THRÜNTAN 3:5 - AMÜSÜH HÜM CL Bible (BSI)

⁵ Tümütüsho küpü nimung nüsanü hoju tsühbanü nüsa mük khimshuhbah tüsho nüsa ju Thrünpuh nangde atsü tüsho amütsü mükheahbah de Thrünpuhnü mükheahlah.”

THRÜNTAN 3:5 Iomraidhean Croise

THRÜNTAN 2:17

tüshe atsü le amütsü mükheahbe sangdung kheaknü nünü mütsühbeah; tümüde küpü nimung nünü ju tsühbanü dükde nü ashebah.”

THRÜNTAN 2:9

Tüsho Atungpuh Thrünpuhnü alo chingnü tsühyungbe jaktsükhi sangdungbo mukhuhshih. Shahwün phulung ching rhangdung sangdung tüsho atsü amütsü mükheahbe sangdung she alakheah.

THRÜNTAN 3:10

Apinü alo, “Shahwün ching nü düsheak sobah I bünkeang lakhinü trede jiklah.”

THRÜNTAN 3:22

Judüki Atungpuh Thrünpuhnü tha, “Kheahang, mihtsürü ju atsü tüsho amütsü mükheahpü isa nangde kamdo; api khah chungde rhangdung sangdung chingnü rhoa tsühbah lünnü api rhangdung lapü mümülübeah.”

THRÜNTAN 3:7

Judüki ane mük khimshuh tüsho bünkeang ah de mükheah; jumonü anenü khubaso yü thürerubah yihdo.

1 KIULONG THSÜRÜ 22:6

Judüki Israel kiulongthsüpuhnü wukihrübo 400 bande bemukhung, tüsho arü ki tha, “Inü Ramoth-gilead bede keochihpü yüba shi, dashi I müyüba?” Arünü tha, “Wutuang; tümüde Atungpuhnü ju kiulongthsüpuh khah ching jihbah.”

2 KIUTHSÜYUKHEAN 32:15

Kheakü jumonü, Hezekianü hanangde nüsa dümülapyukshih yungsho dübemüchihshih, tüsho api kheak dükin; tümüde tümü trükshih yungsho kiulongthsü thrünpuhnü api mihtsürü I yungsho I jirüpürü khah chingnü bekhitkhukde mülakheah. Nüsa Thrünpuhnü nüsa I khah chingnü dükde mübekhitkhuk!”

MUNGSHIKHÜN 12:4

arünü tha, “Isa mulonü isanü akukbah, isa münküp isa lung lah; isa putungrü she a?”

ABEKHIT 20:7

“Nünü Atungpuh nü Thrünpuh mung akeangkeang ching dütam, tümüde Atungpuhnü api mung akeangkeang ching tamrü thsümüchibah.

ABEKHIT 5:2

Pharaonü tha, “Inü api düsheak anide Israelrü yüshihpü thsüde Atungpuh ju she a? Inü Atungpuh mümükheah tüsho inü Israelrübo müyüshih.”

ISAIA 14:14

inü amo kumung kheak yükihbah, inü I küdah thsüde Khide Achang kamshihbah.

EZEKIEL 13:22

Nüsa akeangyubo hode inü müyuripü lümkhi mihtsürü atsü mulong ninishih. Nüsanü mihtsürübo amütsü tuklopü tüsho arü rhangdung khümkhitpü chingnü zhipdo.

EZEKIEL 28:12

Mihtsürü tsührü, Tair kiulongthsüpuh dünkheak tüzhoang, tüsho api ki thaang, Atungpuh Thrünpuhnü ha thachoh: Nü khiukdahkhi lümlungnü mide tüsho jaktsü ching khiukdahkhi amütsan lakheah.

EZEKIEL 28:2

Mihtsürü tsührü, Tair yakzanshuhrü ki thaang, Atungpuhnü ha thachoh: Tümütüsho nü kükheanglah tüsho nünü tha, “ I thrünpuh khülang ah, inü ketobo phulung ching thrünpuhbo binpung binchoh,” tütüshe nünü nü lümkhi thrünpuh lümkhi kheak akeke she nü a mihtsürü khülang ah tüsho thrünpuh yung.

EZEKIEL 28:9

Judü lang, “ I a thrünpuh khülang ah,” de nü laksahrü miki thaba de? Nü a le nü yurirübo khah ching mihtsürü ah tüsho thrünpuh yung.

EZEKIEL 29:3

asukang, tüsho thaang, Atungpuh Thrünpuhnü ha thachoh: Inü nü azhihde lah, Ijip kiulongthsüpuh Pharao, shiwüh ato ayung phulung lakhinü thachoh, “ Nile ju I yo; ha I thsungkheak inü thsü.”

DANIEL 4:30

tüsho kiulongthsüpuhnü tha, “ Kheahang Babilon küdükhüh ato a! Ha inü I wu tüsho sühmüh, I müretah tüsho mungthu huhpü I yo kiuying thsükheah.”

DANIEL 6:7

Kiulongthsü yo kiuthsürü alala, khiukdahkhibo tüsho kiuthsü-kovünorbo, lümthiyan-jihrü tüsho kovünorbonü kiulongthsüpuhnü thiyuzüng tüsho thiyukhüm khülang thsüshihpü mulongarihdo, junangde shepünü nü hobah thrünpuh yungsho mihtsürü ki nimung samrü dükeak ching tamkhüntamnübanü, O kiulongthsüpuh, kekhüzübo yam ching jipyukbeah.

MATHI 6:23

Tüshe nü mük mütsüsho, nü pang alala amitingnü mide alabah. Jumonü nü kheak lakhi tsün ju amiting a sho, amiting ju küdükhüh ato laba!

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

2 KORINT 11:3

Tüshe inü trejihde alakhi ju phurutonü arük hode Eve mülapyukkhi nangde, lümrhangkhi tüsho Khrista kilim shuhmülanga jihkhi chingnü nüsa lümkhibo bephülapde atsobah.

2 KORINT 4:4

Thrünpuh kiphahkhi, Khrista müretah thiyusheak-atsü ayin arünü müngüshihpü ha lomi thrünpuhnü amükinrü lümkhibo yihdojih.

2 TESALONIKA 2:4

Apinü azhihbah tüsho aküdah thsüde Thrünpuh ah de ajikhi yungsho kingaünbe kukruk kurungkheak shuhkihbah, junangde api ju Thrünpuh ah de zhiyukde Thrünpuh arüngyam ching binbah.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 13:4

Mihtsürübonü dragon kingaün, tümüde apinü shiwüh kilim thiyukhüm-sühmüh jih, tüsho arünü shiwüh kingaünde tha, “Shiwüh nangde shepü la, tüsho shepünü ju bede keochihpü kukla?”

MAHKHAPRÜ 3:2

(Ha hodü lang Israel tsührübo püpüki thiri müthsüakheahrü ki thsangyupü lakheah):