THRÜNTAN 3:16 - AMÜSÜH HÜM CL Bible (BSI)

¹⁶ Apinü alibe ki tha, “Inü nü khungarü hankhi thsünü alü kamshihbah; nü thsünüsahde khungarü zübebah; jude thsüthsü she nü niubuh mürühpü nü kheak labah, tüshe apinü nü kurungkheak yakzan shuhbah.”

THRÜNTAN 3:16 Iomraidhean Croise

THRÜNTAN 4:7

Nünü lungkide rhimokhülaa, nü müleangkhibea de? Tüshe tümü alungkianü nünü ju mürhimosho, khimdopü ki neak yaplah; hanü nü mürheangchoh, tüshe nünü ju kukbeah.”

1 KIUTHSÜYUKHEAN 4:9

Jabez ju api keoniorübo kheaknü alü wüntrebuh lakheah; tüsho abenü api mung Jabez jijihde tha, “Tümütüsho inü api thsünüde zübedo.”

ESTER 1:20

Küyimki thiyusheak lomi alala ching zhiyukbanü, aliberü alalanü niubuhrü ki, api alarü yungsho zhochihrü thsüthsü dükde akin jihbah.”

MUNGSHIKHÜN 48:6

Ju ching arü azoberü thsünükhi nangde atrekhinü tholo,

ISAIA 13:8

tüsho arübo trede akambah, thsünü tüsho thsümütsünü arü tholobah; arübo aliberü khülang zübepü thsünü ching lakhi nangde thsünükhi ching labah. Arünü khülangnü khülang kheak trede akheahbah; arü mirobo motru nangde alabah.

ISAIA 21:3

Jumonü I chimbo atukkhinü mido; athsükhinü I tholodo, aliberü zübechoki thsünükhi nangde; inü asochoki I lümthsünüdo, inü ju ngüchoki I mulong keahkhiabahdo.

ISAIA 53:11

Api thsünükhi chingnü apinü ayin ngübah; api mükheahmudu hode api reangkeam ngübah. Thiyuro-lungki labuh, I yamlarünü ahihdo thiyuro-lungki kamshihbah tüsho apinü arü mülimkhibo hanbah.

JEREMIA 13:21

Nünü nü müyamrü thsüpü lümkhi nü kurungkheak lachoki nünü tümü thaba? Azoberü thsünükhi nangde, thsününü nü müramloba de?

JEREMIA 22:23

O Lebanon ching larübo, cedarbo ching sap shurübo, nüsa kheak aliberü thsünükhi nangde thsünü arüchoki nüsa küdükhüh amuzhobe laba!

JEREMIA 4:31

Tümüde azoberü thsünüchoki nangde azhikhi khülang inü sodo, anihbe tsührü atuzuk zübechoki nangde, Zion azhikhinü sheak dükipchoh, anihbe khah chungkihchoh, “ I ayokhe! I mihkhukrü miki sheshihchoh!”

JEREMIA 49:24

Damaska süh mülade kamdo, anihbe ashanpü rholodo, tüsho thsününü anihbe khiungdo; aliberü thsünüchoki nangde thsünü tüsho mulong rozhaknü anihbe tholoa lah.

JEREMIA 6:24

“ Isanü arü yusheak sodo, isa khahbo keahkhia lah; thsünükhinü aliberü zübechoki thsünükhi nangde isa tholoa lah.

WÜHKHE 30:13

Nihbe thsünüpü thsüde alibenü thiyuchihchimsho yungsho tangzüngachih-a lasho, aniubuhnü ju thsülangpü yungsho akeangkeang kamshihpü kuklah.

JOHAN 16:21

Aliberü küyimki thsünü ching labanü mulong rozhak lachoh tümütüsho anihbe kim arüdo; tüshe alibenü khungarü zübe müleangnü thsünü mülümkhitde kamchoh, tümüde mihtsürü asühkhi alomi ching zübedo.

1 KORINT 11:3

Tüshe mihtsürü aban kurungkheak aku ju Khrista, aliberü kurungkheak aku ju aniubuh, tüsho Khrista kurungkheak Thrünpuh ah de nüsanü anikhitshihnelah.

1 KORINT 14:34

borübo ching aliberübonü zhikde alabeah. Tümüde arünü athapü mümülü, tüshe yakzannü athakhi nangde arübo abukkhüp larü thsübeah.

1 KORINT 7:4

Tümüde niuberünü nihbe pang kurungkheak atungrü müthsü, tüshe niubuhrünü ahorichoh; junangde niubuhrünü nihbuh pang kurungkheak atungrü müthsü, tüshe niuberünü ahorichoh.

KOLOSI 3:18

Niuberübo, Atungpuh kheak ayekhi nangde nüsa niubuhrü bukkhüp laang.

1 TESALONIKA 5:3

Küyimki mihtsürünü, “Mungtsü tüsho akhümkhit” de athabanü mübünkeangkhi liberü kheak zübethsünükhi nangde zukleangnü arü kheak athsümünim arübah, tüsho arü mutsokhide alabah.

1 TIMOTHI 2:13

Tümütüsho akhuhde Adam tüsho jushu Eve thrün;

1 TIMOTHI 2:15

Tütüshe anihbenü azhihayihde akin, amuzho, tüsho amüsühkhi ching mutukzhakde lasho tsührü zübekhi hode aliberü ju akhümkhitbah.

TITA 2:5

zangrü danyukpü, atsangkhitpü, niubuhrü bukkhüp lade mütsanmükühpü, junangde Thrünpuh yu mükhemükim müthsüde alabah.