THRÜNTAN 28:15 - AMÜSÜH HÜM CL Bible (BSI)

¹⁵ Kheahang, I nü lung lah tüsho nü kürü ching yübanü nü aheangbah, tüsho ha lo ching nü belode arübah, tümüde inü nü ki asukkhi mürhimoyi khiungde inü nü müdükhe.”

THRÜNTAN 28:15 Iomraidhean Croise

THRÜNTAN 21:20

Junangde azübuh lung Thrünpuh lakheah; api zode asürü tüsho sunglo ching lade sanglüh-kiprü khülang kam.

THRÜNTAN 26:24

Ju tsüngre Atungpuh api ki akhiuk tüsho tha, “I nü buh Abraham Thrünpuh ah; dütre, tümüde I nü lung lah. Inü I yamlarü Abraham thsülimnü nü müngühjihbah tüsho nü tsühsoniusobo bushihbah.”

THRÜNTAN 26:3

Ha lomi ching lacholang, tüsho I nü lung labah tüsho nü müngühjihbah; tümüde inü nü le nü tsühsoniusobo kilim harü lobo alala jihbah, tüsho nü buh Abraham ki thiyuchihchimkhi dünjishihbah.

THRÜNTAN 30:25

Rachelnü Josep zübe dunglim, Jakobnü Laban ki tha, “I yüshang, junangde inü I lomi lim yülobah.

THRÜNTAN 31:13

I nünü mujudemüsühkhitkhi mümih-lung tüsho nünü I ki thiyuchihchim thsüpung Bethel Thrünpuh ah. Kheakü ha lomi zojihbah nü zübe lo lim alode yüang.’”

THRÜNTAN 31:3

Judüki Atungpuhnü Jakob ki tha, “Nü buh pürü le nüsa buhtsührü lomi lim alode yüang, tüsho I nü lung labah.”

THRÜNTAN 31:5

tüsho ane ki tha, “Inü nüke abuh yakli I kheak püpüki kheaknü büthsüde ngüchoh; tüshe I buh Thrünpuh I lung lakheah.

THRÜNTAN 32:9

Jakobnü tha, “O I pü Abraham Thrünpuh tüsho I buh Isak Thrünpuh, Atungpuh shepünü I ki tha, ‘Nü lomi tüsho nü buhtsührü kilim alode yüang, tüsho inü nü ki tsüde arhimobah’;

THRÜNTAN 35:3

Jushu isanü tsahmusuanü tüsho Bethel lim wutuanü; tüsho inü ju ching I lümthsünü nimung I ki alojihbuh tüsho I yükhi limro ching I lung lakhi Thrünpuh kilim kingaün sadam khülang thsübah.”

THRÜNTAN 39:2

Josep lung Atungpuh lakheah, tüsho api akuk ngürü mihtsürü lakheah; tüsho api ju anihbuh putungrü Ijiprü yam ching lakheah.

THRÜNTAN 39:21

Tüshe Josep lung Atungpuh lakheah tüsho api ki amüthsüm huh, tüsho rihyam aheangrü miki api amuzho ngüshih.

THRÜNTAN 46:4

I nü lung Ijip lim yükibah, tüsho inü tsükjide nü belode atubah; tüsho Josep khahnü nü mük müyitdojihbah.”

THRÜNTAN 48:16

Yunirü shepünü amütsü alala chingnü I rhokhitkhea, azürübo müngühjang; tüsho arü kheak I mung tüsho I buh pürü Abraham tüsho Isak mung lashang; tüsho arübo alomi ching mihhihde kamshang.”

THRÜNTAN 48:21

Judüki Israelnü Josep ki tha, “Kheahang, I shechoh, tüshe Thrünpuh nü lung labah; tüsho nü pü pürü lomi ching nü belode ayübah.

1 KIULONG THSÜRÜ 8:57

Api isa jipürü lung lakhi nangde Atungpuh isa Thrünpuh isa lung laang; apinü isa düdükhe shi yungsho isa dübahyuk shi,

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 46:7

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 91:11

Tümüde apinü api yunirü nü limro alala aheangshihpü nü kurungkheak zojihbah;

ABEKHIT 13:11

“Küyimki Atungpuhnü nüsa le nüsa jipürü ki alokhikhi Kananrü lo ching nüsa bede yüzahbanü tüsho nüsa jihbanü,

ABEKHIT 3:12

Thrünpuhnü alo, “I nü lung labah, tüsho küyimki nünü I mihtsürübo Ijip chingnü bebah akhiukbanü nüsanü ha wung kheak I kingaünbah tüsho junü inü nü yüshihkheah de amütsan thsübah.”

