THRÜNTAN 29:31 - AMÜSÜH HÜM CL Bible (BSI)

³¹ Küyimki Lea mümuzhokhi Atungpuhnü angükhea, apinü anihbe nuyam khimshuhjih; tüshe Rachel a bünkeangberü lakheah.

THRÜNTAN 29:31 Iomraidhean Croise

THRÜNTAN 11:30

Tüshe Sarai aniungyüh lakheah; alibe tsührü mülakheah.

THRÜNTAN 16:1

Kheakü, Abram niube Sarainü api kilim tsührü müzübejih. Tüsho anihbe Ijip yamlaberü amung Hagar lakheah.

THRÜNTAN 20:18

tümüde Atungpuhnü Abraham niube Sara dünkheaknü Abimelek yamkhün ching nuyam aban yihdojih-a lakheah.

THRÜNTAN 25:21

Kheakü Isaknü aniube thsungkheak Atungpuh ki mushu, tümütüsho alibe bünkeangberü lakheah; apinü amushukhi Atungpuhnü alojih, tüsho aniube Rebeka mübünkeangde kam.

THRÜNTAN 27:41

Jumonü abuhnü api müngühjihkhi dünkheak Esaunü Jakob lungkhangde kam, tüsho Esaunü amulong ching tha, “I buh dünkheak tüzhopü nimungbo thüninde lah; jushu inü I niurü Jakob laksahbah.”

THRÜNTAN 29:30

Jakobnü Rachel kheak she müyam, tüsho apinü Lea kheaknü Rachel alü muzho. Tüsho apinü kam thüne Laban tankihlo.

THRÜNTAN 29:32

Jumonü Lea mübünkeangde kambah tsührü khülang zübe, tüsho anihbenü api mung Reuben de ji; tümüde alibenü tha, “Atungpuhnü tsükjide I küpkhuk ngüdo. Jumonü kheakü I niubuhnü I muzhobah.”

THRÜNTAN 30:22

Jushu Thrünpuhnü Rachel lümkhit, tüsho Thrünpuhnü anihbe ki anijihde nuyam khimshuhjih.

THRÜNTAN 35:23

Lea tsührübo Reuben (Jakob tsührü adüjibuh), Simeon, Levi, Juda, Issakar, tüsho Zebulun;

MUNGSHIKHÜN 127:3

Kheahang, tsührübo ju Atungpuh kilimnü yamrüplurüp lah, nuyam sangaso ju api thsambah.

ABEKHIT 3:7

Tüsho Atungpuhnü tha, “Inü atsütsü I mihtsürübo Ijip lomi ching dukmüsüpkhi ngüdo; arü azhorü kuhi chingnü khümkhitpü zhikhi inü sodo; arü thsünü alala inü mükheahlah.

MALAKI 1:3

tüshe inü Esau thranean; inü api müzüngbo lomi ju azhik tüsho api yamrüplurüp ju shirungbo thsungkheak loshelo kamshih.

MATHI 10:37

Shepünü I kheaknü abuh yungsho abe alü muzhochonü I jingyanrü thsüpü müthülün. Tüsho shepünü I kheaknü tsührü yungsho tsührübe alü muzhochonü I jingyanrü thsüpü müthülün.

MATHI 6:24

“Shenü she aputungrü mahne mütankihkhuk; tümüde apinü khülang athraneanbah tüsho püpü amuzhobah, yungsho apinü khülang ki thiyuro labah tüsho püpü ki mükhemükimbah. Nüsanü Thrünpuh tüsho lakhit chido mütankihkhuk.

LUKNÜ ATHRÜTKHI THIYUSHEAK-ATSÜ HUHTANYU 1:7

Tüshe ane tsührü müla, tümütüsho Elizabeth ju bünkeangberü tüsho ane chido khide shina lakheah.

LUKNÜ ATHRÜTKHI THIYUSHEAK-ATSÜ HUHTANYU 14:26

“Khürünü I dunglim arübah abuh, abe, aniube, atsührübo, khiungmungrü le chiniurü, tüsho nihbuh rhangdung she müthraneansho, api I jingyanrü thsüpü müthülün.

JOHAN 12:25

Shepünü nihbuh rhangdung muzhochonü ju adükheakbah, tüsho shepünü ha lomi ching nihbuh rhangdung thraneanchonü ju lün rhangdung thsungkheak labah.

YUNIRÜBO RHIMO 7:8

Judüki apinü anihbuh kilim tsütabahpü tangzüng jih; junangde Abrahamnü Isak ngü tüsho nimung tizheahpü ching api tsütabah; tüsho Isak kheaknü Jakob trükkhit tüsho Jakob kheaknü jipürü 12 trükkhit.

YUZÜNGTHALO 21:15

“Mihtsürü khülangnü niuberü mahne lubah khülang kheak muzho tüsho püpü kheak mümuzhosho, tüsho anenü api kilim tsührü zübejihkhi ching adüjibuh ju amümuzhobe kheak yo thsüsho,

RUTH 4:13

Jumonü Boaznü Ruth ju ayamkhünbe thsüpü thüyam lim bede yü. Atungpuhnü alibe müngühjih, tüsho mübünkeangde kambah tsührü athrürü zübe.

1 SAMUEL 1:20

Kim dükdü ching Hanna mübünkeangde kam tüsho athrürü khülang zübejih. Anihbenü api mung Samuel de ji, tümüde alibenü tha, “Inü api thsungkheak Atungpuh ki kheangkheah.”

1 SAMUEL 1:27

Ha azürü thsungkheak inü tamkhüntamnükheah; tüsho inü Atungpuh ki kheangkhi apinü I ki jih.

1 SAMUEL 1:5

tüshe apinü Hanna kilim a shihcham alü thsüde jih, tümütüsho Atungpuhnü anihbe nuyam yihdojihjih she apinü alibe muzho.

1 SAMUEL 2:21

Tüsho Atungpuhnü Hanna müngühjih; anihbe mübünkeangde kam tüsho athrürü 3 tüsho aliberü 3 zübejih. Tüsho azübuh Samuel Atungpuh miki zode asürü.