THRÜNTAN 28:13 - AMÜSÜH HÜM CL Bible (BSI)

¹³ Tüsho kheahang, ju kumung Atungpuh zhip tüsho tha: “I nü buh Abraham tüsho Isak Thrünpuh Atungpuh ah; nü yapkhi lo inü nü tüsho nü tsühsoniusobo kilim jihbah.

THRÜNTAN 28:13 Iomraidhean Croise

THRÜNTAN 12:7

Judüki Atungpuhnü Abram ki akhiuk tüsho tha, “Nü tsühsoniusobo ki inü ha lo jihbah.” Tüsho apinü ju ching api ki akhiukbuh Atungpuh kilim kingaün sadam khülang thsü.

THRÜNTAN 13:15

tümüde nünü angükhi lomi inü nü tüsho nü tsühsoniusobo kilim lünnü ajihbah.

THRÜNTAN 13:17

Asürang, lomi ashanglim tüsho atolim hode tsahang, tümüde inü ju nü kilim jihchoh.”

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

THRÜNTAN 15:18

Ju nimung Atungpuhnü Abram kheak tangzüng khülang thsü tüsho tha, “Nü tsühsoniusobo kilim inü ha lo jihchoh, Ijip ayung chingnü Euphra ayung ato–

THRÜNTAN 26:24

Ju tsüngre Atungpuh api ki akhiuk tüsho tha, “I nü buh Abraham Thrünpuh ah; dütre, tümüde I nü lung lah. Inü I yamlarü Abraham thsülimnü nü müngühjihbah tüsho nü tsühsoniusobo bushihbah.”

THRÜNTAN 26:3

Ha lomi ching lacholang, tüsho I nü lung labah tüsho nü müngühjihbah; tümüde inü nü le nü tsühsoniusobo kilim harü lobo alala jihbah, tüsho nü buh Abraham ki thiyuchihchimkhi dünjishihbah.

THRÜNTAN 28:4

tüsho nü le nü tsühsoniusobo kilim Abraham müngühmühi jihchoh, junangde Thrünpuhnü Abraham kilim jihkhi, nüsa khiungkerü thsüde alakhi lomi nüsa kilim jihbah.”

THRÜNTAN 31:13

I nünü mujudemüsühkhitkhi mümih-lung tüsho nünü I ki thiyuchihchim thsüpung Bethel Thrünpuh ah. Kheakü ha lomi zojihbah nü zübe lo lim alode yüang.’”

THRÜNTAN 31:42

I buh Thrünpuh, Abraham Thrünpuh tüsho Isak trekhi I lung mülakhülaa, tsükjide nünü I khahkeang tsoshih-a labah. Thrünpuhnü I thsünükhi tüsho I khah rhimobo ngü, tüsho yishih nü thürüh.”

THRÜNTAN 31:5

tüsho ane ki tha, “Inü nüke abuh yakli I kheak püpüki kheaknü büthsüde ngüchoh; tüshe I buh Thrünpuh I lung lakheah.

THRÜNTAN 31:53

Abraham Thrünpuh, Nahor Thrünpuh, tüsho arü jipürü Thrünpuhnü ike dükeak mahkhapshang.” Tüsho Jakobnü abuh Isak trelimnü thiyuchihchim.

THRÜNTAN 32:10

nünü nü yamlarü ki amuzho tüsho thiyuro harü alala huhkhi I müthülün. I ha Jordan hochoki tso khülang lang alakheah, tüshe kheakü I bo mahne kamdo.

THRÜNTAN 32:9

Jakobnü tha, “O I pü Abraham Thrünpuh tüsho I buh Isak Thrünpuh, Atungpuh shepünü I ki tha, ‘Nü lomi tüsho nü buhtsührü kilim alode yüang, tüsho inü nü ki tsüde arhimobah’;

THRÜNTAN 35:1

Judüki Thrünpuhnü Jakob ki tha, “Asürang, Bethel lim wutuang tüsho ju ching laang; tüsho nü khiung Esau kheaknü nü tsochoki nü ki akhiukbuh Thrünpuh kilim kingaün sadam khülang thsang.”

THRÜNTAN 35:12

Inü Abraham tüsho Isak jihkhi lo nü kilim jihchoh; tüsho nü dunglim nü tsühsoniusobo kilim inü ha lo jihchoh.”

THRÜNTAN 35:15

Tüsho Jakobnü api ki Thrünpuhnü asukachihkhi dangpung mung ju Bethel de ji.

