THRÜNTAN 28:2 - AMÜSÜH HÜM CL Bible (BSI)

² Tsahmusubah Paddan-aram ching nü be abuh Bethuel yam ching yüang; tüsho ju ching nü kü Laban tsührübebo lung khülang nü niube luang.

THRÜNTAN 28:2 Iomraidhean Croise

THRÜNTAN 24:10

Judüki yamlabuhnü api putungrü yo kemel 10 lu tüsho chamachih, tümüde api putungrü kukrukbo alala anihbuh khah ching lakheah. Tüsho apinü tsahmusubah Mesopotamia lim, Nahor kiuto ching yü.

THRÜNTAN 24:29

Kheakü Rebeka akhiung amung Laban lakheah, tüsho apinü kekhip ki lakhi mihtsürü kilim niokheamde yü.

THRÜNTAN 24:4

tüshe nünü I lomi tüsho I keoniorü kilim yüang tüsho I tsührü Isak niube lujang.”

THRÜNTAN 24:50

Judüki Laban tüsho Bethuel bünenü alo tüsho tha, “Ha Atungpuh kilimnü arüchoh; isanü nü ki amütsü yungsho atsü she müthakhuk.

THRÜNTAN 25:20

Paddan-aram chingnü Aramrü Bethuel tsührübe tüsho Aramrü Laban niurü Rebeka luchoki Isak kam 40 azorü lakheah.

THRÜNTAN 28:5

Junangde Isaknü Jakob ju Paddan-aram ching Jakob le Esau abe Rebeka akhiung, Aramrü Bethuel tsührü Laban yam ching thiyia yüshih.

THRÜNTAN 29:1

Jumonü Jakobnü hantsahde yü tüsho aniakhiuklim mihtsürü lomi ching arü.

THRÜNTAN 31:18

Tüsho apinü anihbuh shiwühbo le apinü alü thsükhi kukrukbo alala, Paddan-aram ching ngükhi shiwühbo lubah Kanan lomi ching abuh Isak kilim yü.

THRÜNTAN 32:10

nünü nü yamlarü ki amuzho tüsho thiyuro harü alala huhkhi I müthülün. I ha Jordan hochoki tso khülang lang alakheah, tüshe kheakü I bo mahne kamdo.

THRÜNTAN 33:18

Tüsho Jakobnü api limro Paddan-aram chingnü Kanan lomi ching lakhi Shekem kiuto ching tsüde arü; tüsho apinü kiuto müngüh bin.

THRÜNTAN 35:9

Kheakü api Paddan-aram chingnü arüchoki Thrünpuhnü Jakob ki akhiuk tüsho api müngühjih.

THRÜNTAN 46:15

Harübo Paddan-aram ching Leanü Jakob kilim api tsührübe Dina bede zübejihkhi tsührübo ah. Api tsührübo tüsho tsührübebo alalanü 33 lakheah.

HOSEA 12:12

Jakob nü Aram lomi ching tsode yü, ju ching Israelnü niuberü thsungkheak tankih, tüsho niuberü thsungkheak apinü namfimihnu neakde la.

HOSEA 12:13

Wukihrü hode Atungpuhnü Israel Ijip chingnü bede atu, tüsho wukihrünü api aheang.