THRÜNTAN 3:18 - AMÜSÜH HÜM CL Bible (BSI)

¹⁸ Ayangbo tüsho thrümthrukbe nü thsungkheaknü akhiukshihbah, tüsho mükeak ching yo wokephüyak tsühbah.

THRÜNTAN 3:18 Iomraidhean Croise

THRÜNTAN 3:17

Apinü Adam ki tha, “Tümütüsho nünü nü niube yu anide inü nü ki dütsüh de thiyukhüm jihkhi sangdung chingnü tsühdo: nü dünkheaknü alo muthrumüneana lah; nü rhangdung amuyung khisahbah lang atsühbah.

THRÜNTAN 3:19

Nü alo mükamloyi khiungde nü kingkang chingnü shoke shude rhimobah lang tsühyungbe ngübah, tümüde nü alonü akamkheah; nü a alo ah tüsho nü alo kamlobah.”

JOB HU H T ANYU 1:21

Apinü tha, “I be nuyam chingnü I bünkeang arükheah, tüsho I bünkeang yülobah; Atungpuhnü jih, tüsho Atungpuhnü lude tsodo; Atungpuh mung müngühmühi thsüshang.”

JOB HU H T ANYU 31:40

wheat hi müthri ayangbo mukhuhshang, tüsho barli hi müthri keakthrüt mukhuhshang. Job yubo arün thsüabah.

JOB HU H T ANYU 5:5

Akhümrünü arü hi tsühbah, tüsho arünü ayangrung chingnü she yihkhitchoh; tüsho kethürirünü arü lakhit mükthsüchoh.

MUNGSHIKHÜN 104:2

shepü khimmih nangde ayinnü phudola, shepünü zhindokhim nangde thüningbo thoshang,

MUNGSHIKHÜN 90:3

Nünü mihtsürü asungthulung lim rholoshih, tüsho tha, “Rholoang, O mihtsürü tsührübo.”

MÜCHITMUDU 22:5

Ayangbo tüsho müthrimbo mulomülaprü limro ching lah; shepünü nihbuh me kümchonü jurü kheaknü limshude alabah.

MÜCHITMUDU 24:31

alala ching ayangbo mukhuh-a lakheah; alo ju thrümthrukbenü mi tüsho lung-mutrungkhi thsümünima lakheah.

ISAIA 32:13

Tümüde I mihtsürü lo ching ayangbo tüsho khingphubo mukhuhbah; asühachihkhi kiuto ching asühkhi yamkhün alala thsungkheak tripang.

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

ISAIA 7:23

Ju nimung kurungaso 1000 lapung, shotoyinchi 1000 dünkhi ju, khingphu tüsho ayangrungnü chakdoabahbah.

ISAIA 7:24

Khürünü sanglüh tüsho hühzo shuhbah ju ching yübah, tümüde alo alala khingphu tüsho ayangrungbo labah;

JEREMIA 12:13

Arünü wheat hi yang tüshe ayangbo yimludo, arü keakzungdo tüshe tümü alü müla. Atungpuh bukakhiukkhi hode arü yimlukhi ching arü achihbah.

JEREMIA 4:3

Tümüde Atungpuhnü Juda mihtsürü tüsho Jirusalem ching larü ki ha thachoh: Müphünkhi nüsa lo kiuang, tüsho ayangrung ching dühiu.

MATHI 13:7

Khürü ayangrungbo ching hiuyuk, tüsho ayangbo mukhuhbah jurü khüpsahabah.

ROMRÜ KILIM PAULNÜ ATHRÜTKHI KIHÜM HUHTANYU 14:2

Khürü a tümütümü she atsühpü akin lah, tüshe akin ching reangmüzahkhi mihtsürünü wokephüyak lang tsühchoh.

IBRI 6:8

Tüshe ayangbo le thrümthrukbebo mukhuhsho, ju yihnüpü mülakhi tüsho muthrua bahpü thüninde lah; akheam ching a ju takabahpü lah.

JIHUSUA 23:13

Atungpuh nüsa Thrünpuhnü kheakü harü trükbo nüsa müngühnü yana mübahjih dükhi nüsanü tsükjide mükheahang; tüshe nüsa thsungkheaknü arü lang atrebe qimürip tüsho azheang tüsho nüsa düthsün kheak rhapbe liu tüsho nüsa mük ching ayang zahkhi nangde, Atungpuh nüsa Thrünpuhnü ajihkhi lo atsü ching nüsa müdükheakkhamyi khiungde alabah.