THRÜNTAN 28:10 - AMÜSÜH HÜM CL Bible (BSI)

¹⁰ Jakobnü Beersheba chingnü chamachih tüsho Haran lim yü.

THRÜNTAN 28:10 Iomraidhean Croise

THRÜNTAN 11:31

Teranü atsührü Abram le Haran tsührü Lot, tüsho atsühmeakbe Abram niube Sarai bea lu, tüsho arünü Kanan lo ching yüpü Kaldearü yo Ur chingnü wukhiuk; arünü Haran ching arü tüsho ju ching la.

THRÜNTAN 12:4

Jumonü Atungpuhnü api ki thakhi nangde Abramnü chamachih, tüsho Lot api lung yü. Tüsho Abram ju Haran chingnü tsahmusuchoki kam 75 azorü lakheah.

THRÜNTAN 12:5

Judüki Abramnü aniube Sarai le aniurü tsührü Lot, arünü ahanmukhungkhi lakhit-kukruk tüsho Haran ching arübo azhorübo alala bea lu tüsho Kanan lomi ching yüpü tsahmusu. Junangde arü Kanan lomi ching arü.

THRÜNTAN 26:23

Judüki apinü ju chingnü Beersheba lim wutu.

THRÜNTAN 27:43

Jumonü I tsaha, kheakü I yu aniang: Tsahmusubah Haran ching I khiung Laban kilim yüang,

THRÜNTAN 29:4

Jakobnü namfimihnu neakrübo ki keokhi, “I keoniorübo, nüsa küchingnü a?” Arünü alo, “Isa Haran chingnü ah.”

THRÜNTAN 32:10

nünü nü yamlarü ki amuzho tüsho thiyuro harü alala huhkhi I müthülün. I ha Jordan hochoki tso khülang lang alakheah, tüshe kheakü I bo mahne kamdo.

THRÜNTAN 35:1

Judüki Thrünpuhnü Jakob ki tha, “Asürang, Bethel lim wutuang tüsho ju ching laang; tüsho nü khiung Esau kheaknü nü tsochoki nü ki akhiukbuh Thrünpuh kilim kingaün sadam khülang thsang.”

THRÜNTAN 35:7

Apinü ju ching kingaün sadam khülang thsü tüsho ju dangpung ki El Bethel de ji, tümütüsho api akhiung kheaknü atsochoki ju ching Thrünpuh api ki akhiuk.

THRÜNTAN 46:1

Jumonü Israelnü api lakhi alala lubah hantsahmusu, tüsho Beersheba ching arü, tüsho abuh Isak Thrünpuh kilim shuhmülanga kingaünkhibo jih.

ABEKHIT 33:1

Atungpuhnü Mosa ki tha, “Nü tüsho nünü Ijip lomi chingnü bekhitkhi mihtsürübo ha dangpung chingnü chamachihang, tüsho inü Abraham, Isak, Jakob tüsho arü tsühsoniusobo jihpü alokhikhi lomi ching yüang.

HOSEA 12:12

Jakob nü Aram lomi ching tsode yü, ju ching Israelnü niuberü thsungkheak tankih, tüsho niuberü thsungkheak apinü namfimihnu neakde la.

YUNIRÜBO RHIMO 25:13

Küyimki nimung anükhüh hokhea, kiulongthsüpuh Agrippa le Berni büne Festa leangkhipü Kaesarea khiung.

YUNIRÜBO RHIMO 7:2

Tüsho Stephennü tha: “Keoniorü tüsho buhrübo, I ki aniang. Api Haran ching mülayide, Mesopotamia ching lachoki, müretahkhi Thrünpuhnü isa abuh Abraham ki akhiuk,