THRÜNTAN 27:4 - AMÜSÜH HÜM CL Bible (BSI)

⁴ Tüsho I khilim tsühyungpü akebe, inü akünkhi mozümodobah lude arang, junangde inü atsühbah tüsho I müsheyide inü nü müngühjihbah.”

THRÜNTAN 27:4 Iomraidhean Croise

THRÜNTAN 14:19

Apinü anihbuh müngühjihde tha: “Thüning tüsho alomi Thrünrü, Khide Achang Thrünpuhnü Abram müngühshang.

THRÜNTAN 24:60

Tüsho arünü Rebeka müngühjih tüsho tha: “Isa niurü, nü a chithürü thürübo abe thsüang shi; tüsho nü tsührübonü arü riri kiutobo kukkhitshang.”

THRÜNTAN 27:14

Apinü yü tüsho jurü yima lubah abe kilim arü, tüsho abuhnü akünkhi nangde abenü tsühyungpü akebe mozümodo.

THRÜNTAN 27:17

Jushu anihbenü mozümodokhi tsühyungpü akebe tüsho yikhap atsührü Jakob khah ching yukjih.

THRÜNTAN 27:19

Jakobnü abuh ki tha, “I nü tsührü adüjibuh Esau ah; nünü I ki thakhi nangde inü rhimodo; muzhobah asürübah binang tüsho inü alaksahkhi tsühang, junangde nünü I müngühjang.”

THRÜNTAN 27:23

Apinü anihbuh mümütsankhit, tümütüsho akhahbo ju akhiung Esau khahbo nangde nambo lakheah; jumonü apinü anihbuh müngühjih.

THRÜNTAN 27:25

Isaknü tha, “I kilim thüninde lubah arang, tüsho I tsührünü alaksahkhi inü tsühanü, junangde inü nü müngühjihbah.” Jumonü apinü anihbuh thüninde lude arü, tüsho apinü tsüh; apinü anihbuh kilim yukhu handarü, tüsho apinü yung.

THRÜNTAN 27:27

Apinü thüninde arü tüsho api müthsüp; Isaknü api khimmih münimakheah, tüsho api müngühjihde tha: “Tsükjide I tsührü rhüm a Atungpuhnü müngühjihkhi mütüm rhüm ruk ah.

THRÜNTAN 27:31

Apinü she tsühyungpü akebe mozümodobah abuh kilim lude arü, tüsho abuh ki tha, “Abuh asürang tüsho nü tsührünü alaksahkhi tsühang, junangde nünü I müngühjang.”

THRÜNTAN 27:5

Kheakü Isaknü atsührü Esau ki thachoki Rebekanü anide alakheah. Tüsho Esaunü shih laksah-a lubah arüpü mükeak ching yü.

THRÜNTAN 27:7

‘I kilim shih laksah-a lude arang tüsho tsühyungpü akebe mozümodoang, junangde inü tsühbah I müsheyide Atungpuh miki nü müngühjihbah.’

THRÜNTAN 27:9

Kheakü mihnu boto lung yübah amokhitkhi anunu 2 I kilim lubah arang, tüsho apinü akünkhi nangde inü jurünü nü buh khilim tsühyungpü akebe mozümodobah.

THRÜNTAN 28:3

Wuto Thrünpuhnü nü müngühshang, tüsho nü aso asode bushang, junangde nü mihtsürü wüh tode akambah;

THRÜNTAN 48:9

Judüki abuh ki alo, “Ha dangpung ching Thrünpuhnü I kilim jihkhi I tsührübo ah.” Tüsho apinü tha, “Muzhobah arübo I kilim bede arang, tüsho inü arü müngühjihbah.”

THRÜNTAN 49:28

Harü ha Israel trük 12 ah, tüsho hanangde nihbuh aban ayekhi müngühmühi apinü arü kilim müngühjihchoki arü abuhnü arü ki thakheah.

LUKNÜ ATHRÜTKHI THIYUSHEAK-ATSÜ HUHTANYU 2:34

Simeonnü arü müngühjih tüsho abe Mari ki tha, “Khungarü ha Israel ching ahihkhüh thsümünimpü tüsho khümkhitpü Thrünpuhnü amokhitkhi lah, tüsho azhihde athapü amütsan khülang labah,

LUKNÜ ATHRÜTKHI THIYUSHEAK-ATSÜ HUHTANYU 24:51

Küyimki apinü arü müngühjihkhea, arü kinü api chamachih tüsho yinmi lim bede yükih.

IBRI 11:20

Akin hode Isaknü Jakob tüsho Esau arübe kuhi müngühjih.

JIHUSUA 14:13

Judüki Jihusuanü Jephunne tsührü Kaleb müngühjih tüsho Hebron kiuto api kilim yamrüplurüp jih.

JIHUSUA 22:6

Jumonü Jihusuanü arü müngühjihde arü thiyia yüshih; tüsho arübo nihbuh yam lim yü.