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 43:2

Küyimki nü ke hode yübanü, I nü lung labah; tüsho ayungbo hode yüchoki nü müzhido: küyimki nü mo tsahhobanü nü mütak tüsho motrunü nü maniu.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

ISAIA 8:10

Rukhühnü lümkhi thsang, tüshe ju akeangkeang kambah; thiyu thaang, tüshe ju müzhip, tümüde Thrünpuh isa lung lah.

JEREMIA 1:19

Arünü nü bede keochihbah; tüshe arünü nü mukuk, tümüde nü bekhitpü I nü lung lah, Atungpuhnü thachoh.

JEREMIA 16:15

tüshe “Dukulim lomi tüsho apinü yanmüzütkhi lomi alala chingnü Israel bekhitbuh Atungpuh lale.” Tümüde arü jipürübo kilim inü ajihkhi arü nihbuh lomi chingnü inü arü belode arübah.

LEVI 26:42

inü Jakob, Isak tüsho Abraham kheak tangzüngkhi lümkhitbah, tüsho inü alomi lümkhitbah.

LEVI 26:45

Tüshe arü ki inü arü jipürü kheak tangzüngkhi lümkhitbah, arübo inü trükshih miki Ijip chingnü I arü Thrünpuh thsüpü bekhit: I Atungpuh ah.

WÜHKHE 23:19

Thrünpuh ju akeangyu thapü thsüde mihtsürü ruk yung, yungsho lümkhi müthripü thsüde mihtsürü tsührü ruk yung. Apinü thabah mürhimocho de? Apinü alokhibah akuk müngücho de?

WÜHKHE 6:24

Atungpuhnü nüsa müngühshang tüsho nüsa kümshang;

MATHI 18:20

Tümütüsho küching I mung chingnü mahne yungsho mahsam mukhunga lanü, arü bolung I lah.”

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

YUZÜNGTHALO 30:3

Atungpuh nüsa Thrünpuhnü nüsa aramkhi chingnü belode arübah, tüsho nüsa kheak muzhode, Atungpuh nüsa Thrünpuhnü trük alala ching müzütshihkhi chingnü bemukhungbah.

YUZÜNGTHALO 31:6

Düküngang tüsho mulong ato thsang, dütre yungsho arü ki trede düla: tümüde Atungpuh nü Thrünpuh nüsa lung yüchoh; apinü nüsa müdükhe yungsho mübahyuk.”

YUZÜNGTHALO 31:8

Atungpuhnü nü bebah tüsho nü lung labah. Apinü nü müdükhe yungsho mübahyuk; dütre yungsho mulong dünini.”

YUZÜNGTHALO 7:9

Jumonü Atungpuh nüsa Thrünpuh ju Thrünpuh, thiyuronü tangzüngkhi tüsho amüthsüm chithürü lünbo ching, sherünü api muzhocho tüsho thiyukhüm anirü kheak thiyuro Thrünpuh ah de mükheahang;

1 TIMOTHI 4:8

pangnü mürangkhi ju alü khürü lah, tüshe akinnü mürangkhi ju limro alala ching lah, tümütüsho junü kheakü lakhi rhangdung tüsho arüpü lakhi rhangdung alokhikhibo ramlochoh.

JIHUSUA 1:5

Jihusua, nü rhangdung la khiungde shenü nü mazhihkhuk. Mosa lung lakhi nangde I nü lung labah, I lünnü nü lung labah; inü küyimkishe nü mübahyuk.

JUDNÜ ATHRÜTKHI KIHÜM HUHTANYU 1:1

Jisu Khrista tankihrü tüsho Jakob niurü Jud kilimnü, Jia larü, Thrünpuh tüsho Abuh kheak amuzho tüsho Jisu Khrista mükühbah alarü kilim:

MAHKHAPRÜ 6:16

Tüsho Atungpuhnü api ki tha, “ Tsükjide I nü lung labah, tüsho nünü Midiarü mihtsürü khülang nangde akukbah.”