THRÜNTAN 27:29 - AMÜSÜH HÜM CL Bible (BSI)

²⁹ Mihtsürübonü nü tankihshang, tüsho trükshihbonü nü ki mükhümshang. Nü keoniorü alala kurungkheak aputungrü thsang, tüsho nü be tsührübonü nü ki mükhümshang. Nü athrurü muthrumüneanshang, tüsho nü müngühjihrü müngühshang!”

THRÜNTAN 27:29 Iomraidhean Croise

THRÜNTAN 12:3

Shepünü nü müngühjihchonü inü müngühjihbah, tüsho shepünü nü athruchonü inü muthrumüneanbah; tüsho nü lung alomi yamkhün alala müngühjihbah.”

THRÜNTAN 25:33

Judüki Jakobnü tha, “Khihni nünü I ki thiyuchihchimang.” Jumonü apinü anihbuh ki thiyuchihchim, tüsho api zübekhi-alim Jakob kilim yinabah.

THRÜNTAN 27:30

Isaknü api müngühjihkhambah dunglim Jakob abuh mikinü atso akede Esau shihyankhi chingnü alung.

THRÜNTAN 27:37

Isaknü Esau ki alo, “Inü api ki nü kurungkheak aputungrü kamshihdo, tüsho api keoniorü alala api yamlarü kamshihdo. Inü api kilim hi tüsho yukhu jihdo. Kheakü inü nü thsungkheak tümü müthsükhuk, I tsah-a!”

THRÜNTAN 27:40

Nukshang hode nü labah tüsho nünü nü niurü tankihbah, tüshe küyimki nünü azhihde wusubanü api sangkap nü hung kheaknü ayihshakbah.”

THRÜNTAN 37:10

Jumonü apinü ha abuh tüsho akhiung pürü ki thaa huh; abuhnü thürüh tüsho api ki tha, “Nünü amikhi milim ha tümü a? Nü be le I tüsho nü khiung pürünü arübah nü miki alo kheak khukningba de?”

THRÜNTAN 37:7

Isabo thulu ching hiphung thsünde alakheah, tüsho kheahang, I hiphung wusu tüsho langakindo zhip; tüsho kheahang, nüsa hiphungbonü ju mükamdo tüsho I hiphung ki khukning.”

THRÜNTAN 9:27

Thrünpuhnü Japheth lomi mükahde kamshang; Japheth a Shem khimyambo ching lashang, tüsho Kanan ju api yo azhorü thsüshang.”

1 KIULONG THSÜRÜ 22:47

Judüki Edom ching kiulongthsürü mülade alakheah; arungbuhnü yakzan shuh.

1 KIULONG THSÜRÜ 4:21

Solomon ju Euphra chingnü Filistia lomi kiulongthsürübo alala kurungkheak, Ijip aredungyean she khiungde wu-sühmüh lakheah; arünü ruk handarü tüsho Solomon rhangdung lakhi amuyung tankih.

1 KIUTHSÜYUKHEAN 5:2

api keoniorü bolung Juda adungto kamkam she tüsho yakzanshuhrü api kheaknü arürü she, adüjibuh yamrüplurüp ju Josep yo.)

MUNGSHIKHÜN 72:8

Apinü keto chingnü keto khiungde, tüsho Ayung chingnü alomi akheam khiungde yakzan shuhbah.

ISAIA 45:14

Atungpuhnü ha thachoh: Ijip lakhit tüsho Ethiopia yinzüyindo, Seba atoashangbonü nü kilim arübah tüsho nü yo thsübah, arünü nü yanbah; arübo wuhrünliu yukbah arübah tüsho nü ki khukningbah. Arünü nü ki mushude athabah, “Thrünpuh nü lung lang lah, tüsho püpü müla; api hobah püpü thrünpuh müla.”

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

ISAIA 49:7

Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

ISAIA 60:12

Tümüde nü mütankihpü lakhi trükshih tüsho kiulongthsü adükheakbah; jurü trükshihbo shahde thsümünima labah.

ISAIA 60:14

Nü junorü tsühsoniusobonü nü ki mükhümde arübah, tüsho nü mükhemükimrü alala nü jing ki khukningde arübah; arünü nü ki Israel Amüsüh Thrünpuh yo Zion, Atungpuh kiuto de ajibah.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

WÜHKHE 23:8

Thrünpuhnü mathruajikhi inü küde athrupü? Thrünpuhnü azhihde müzhiyukkhi kheak inü küde azhihde azhiyukpü?

WÜHKHE 24:18

Edom kheak kukbah; api riri Seir kukbah, tüshe Israel a düküngde alabah.

WÜHKHE 24:9

Kekhüzü nangde arünü khukningchoh, tüsho zuh-a yapchoh, kekhüzü dreto nangde shepünü arü yihmusukhukpü? Shepünü nü müngühjihbanü müngühmühi, tüsho shepünü athrubanü athrubah.”

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

MATHI 25:45

Apinü arü ki alode athabah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak mürhimokheanü, nüsanü I thsungkheak mürhimo.’

ROMRÜ KILIM PAULNÜ ATHRÜTKHI KIHÜM HUHTANYU 9:12

alibe ki tha, “Azopünü akheambuh tankihbah.”

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.