü nü ki dütsüh de thiyukhüm jihkhi sangdung chingnü tsühdo: nü dünkheaknü alo muthrumüneana lah; nü rhangdung amuyung khisahbah lang atsühbah.

THRÜNTAN 39:7

Kheakü anükhüh dunglim api putungrü niubenü Josep mürüh, tüsho tha, “I lung müyamang.”

THRÜNTAN 6:2

Thrünpuh tsührübonü mihtsürü tsührü liberübo jaktsüde ngü; tüsho arünü amürühkhi yamkhün thsü.

2 SAMUEL 11:2

Ha dünji, arelim küyimki David ayapkiu kheaknü asürübah kiulongthsürü yam kumung tsahde alakhea, apinü aliberü khülang kemüyihde thüyam kheaknü ngü; alibe ju khide akheahpü atsü lakheah.

1 KIULONG THSÜRÜ 13:19

Judüki Thrünpuh mihtsürünü api lung alode yü, tüsho api yam ching jim tsüh tüsho ke yung.

JOB HU H T ANYU 31:1

Inü I mükbo bede tangzüng khülang thsüdo; dale küde thsah inü anünürü kheak kheahkhukpü?

EZEKIEL 24:16

Mihtsürü tsührü, khülang ki damkhinü inü nü mük ki asühbe lude atsopü lah; tütüshe nünü mimütrip yungsho mütrip, yungsho nü chikebo mubukkhi.

EZEKIEL 24:21

Israel yamkhün ki thaang, Atungpuh Thrünpuhnü ha thachoh: Inü nüsanü lülüshishikhi, nüsa mükbo asühkhi, tüsho nüsa mulongnü akünkhi I yo arüngyam müneanbah; tüsho nüsanü aninga lashihkhi nüsa tsührübo le tsührübebo nukshangnü akeambah.

EZEKIEL 24:25

Tüsho mihtsürü tsührü, küyimki inü arü kheaknü arü chipibo, arü asühachih tüsho müretah, arü mük asühkhi tüsho arü mulong amuzho, tüsho arü tsührübo le tsührübebo she lukhambanü,

HOSEA 6:7

Tüshe Adam ching arünü tangzüng lakmih; ju ching arünü akin mülade I ki rhimo.

MATHI 5:28

Tüshe khürünü aliberü kheak mürühde kheahsho api mulong chingnü anihbe kheak müzammüramdo de inü nüsa ki thachoh.

1 TIMOTHI 2:14

tüsho Adam mümülapyuk, tüshe alibe mülapyuk tüsho athsümünimrü kam.

JIHUSUA 7:21

Isanü ayankhikhi kukruk bolung thsünü akheahakham Babilon shulünkhim ching kheahshe, shotoyinchi khahngak 2, tüsho suna yinchibo khahngak 1 bande mürühde angümonü inü ludo. Jurübo I yo khimyam alunglim shotoyinchinü khimbah kiua ramlah.”

1 JOHAN 2:16

Tümüde alomi ching lakhi alala, shihnü akünkhi, müknü amürühkhi tüsho lülüshishi rhangdung ju Abuh yo yung tüshe alomi yo ah.

MAHKHAPRÜ 14:17

Kheakü alibenü arü thünio kheambah nimung thüne bankhitde api ki trip. Tüsho thüne nipü apinü alibe ki tha, tümütüsho alibenü api ki khide thsurang. Jushu alibenü anihbe mihtsürübo ki akeokhikhi thaa huh.