THRÜNTAN 28:5 - AMÜSÜH HÜM CL Bible (BSI)

⁵ Junangde Isaknü Jakob ju Paddan-aram ching Jakob le Esau abe Rebeka akhiung, Aramrü Bethuel tsührü Laban yam ching thiyia yüshih.

THRÜNTAN 28:5 Iomraidhean Croise

THRÜNTAN 22:23

Bethuel ju Rebeka abuh kam. Milkanü Abraham niurü Nahor kilim harü tsührü 8 zübejih.

THRÜNTAN 24:54

Tüsho api le api lung bekhi mihtsürübonü tsühyung tüsho ju re ju ching binkheam. Küyimki arü yapsu asürükheanü, apinü tha, “I putungrü kilim I yüshang.”

THRÜNTAN 25:20

Paddan-aram chingnü Aramrü Bethuel tsührübe tüsho Aramrü Laban niurü Rebeka luchoki Isak kam 40 azorü lakheah.

THRÜNTAN 27:43

Jumonü I tsaha, kheakü I yu aniang: Tsahmusubah Haran ching I khiung Laban kilim yüang,

THRÜNTAN 28:2

Tsahmusubah Paddan-aram ching nü be abuh Bethuel yam ching yüang; tüsho ju ching nü kü Laban tsührübebo lung khülang nü niube luang.

THRÜNTAN 29:1

Jumonü Jakobnü hantsahde yü tüsho aniakhiuklim mihtsürü lomi ching arü.

THRÜNTAN 29:12

Apinü anihbuh ju alibe abuh betsührü tüsho Rebeka tsührü ah de Rachel ki tha, jumonü alibenü yübah abuh ki tha.

THRÜNTAN 31:24

Tüshe ju tsüngre milim ching Siriarü Laban kilim Thrünpuh arü, tüsho api ki tha, “Jakob ki atsü yungsho amütsü müthapü kümkangang.”

THRÜNTAN 35:27

Judüki Jakob ju Abram tüsho Isak lacholapung Mamre yungsho Kiriath-arba (ju Hebron) ching abuh Isak kilim arü.

EZEKIEL 27:16

Nü kukrukbo suhdahkhi hode Sirianü nü lung yinzüyindo; arünü shothsümolopü phüyakmuchu-lung, mürümmuchulung, akeakkhi rhimo atsüdak khimthünak, muliuke-lung, tüsho shotomürüm-lungbo müthriachih.

HOSEA 12:12

Jakob nü Aram lomi ching tsode yü, ju ching Israelnü niuberü thsungkheak tankih, tüsho niuberü thsungkheak apinü namfimihnu neakde la.

YUZÜNGTHALO 26:5

Tüsho nünü Atungpuh nü Thrünpuh miki thabah: ‘Rümde atsahrü Aramrü ju I buh lakheah; tüsho api wühkhe nükde Ijip ching tsode yünü la; tüsho ju ching api trük ato, sühmüh lakhi tüsho wüh hihde kam.