THRÜNTAN 3:23 - AMÜSÜH HÜM CL Bible (BSI)

²³ Jumonü Atungpuh Thrünpuhnü küpü lonü api thrünkheanü ju wochakshihpü Eden shahwün chingnü yankhitabah.

THRÜNTAN 3:23 Iomraidhean Croise

THRÜNTAN 2:5

ju alomi ching thulu sangrung tüsho thulu ching rim tümü mümukhuhyi. Tümüde Atungpuh Thrünpuhnü alomi kheak tsüng marüshih, tüsho alo wochakpü mihtsürü mülade alakheah;

THRÜNTAN 2:7

Tüsho Atungpuh Thrünpuhnü alo asungthulungnü mihtsürü kamshih, tüsho api nupung ching rhangdung sheak mütyukjih, tüsho mihtsürü ju rhangdung lakhi khülang kam.

THRÜNTAN 2:8

Atungpuh Thrünpuhnü Eden ching aniakhiuklim peang shahwün khülang thsü, tüsho ju ching apinü akamshihkhi mihtsürü lashih.

THRÜNTAN 3:19

Nü alo mükamloyi khiungde nü kingkang chingnü shoke shude rhimobah lang tsühyungbe ngübah, tümüde nü alonü akamkheah; nü a alo ah tüsho nü alo kamlobah.”

THRÜNTAN 3:22

Judüki Atungpuh Thrünpuhnü tha, “Kheahang, mihtsürü ju atsü tüsho amütsü mükheahpü isa nangde kamdo; api khah chungde rhangdung sangdung chingnü rhoa tsühbah lünnü api rhangdung lapü mümülübeah.”

THRÜNTAN 3:24

Junangde apinü mihtsürü ju yankhitabah; tüsho apinü rhangdung limro aheangshihpü Eden shahwün aniakhiuklim cherubim tüsho azhingzhing nukshang khülang khülim khülim phürapde zo.

THRÜNTAN 4:12

Küyimki nünü alo wochakbanü junü nü kilim tümü makhiukshih, nü a lomi ching lapung mülade tsotsahrümtsahrü thsübah.”

THRÜNTAN 4:2

Jushu she alibenü aniurü Abel zübejih. Abel ju namfimihnu neakrü lakheah, tüshe Kain a thulu wochakrü lakheah.

THRÜNTAN 9:20

Noa thulu thsürü thsüpü tankih, tüsho apinü kurungasolu thsü.

T H S AN GYU T H S AN GR ARÜ 5:9

Kheaküshe thulu chingnü alü ngükhi ju alala thsungkheaknü lah; kiulongthsüpuh she alo kheak düthsün angülah.