THRÜNTAN 3:15 - AMÜSÜH HÜM CL Bible (BSI)

¹⁵ Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

THRÜNTAN 3:15 Iomraidhean Croise

THRÜNTAN 49:17

Dan ju limro yean phuruto, limtsahpung yean müzüm phuruto thsübah, junangde khora lahzhibo mukiubah ju kheak binrü dunglim ayokhibah. @SPACE=

MUNGSHIKHÜN 132:11

Atungpuhnü thiyuro ching David ki thiyuchihchim thsü; apinü ju chingnü murholo: “Inü nü tsührü bolungnü khülang nü kiulongthsü-binkiu kheak binshihbah.

ISAIA 53:12

Jumonü inü ato bolung api ki shihcham jihbah tüsho sühmüh lakhi lung api ayankhikhi-kukruk chama jihbah; tümütüsho apinü anihbuh langzünü she tüsho alakmihrü lung kheyuk; tütüshe apinü ahihdo neak han tüsho alakmihrü thsungkheak tamkhüntamnü.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

JEREMIA 31:22

Külokhüh nü rümde atsahba, O akin mülakhi tsührübe? Tümüde Atungpuhnü alomi kheak kukruk aso khülang thründo; aliberü khülangnü athrürü kümdopü lah.

DANIEL 9:26

Tüsho thünenü shu rukrükheak mahne dunglim mujude-mokhitkhi laksahbah tüsho wulakhi yakzanshuhbuh yo thirithsürünü azahbah kiuto tüsho arüngakopung thsümünimbah. Akheam ju keking khülang nangde arübah: Akheam khiungde thirithsü labah, tüsho athsümünimpü thsakhama lah.

AMOS 9:3

arünü Karmel mujuk kheak jikjik she, ju chingnü inü arü yimkhitbah; tüsho arünü I mikinü keto alunglim jikjik she, ju ching inü ke-phuruto ki thiyukhüm jihbah, tüsho junü arü nguhbah.

MIKA 5:3

Jumonü thsünüde alakhi liberünü müzübeyi kim khiungde apinü arü bahyukbah; jushu aningkhi api keoniorü Israel mihtsürü kilim alode arübah.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

MATHI 1:25

Tüshe alibenü tsührü müzübeyikia apinü anihbe mümükheahde alakheah. Tüsho apinü amung Jisu de ji.

MATHI 12:34

Nüsa phurutobo, nüsa amütsübonü küde thsah atsü thakhukpü? Tümütüsho tümünü mulong mide lanü ju münnü asukchoh.

MATHI 13:38

Thulu ju alomiküp, müjih atsübo ju kiulongthsü tsührübo, tüshe muthsuaberimbo a mihbukmuyuk tsührübo ah.

MATHI 23:33

Nüsa phurutobo, phuruto tsührübo! Athsümüchi chingnü nüsanü küde thsah atsokhitpü?

MATHI 3:7

Tüshe küyimki apinü Pharisirü tüsho Sadukirü ahihdo baptipü arükhi ngükhea, apinü arü ki tha, “Phuruto tsührübo! Shepünü nüsa bukakhiuk arüpü lakhi chingnü thaa tsoshihkhea?

MARK 16:18

arünü phuruto thrüa lulu she, tüsho ashebe müzüm yungyung she arü müthsümüchih; arünü tukthsürü kheak arü khahnü aqiubah tüsho arü angubah.”

LUKNÜ ATHRÜTKHI THIYUSHEAK-ATSÜ HUHTANYU 1:76

Tüsho nü khungarü, Khide Achang yo wukihrü de ajibah; tümüde nünü api limrobo thsakhampü Atungpuh müngüh yübah,

LUKNÜ ATHRÜTKHI THIYUSHEAK-ATSÜ HUHTANYU 10:19

Kheahang, phurutobo le lungthsühribo tüsho thiriri wu alala kurungkheak thrümpü inü nüsa kilim thiyukhüm-sühmüh jihchoh, tüsho tümünü she nüsa mütrünthsü.

LUKNÜ ATHRÜTKHI THIYUSHEAK-ATSÜ HUHTANYU 22:53

Küyimki I arüngyam ching nimung aban nüsa lung lakhea, nüsanü I rampü mümürang. Tüshe ha nüsa kim, tüsho amiting wu lah.”

LUKNÜ ATHRÜTKHI THIYUSHEAK-ATSÜ HUHTANYU 24:27

Tüsho Mosa le wukihrübo kheaknü tankihbah amüsühyu alala ching anihbuh dünkheak ane ki thanaka huh.

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

YUNIRÜBO RHIMO 13:10

tüsho tha, “Nü arimri tsührü, akeangyu tüsho mülapmüjinü mide alakhi thiyurolungkirü alala riri, nünü Atungpuh limro khürangshihpü mutukloba de?

ROMRÜ KILIM PAULNÜ ATHRÜTKHI KIHÜM HUHTANYU 16:20

junangde mungtsü Thrünpuhnü nahde nüsa jing khüp Arimri zünakbah. Isa Atungpuh Jisu Khrista amüthsüm nüsa lung laang.

ROMRÜ KILIM PAULNÜ ATHRÜTKHI KIHÜM HUHTANYU 3:13

Arü thrukeang ju akhimshuhkhi kiuyuk ah, arü mulonü mülapyukchoh. Arü münküpbo khüp phuruto müzüm lah.

GALATIA 4:4

Tüshe küyimki kimkhiukkhi arükhea, Thrünpuhnü api tsührü, aliberünü azübekhi, yakzan bukkhüp zübekhi,

EFISIA 4:8

Jumonü ha tha, “Küyimki api achang kheak yükihkheanü apinü aramrü boto khülang be tüsho apinü mihtsürübo kilim thsambahbo jih.”

KOLOSI 2:15

Wubo tüsho thiyukhüm-sühmühbo kheamshihde, apinü sangkimnü jurü kurungkheak akuk ngüde botonü kheahshih.

IBRI 2:18

Tümütüsho api thsünü tüsho rükakikhi hode sherü rükakia lanü apinü arungpü kuklah.

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.

1 JOHAN 3:10

Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.

1 JOHAN 3:8

Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah.

1 JOHAN 5:5

Shepünü alomi kukpü la? Jisu ju Thrünpuh tsührü de akinrünü lang ah.

AMIKHEAKAKHIUKKHI 12:17

Judüki dragonnü alibe kheak bukakhiuk, tüsho aningkhi anihbe tsührübo, Thrünpuh yuzüngbo tüsho Jisu thiyumütsan zorü bede thirithsüpü yüabah.

AMIKHEAKAKHIUKKHI 13:7

Api kilim amüsührü bede thirithsüpü tüsho arü kukpü she wu jih-a lakheah. Tüsho trük aban, mihtsürü, thiyutha tüsho trükshih kurungkheak thiyukhüm-sühmüh wu jih-a lakheah.

AMIKHEAKAKHIUKKHI 2:10

Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.

AMIKHEAKAKHIUKKHI 20:10

tüsho arü mülapyukbuh amünean ju shiwüh le arükchih wukihrübo lapung modüjim ching jipyuk, tüsho arübo azhing ayin lünnü lün thsümüchibah.