THRÜNTAN 3:19 - AMÜSÜH HÜM CL Bible (BSI)

¹⁹ Nü alo mükamloyi khiungde nü kingkang chingnü shoke shude rhimobah lang tsühyungbe ngübah, tümüde nü alonü akamkheah; nü a alo ah tüsho nü alo kamlobah.”

THRÜNTAN 3:19 Iomraidhean Croise

THRÜNTAN 18:27

Abrahamnü alo tüsho tha, “Kheakü I asungthulung tüsho awahnü mulong tode Atungpuh ki asukchoh:

THRÜNTAN 2:7

Tüsho Atungpuh Thrünpuhnü alo asungthulungnü mihtsürü kamshih, tüsho api nupung ching rhangdung sheak mütyukjih, tüsho mihtsürü ju rhangdung lakhi khülang kam.

THRÜNTAN 23:4

“I khiungkerü ah tüsho nüsa bolung tsotsahrü ah. I kilim alo khürü yinjang, junangde inü I niube kiuyuka bahanü.”

THRÜNTAN 3:18

Ayangbo tüsho thrümthrukbe nü thsungkheaknü akhiukshihbah, tüsho mükeak ching yo wokephüyak tsühbah.

THRÜNTAN 5:5

Alala thsürubah Adam kam 930 lakheah, tüsho api sheabah.

JOB HU H T ANYU 1:21

Apinü tha, “I be nuyam chingnü I bünkeang arükheah, tüsho I bünkeang yülobah; Atungpuhnü jih, tüsho Atungpuhnü lude tsodo; Atungpuh mung müngühmühi thsüshang.”

JOB HU H T ANYU 10:9

Nünü alo nangde I nungnüdo de lümkhitang; tüsho nünü I alo kamloshihba de?

JOB HU H T ANYU 19:26

tüsho I küp ha thsümünimshu, I shih hanü inü Thrünpuh ngübah,

JOB HU H T ANYU 21:26

Arü alala rukhüh lang asungthulung ching yapchoh, tüsho aribonü arü mithülamchoh.

JOB HU H T ANYU 34:15

rhangdung lakhi alala rukhühnü adükheakbah, tüsho mihtsürü alala asungthulung kamlobah.

JOB HU H T ANYU 4:19

alo yam ching larü küdükhüh she alaba, shepü khimtan asungthulung ching la, sherübo ari nangde zünakcho.

MUNGSHIKHÜN 103:14

Tümüde apinü isa thrünkhi mükheahlah; isa asungthulung ah de apinü lümkhitchoh.

MUNGSHIKHÜN 104:23

Mihtsürünü nihbuh rhimo ching yüchoh tüsho arelim khiungde rhimochoh.

MUNGSHIKHÜN 104:29

Küyimki nü miro jikbanü, arü küpkhukchoh; nünü arü sheak lude tsochoh, arü shechoh tüsho arü yo asungthulung lim rholochoh.

MUNGSHIKHÜN 127:2

Akeangkeang ching nü mükikde asürüchoh, zhomade yapchoh, tsühyungbe tsühpü thsungkheak rhimochoh; tümüde apinü amuzhorü kilim ayappü mülüjihchoh.

MUNGSHIKHÜN 22:15

I sühmüh ju phühkheam nangde kunga lah, I mulo khühlüh kheah dakkihchoh; nünü I ashebe asungthulung ching bahjihdo.

MUNGSHIKHÜN 22:29

Kükheangküyang mihtsürü alalanü api miki khukningbah; ashe asürükhi mihtsürü alalanü api miki khukningbah.

MUNGSHIKHÜN 90:3

Nünü mihtsürü asungthulung lim rholoshih, tüsho tha, “Rholoang, O mihtsürü tsührübo.”

MÜCHITMUDU 21:16

Mihtsürü shepü anikhitkhi limro chingnü rümde tsahchonü asherü bolung sühakhimbah.

T H S AN GYU T H S AN GR ARÜ 1:13

thüning bukkhüp rhimokhi alala lümlung hode ayimkhitpü inü lümkih; Thrünpuhnü mihtsürü kheak kuhi amütsü zojih-a lah.

T H S AN GYU T H S AN GR ARÜ 1:3

Mihtsürünü ani khüp rhimokhi chingnü tümü alü ngücho?

T H S AN GYU T H S AN GR ARÜ 12:7

tüsho atan nangde pang ju alo asungthulung kamlobah, tüsho sheak ju ajihbuh Thrünpuh kilim alode ayübah.

T H S AN GYU T H S AN GR ARÜ 3:20

Alala dangpung khülang ching yüchoh; alala asungthulung chingnü ah, tüsho alala asungthulung kamlochoh.

T H S AN GYU T H S AN GR ARÜ 5:15

Berü nuyam chingnü mihtsürübo arüdo, junangde arü arükhi nangde bünkeang tsolobah; arünü arhimokhi arü khah chingnü tümü she lubah mutso.

DANIEL 12:2

Asherü ahihdo asürülobah: khürü akheam müla rhangdung labah, tüsho khürü achih ngükhi tüsho akheam müla abahyuk labah.

1 KORINT 15:47

Akhuh mihtsürü alomi chingnü, asungthulung mihtsürü ah; mahnepü mihtsürü ju yinmi chingnü ah.

EFISIA 4:28

Ahührünü kheaküa dahüh, tüshe apinü rhimoang, api khahnü thiyuro rhimo rhimoang, junangde apinü küpkhukrü kilim jihpü kukbah.

1 TESALONIKA 2:9

Keoniorübo, isa rhimokhi tüsho khisahkhi nüsanü lümkhitchoh; isanü nüsa ki Thrünpuh thiyusheakatsü thsangyuthsangrade lachoki, nüsa ki hahmülang müjihpü thsüde isanü azhing ayin rhimodo.

2 TESALONIKA 3:10

Tümüde nüsa lung isa lachoki she, isanü ha yukhüm nüsa kilim jih: “Shepünü rhimo mürhimobanü, api a düyimtsühshih.”

IBRI 9:27

Tüsho mihtsürübo khülangki shebah jushu thiyukhap arüpü lakhi nangde,