THRÜNTAN 35:17

Küyimki alibe thsünü ato ching lakheanü, zübe-mütrürünü anihbe ki tha, “Dütre; nü tsührü kheaküshe lah.”

THRÜNTAN 46:3

Tüsho apinü tha, “I a Thrünpuh, nü buh Thrünpuh ah; Ijip lim yükipü dütre, tümüde inü nü ju ching trükshih ato khülang kamshihbah.

THRÜNTAN 48:3

Judüki Jakobnü Josep ki tha: “Wuto Thrünpuh Kanan lomi Luz ching I ki akhiuk tüsho I müngühjih,

1 KIUTHSÜYUKHEAN 16:16

apinü Abraham ki tangzüngkhi, apinü Isak ki thiyuchihchimkhi,

1 KIUTHSÜYUKHEAN 16:18

tha, “Inü nü kilim Kanan lo yamrüplurüp thsungkheak nü shihcham jihbah.”

MUNGSHIKHÜN 105:11

tha, “Inü nü yamrüplurüp kilim mülükhi thsüde Kanan lomi jihbah,”

ABEKHIT 2:24

Jumonü Thrünpuhnü arü ashekhi so, tüsho Abraham, Isak tüsho Jakob ki apinü tangzüngkhi lümkhit.

ABEKHIT 3:6

Kheaküshe apinü tha, “I nü pü Abraham, Isak tüsho Jakob Thrünpuh ah.” Judüki Thrünpuh kheak kheahpü trekhinü Mosanü amiro khuramabah.

ABEKHIT 4:5

Atungpuhnü tha, “Israelrübo ki nüsa jipürü Abraham, Isak tüsho Jakob Thrünpuhnü nüsa miki akhiukdo de amütsan thsüpü ha rhimoang.”

ABEKHIT 6:4

Arü hanrü thsüde alakhi Kanan lomi ju inü arü kilim jihpü tangzüng thsü.

ABEKHIT 6:7

tüsho inü I mihtsürü thsüpü nüsa lubah, tüsho I ju nüsa Thrünpuh thsübah; I ju Ijip azhorü kuhi chingnü nüsa bekhitbuh Atungpuh nüsa Thrünpuh ah de nüsanü amükheahbah.

EZEKIEL 28:25

Atungpuh Thrünpuhnü ha thachoh: Küyimki inü arü hiumüzütpung mihtsürü bolungnü Israel yamkhün bemukhungba, tüsho trükshihbo miki I amüsüh arü kheak akhiukba, judüki inü I yamlarü Jakob kilim jihkhi arü nihbuh lo kheak arünü alabah.

AMOS 7:7

Apinü I ki ha huh: Atungpuh ju akhah ching akeara-liu khülang shuhbah, akeara-liunü akede athsükhi rhü ki zhipde alakheah.

MATHI 22:32

‘I Abraham Thrünpuh, Isak Thrünpuh tüsho Jakob Thrünpuh’? Api ju asherü yo yung tüshe arhang larü Thrünpuh ah.”

YUNIRÜBO RHIMO 7:5

tüsho apinü ju ching anihbuh kilim amüphü dubopü lang she yamrüplurüp müjih. Tüshe Abraham tsührü mülaa lalashe, apinü anihbuh le adunglim api tsühsoniusobo kilim yamalo jihpü alokhi.

YUZÜNGTHALO 1:8

Kheahang, inü nüsa müngüh alo zojihlah; Atungpuhnü nüsa bebuhrübo– Abraham, Isak tüsho Jakob tüsho arü dunglim tsührübo kilim jihkhi lo ching yüzahbah mükühang.”

YUZÜNGTHALO 34:4

Tüsho Atungpuhnü api ki tha, “Ha lo ha inü Abraham, Isak tüsho Jakob jihpü alokhikhi, hade tha, ‘Inü ha nü tsühsoniusobo kilim jihbah.’ Inü ju nü müknü ngüshihdo, tüshe nünü ju hode müyü.”

YUZÜNGTHALO 9:5

Ha nüsa thiyuro lamo yungsho mulong alungki lamonü nüsa arü lo mükühde ayükhi yung, tüshe harü trükshih khide mütsükhi hode Atungpuh nüsa Thrünpuhnü arübo nüsa müngühnü yankhita bahchoh, junangde Atungpuhnü nüsa jipürübo Abraham, Isak, tüsho Jakob ki thiyuchihchimkhi dünjibah.

IBRI 11:16

Tüshe arünü atsübe, yinmi lomi müshamde la. Jumonü Thrünpuhnü arü Thrünpuh de ajipü machih, tümüde apinü arü kilim kiuto khülang thsakhamjih.