THRÜNTAN 27:41 - AMÜSÜH HÜM CL Bible (BSI)

⁴¹ Jumonü abuhnü api müngühjihkhi dünkheak Esaunü Jakob lungkhangde kam, tüsho Esaunü amulong ching tha, “I buh dünkheak tüzhopü nimungbo thüninde lah; jushu inü I niurü Jakob laksahbah.”

THRÜNTAN 27:41 Iomraidhean Croise

THRÜNTAN 27:42

Tüsho atsührü azopü Esau yubo Rebeka ki thaa lakheah. Jumonü alibenü thiyia yüshihbah atsührü akheambuh Jakob jidarü tüsho api ki tha, “Tsükjide nü khiung Esaunü nü laksahpü lümde anihbuh mulong shukheamlochoh.

THRÜNTAN 32:11

Inü tamkhüntamnüchoh, I khiung Esau khah chingnü I bekhitang; tümüde inü api trelah, jude yungsho api arübah tüsho I le tsührübo tüsho berübo laksahbah.

THRÜNTAN 32:3

Judüki Jakobnü Edom lomi, Seir lo ching akhiung Esau kilim api müngüh yunithsürübo yüshih.

THRÜNTAN 32:6

Judüki yunithsürübo Jakob kilim alode arübah tha, “Isa nü khiung Esau kilim yükheah tüsho api lung mihtsürü 400 belah.”

THRÜNTAN 35:29

Junangde shinde tüsho nimung khiungde labah she tüsho api mihtsürü kilim yü; tüsho api tsührübo Esau le Jakob bünenü api kiuyukabah.

THRÜNTAN 37:18

Küyimki api limshu ching arüde arünü angükhea, arü ki api thüninde marüyide arünü api laksahpü rük asah.

THRÜNTAN 37:4

Tüshe küyimki arü abuhnü akeoniorübo alala kheaknü api alü muzhokhi akhiung pürünü angükhea, arünü api mükheahnede kam, tüsho api ki amuzho yu müthakhukde alakheah.

THRÜNTAN 37:8

Akhiung pürünü api ki tha, “Nünü isa kurungkheak kiulongthsüpü? Yungsho nünü isa kurungkheak yakzan shuhpü?” Jumonü api milimbo tüsho api yubo dünkheaknü arünü alü api mükheahnede kam.

THRÜNTAN 50:15

Arü abuh sheabah dunglim Josep keoniorübonü tha, “Khükia Josepnü isa thraneanbah, tüsho isanü api ki amütsü rhimokhi atsütsünü athrihlopü labah.”

THRÜNTAN 50:2

Tüsho Josepnü api yamlarü moli-mükheahrübo ki abuh ju moli mujushihpü thiyukhüm jih. Jumonü moli-mükheahrübonü Israel kheak moli muju;

2 KIUTHSÜYUKHEAN 35:24

Jumonü anihbuh yamlarübonü khora-lolungbe chingnü api bekhit tüsho api yo mahnepü khora-lolungbe chingnü hanbah Jirusalem lim arü. Ju ching api sheabah, tüsho anihbuh jipürü kiuyukbo ching api mi bah. Juda tüsho Jirusalem alalanü Josia thsungkheak tüzho.

MUNGSHIKHÜN 142:3

Küyimki I me zhidoa lakhea, judüki nünü I tsahpung mükheah. I tsahpung limro ching arünü ramde I thsungkheak müthrim zo.

MUNGSHIKHÜN 35:14

I müyamrü yungsho I keoniorü thsungkheak nangde tüzho. I be thsungkheak tripkhi nangde mulong rozhakde I ku khuram.

MUNGSHIKHÜN 37:16

Mihbukmuyuk lakhit ahihdo kheaknü a thiyuro-lungkirü lakhit anikhüh atsübe ah;

MÜCHITMUDU 1:16

tümüde arü jing amütsü lim alihchoh, tüsho arünü thiyih bukpü niokheamchoh.

MÜCHITMUDU 18:19

Keoniorünü arungkhi ju amüküp kiuto nangde lah, tüshe rukachihkhi ju chipiripit khrihbebo nangde lah.

MÜCHITMUDU 6:14

mülapmüji api mulong ching lah, apinü mutuklode amütsü asahchoh, apinü alanaji hiuchoh.

T H S AN GYU T H S AN GR ARÜ 7:9

Bukakhiukpü düniokheam, tümüde bukakhiukkhi ju makharü khüh kheak lah.

EZEKIEL 35:5

Tümütüsho nü a mutuklode Israel riri lakheah, tüsho arü thsümütsü, arü akheam thsümüchi kim ching Israel mihtsürü nukshang wu kilim jih;

YUZÜNGTHALO 34:8

Tüsho Israel tsührübonü Moab dükhün ching nimung samrü Mosa mitrip. Junangde Mosa dünkheak mitripkhi tüsho tüzhokhi arün thsü.

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;