THRÜNTAN 28:4 - AMÜSÜH HÜM CL Bible (BSI)

⁴ tüsho nü le nü tsühsoniusobo kilim Abraham müngühmühi jihchoh, junangde Thrünpuhnü Abraham kilim jihkhi, nüsa khiungkerü thsüde alakhi lomi nüsa kilim jihbah.”

THRÜNTAN 28:4 Iomraidhean Croise

THRÜNTAN 12:7

Judüki Atungpuhnü Abram ki akhiuk tüsho tha, “Nü tsühsoniusobo ki inü ha lo jihbah.” Tüsho apinü ju ching api ki akhiukbuh Atungpuh kilim kingaün sadam khülang thsü.

THRÜNTAN 15:8

Tüshe Abramnü keokhi, “Atungpuh Thrünpuh , ha lomi yamrüplurüp lupü küde thsah inü amükheahba?”

THRÜNTAN 27:33

Judüki Isaknü khide ajan tüsho tha, “Shih laksah-a I kilim lude arübuh thsü she a? Nü marüyide inü ju tsühdo tüsho inü api müngühjihdo–tüsho api müngühmühibah.”

THRÜNTAN 37:1

Jakob ju abuh lacholakhi lomi, Kanan lomi ching lakheah.

1 KIUTHSÜYUKHEAN 29:15

Tümüde isa le isa jipürübo nü miki khiungkerü tüsho nahde atsopü lah; alomi kheak isa nimungbo me khülang nangde lah, tüsho ju ching mulonglam müla.

MUNGSHIKHÜN 39:12

I tamkhüntamnü sojang, O Atungpuh , tüsho I tripkhi anijang; I tripchoki zhikde düla. Tümüde I a nü lung I buh pürü nangde jaksorü, tsotsahrü khülang ah.

MUNGSHIKHÜN 72:17

Api mung lünnü alabah; ani la khiungde api mung mutuklode alabah. Tüsho mihtsürübo api lung müngühmühibah; trükshih alalanü api ki müngühmühi de ajibah.

ABEKHIT 6:4

Arü hanrü thsüde alakhi Kanan lomi ju inü arü kilim jihpü tangzüng thsü.

GALATIA 3:14

Abraham kilim jihkhi müngühmühi Jisu Khrista hode khiungkerü kheak arüpü thsüde apinü isa rhokhit, junangde akin hode isanü Menü alokhikhi leangkhibah.

GALATIA 3:8

Thrünpuhnü akin hode khiungkerü alim kamshihbah de amüsühyunü müchit, tüsho amüngühnü thiyusheak-atsü Abraham ki mükheahshih: “Trükshih alala nü hode müngühmühibah.”

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.