THRÜNTAN 28:18 - AMÜSÜH HÜM CL Bible (BSI)

¹⁸ Judüki Jakobnü yapsu mükikde asürü, tüsho api ku mükhamkhi lung ju lubah mümih-lung thsüde khima zo, tüsho ju ku kheak müdangke bukkih.

THRÜNTAN 28:18 Iomraidhean Croise

THRÜNTAN 21:14

Jumonü Abrahamnü yapsu mükikde asürü, tüsho yikhap le shihküp-keluh lubah Hagar dubuh kheak yihkihjih tüsho azübuh ju bebah thiyia tsoshih. Alibenü chamachih tüsho Beersheba sunglo ching rümde tsah.

THRÜNTAN 22:3

Jumonü Abrahamnü yapsu mükikde asürü tüsho api yo donki hah thsü, tüsho api lung athrününgtsüng 2 tüsho atsührü Isak be; küyimki apinü taka kingaünpü sang suhdahde ayihkheanü, Thrünpuhnü api ki thakhi dangpung lim tsahmusude yü.

THRÜNTAN 28:11

Junangde api dangpung khürü ching arü tüsho tsüngre amuyung binkheam, tümütüsho ani yüzah-a lakheah. Apinü ju dangpung chingnü lung khülang lu tüsho aku mükham, tüsho ju ching api yap.

THRÜNTAN 31:13

I nünü mujudemüsühkhitkhi mümih-lung tüsho nünü I ki thiyuchihchim thsüpung Bethel Thrünpuh ah. Kheakü ha lomi zojihbah nü zübe lo lim alode yüang.’”

THRÜNTAN 31:45

Jumonü Jakobnü lung khülang lu tüsho mümih-lung thsüde khima zo.

THRÜNTAN 35:14

Jumonü apinü anihbuh ki asukachihkhi dangpung ching Jakobnü mümihlung khülang khima zo; tüsho apinü ju kheak ayungbe kingaün le müdangke bukkih.

THRÜNTAN 35:20

Tüsho Jakobnü anihbe kiuyuk kheak mümih-lung khima zo; ju khihni khiungde Rachel kiuyuk mümih-lung lah.

2 SAMUEL 18:18

Kheakü Absalomnü api rhangdung lachoki dungjing khülang lubah Kiulongthsüpuh Jindükhün ching khima zo, tümüde apinü tha, “I mung lümkhitpü thsüde I tsührü athrürü müla”; apinü dungjing ju anihbuh mungnü ji. Khihni khiungde Absalom Mümih-lung de jichoh.

MUNGSHIKHÜN 119:60

Nü yukhümbo anipü inü niokheam, tüsho mashu.

T H S AN GYU T H S AN GR ARÜ 9:10

Tümüpürü nü khahnü arhimopü ngübanü, mürangde rhimoang; tümütüsho nü yüde alakhi Ashe-lomi ching rhimo yungsho lümkhi yungsho mükheahmudu yungsho lümlung müla.

ISAIA 19:19

Ju nimung Ijip lomi phulung ching Atungpuh kingaün sadam khülang labah, tüsho aredung kheak Atungpuh lung-dungjing khülang labah.

WÜHKHE 7:1

Küyimki Mosanü kingaünpung thsükhea, apinü kingaünpung kukruk alala tüsho pungphuru müsühkhit; junangde apinü mujudemüsühkhit.

JIHUSUA 4:9

Tüsho Jihusuanü she tangzüng sangdan hanrü amükeamrü zhippung Jordan phulung ching lung 12 khim, jurü khihni khiungde zhiplah.

1 SAMUEL 7:12

Judüki Samuelnü lung khülang lubah Mizpa tüsho Shen dükeak khim, tüsho ju Ebenezer de ji; tümüde apinü tha, “ Ha khiungde Atungpuhnü isa rungdo.”