THRÜNTAN 28:19 - AMÜSÜH HÜM CL Bible (BSI)

¹⁹ Tüsho apinü ju dangpung mung Bethel de ji; tüshe ju kiuto mung akhuhlim Luz lakheah.

THRÜNTAN 28:19 Iomraidhean Croise

THRÜNTAN 12:8

Ju chingnü api aniyüzahlim Bethel tüsho aniakhiuklim Ai lakhi aniakhiuklim Bethel wungbo lim yü. Ju ching apinü Atungpuh kilim kingaün sadam khülang thsü tüsho Atungpuh mung ji.

THRÜNTAN 28:11

Junangde api dangpung khürü ching arü tüsho tsüngre amuyung binkheam, tümütüsho ani yüzah-a lakheah. Apinü ju dangpung chingnü lung khülang lu tüsho aku mükham, tüsho ju ching api yap.

THRÜNTAN 31:13

I nünü mujudemüsühkhitkhi mümih-lung tüsho nünü I ki thiyuchihchim thsüpung Bethel Thrünpuh ah. Kheakü ha lomi zojihbah nü zübe lo lim alode yüang.’”

THRÜNTAN 35:1

Judüki Thrünpuhnü Jakob ki tha, “Asürang, Bethel lim wutuang tüsho ju ching laang; tüsho nü khiung Esau kheaknü nü tsochoki nü ki akhiukbuh Thrünpuh kilim kingaün sadam khülang thsang.”

THRÜNTAN 35:14

Jumonü apinü anihbuh ki asukachihkhi dangpung ching Jakobnü mümihlung khülang khima zo; tüsho apinü ju kheak ayungbe kingaün le müdangke bukkih.

THRÜNTAN 35:15

Tüsho Jakobnü api ki Thrünpuhnü asukachihkhi dangpung mung ju Bethel de ji.

THRÜNTAN 35:6

Jumonü Jakob tüsho api lung mihtsürü alala Kanan lomi ching lakhi Luz (ju Bethel) ching arü.

THRÜNTAN 35:7

Apinü ju ching kingaün sadam khülang thsü tüsho ju dangpung ki El Bethel de ji, tümütüsho api akhiung kheaknü atsochoki ju ching Thrünpuh api ki akhiuk.

THRÜNTAN 48:3

Judüki Jakobnü Josep ki tha: “Wuto Thrünpuh Kanan lomi Luz ching I ki akhiuk tüsho I müngühjih,

1 KIULONG THSÜRÜ 12:29

Apinü khülang Bethel ching zo, tüsho püpü Dan ching zo.

2 KIULONG THSÜRÜ 2:2

Elijanü Elisha ki tha, “Ha kheak binang; tümüde Atungpuhnü I Bethel khiungde yüshihdo.” Tüshe Elishanü tha, “Atungpuh tüsho nü lale, inü nü mübahjih.” Jumonü ane Bethel lim yüki.

2 KIUTHSÜYUKHEAN 13:19

Abijanü Jeroboam yande müsham, tüsho api kheaknü kiutobo: Bethel, Jeshana, tüsho Ephron, jurü lung kiulongbo bede lu.

HOSEA 4:15

Nünü yüliyüra ahoriri she, O Israel, Juda amülim dükamshih. Gilgal ching düyüzah, yungsho Beth-aven ching duwutu, tüsho “Atungpuh lale,” de thiyuchihchim düthsü.

JIHUSUA 16:2

Bethel chingnü Arkrü lapung Ataroth hobah Luz khiung.

JIHUSUA 18:13

Kheaküshe aredung ju düjinglim Luz lo düpheak (ju Bethel) yüki, ju kheaknü Beth-horon düjinglim awung kheak Ataroth-addar yüki khiunglah.

JIHUSUA 8:12

Apinü mihtsürü 5000 khüh bea lubahle Ai le Bethel dükeak kiuto aniakhiuklim thrip jikshih.

MAHKHAPRÜ 20:26

Judüki Israel mihtsürü bonungrü athrünkhi wutubah Bethel ching arü tüsho trip; arünü Atungpuh miki bin tüsho ju nimung arelim khiungde khümkeak thsü, tüsho Atungpuh miki taka kingaünkhi le mungtsü kingaünbo jih.

1 SAMUEL 10:3

Jushu nünü ju kheaknü ayübah tüsho Tabor sang ki arübah; ju ching mihtsürü mahsam Bethel ching Thrünpuh kilim wuturünü nü shorubah, khülangnü mihnu nunu mahsam, khülangnü yikhap mahsam tüsho khülangnü shihküp qiuqiu de ahanbah.

1 SAMUEL 7:16

Apinü kam atukde Bethel, Gilgal, tüsho Mizpa ching mühide yü; tüsho apinü harü dangpung alala ching Israel mahkhap.