THRÜNTAN 27:28 - AMÜSÜH HÜM CL Bible (BSI)

²⁸ Jumonü Thrünpuhnü nü kilim thüning ayinke, alo müdang, tüsho suhdahkhi hi tüsho yukhu jihshang.

THRÜNTAN 27:28 Iomraidhean Croise

THRÜNTAN 27:37

Isaknü Esau ki alo, “Inü api ki nü kurungkheak aputungrü kamshihdo, tüsho api keoniorü alala api yamlarü kamshihdo. Inü api kilim hi tüsho yukhu jihdo. Kheakü inü nü thsungkheak tümü müthsükhuk, I tsah-a!”

THRÜNTAN 27:39

Judüki abuh Isaknü alo tüsho api ki tha: “Kheahang, nü lapung ju alo müdang kheaknü, thüning ayinke kheaknü akhinbah alabah.

THRÜNTAN 45:18

tüsho nüsa abuh le nüsa yamkhün bebah arang; inü nüsa kilim Ijip lomi yo atsübe jihbah, tüsho nüsanü lomi müdang tsühbah.

THRÜNTAN 49:20

Asher ching latsühlayungbah, apinü kiulongthsürü tsühyungpü thülünkhi jihbah. @SPACE=

THRÜNTAN 49:25

tümütüsho nü buh Thrünpuhnü nü rungchoh, tümütüsho Wutonü achanglimnü tsüng tüsho alo alunglimnü kebo, shiwühbo tüsho tsührübo ahihdo jihde müngühjih.

2 SAMUEL 1:21

O Gilboa wungbo, nü kheak ayinke yungsho tsüng dakishih, ju lubo ching hi dakhiukshih! Tümüde ju ching wulakhi tsung thsümünimabah, oliv müdangkenü mujukhi Saul tsung kheaküa müla.

1 KIULONG THSÜRÜ 17:1

Kheakü Gilead ching, Tishbirü Elijanü Ahab ki tha, “Inü atankihbuh, Israel Thrünpuh, Atungpuh lale, I yu hode yungsho, arübe kam mahne yungsho mahsam ayinke yungsho tsüng marü.”

1 KIULONG THSÜRÜ 5:11

Solomonnü Hiram kilim ayamkhün thsungkheak wheat hi muluk 125,000 tüsho atsangkhitkhi oliv müdangke qiumuk 96 jih. Solomonnü Hiram kilim ha kam atukde jih.

2 KIUTHSÜYUKHEAN 2:10

Inü nü yamlarübo sang rhütrü kilim wheat hi khahngak chithürü 2000, barli khahngak chithürü 2000, yukhu pungdüchi 400,000, tüsho oliv müdangke pungdüchi 400,000 mühahbah.”

MUNGSHIKHÜN 104:15

tüsho mihtsürü mulong asühshihpü yukhu, api miro zhingzhingshihpü müdangke, tüsho mihtsürü mulong düküngshihpü yikhap.

MUNGSHIKHÜN 133:3

Haju Hermon ayinke, Zion müzüngbo kheak akikhi nangde lah; tümüde ju ching Atungpuhnü müngühmühi thiyukhüm jihdo– lünnü alapü rhangdung.

MUNGSHIKHÜN 36:8

Arünü muzhomopungde nü yam ching aniojibah; nünü nü asühkhi ayung chingnü arü kilim ayungpü jihchoh.

MÜCHITMUDU 19:12

Kiulongthsüpuh bukakhiukkhi ju kekhüzü arungkhi nangde lah, tüshe api muzho a rim kheak ayinke nangde lah.

MÜCHITMUDU 3:20

api mükheahmudu hode asükbonü jukphukde akhiuk, tüsho amobonü ayinke atsamkhishih.

ISAIA 45:8

Tsüng arang, O yinmibo, akulimnü, tüsho thüningbonü thiyuro-lungki tsüng akishang; alominü khimshuhang, junangde akhümkhit mukhuhde akhiukbah, tüsho hanü thiyuro-lungki she pungkhitshang; I Atungpuhnü ha thrünkheah.

JEREMIA 14:22

Sangthsübo khürünü tsüng arüshihkhukba de? Yungsho thüningbonü wungpütsüng akishihkhukba de? O Atungpuh isa Thrünpuh, ha nü yung de? Isanü nü kheak isa mulonglam zojihchoh, tümüde ha alala nünü rhimochoh.

JOEL 2:19

Api mihtsürü ki alojihde Atungpuhnü tha: Inü nüsa kilim hi, yukhu tüsho müdangke arüshihchoh, tüsho nüsa reangkeambah; tüsho kheaküa inü nüsa trükshih bolung mükhemükim mükamshih.

MIKA 5:7

Judüki mihtsürü ahihdonü zündoa lakhi aningkhi, mihtsürü kheak mangükhi yungsho mihtsürü she maleangkhi Jakob ju Atungpuh kilimnü ayinke nangde, sangrung kheak tsüngbo nangde alabah.

ZEKARIA 8:12

Tümütüsho judüki mungtsü yangkhi labah; kurungasonü aso asobah, alonü amukhuhshihbah, tüsho thüningbonü ayinke jihbah; tüsho inü ha mihtsürü aningkhi ki harü alala yamrüplurüp lushihbah.

ZEKARIA 9:17

Tümüde api tsakamkhi tüsho akhamkhi küdükhüh la! Hinü athrününgtsüng tüsho yukhunü anünürü shih kihde akambah.

WÜHKHE 13:20

tüsho alo ju tsüla shi mütsü, tüsho ju ching sangdung la shi mülanü kheahang. Mulong toang, tüsho ju lo chingnü akhiukkhi sangaso khürü hanbah arang.” Ju kurungaso münpü kim lakheah.

WÜHKHE 18:12

Müdangke bolung atsüdakbe, yukhu aso tüsho ke bolung atsüdakbe arübonü sangaso Atungpuh kilim jihkhibo inü nü kilim jihdo.

ROMRÜ KILIM PAULNÜ ATHRÜTKHI KIHÜM HUHTANYU 11:17

Akhimkhi oliv-dung khürü akhah yihshak, tüsho ju ching mütüm oliv-dung khah müchin. Nüsa khiungkerü ju mütüm oliv-dung kiphahlah, tüsho kheakü nüsanü Jihudarü rhangdung me düküngkhi ching shihcham luchoh.

YUZÜNGTHALO 32:2

Inü thsangyukhi tsüng nangde atsamkhishang, inü athakhi ayinke nangde keamshang, sangdung nunu kheak tsüng arünnü akeamkhi nangde, tüsho rimkiu kheak tsüng shimshimde akeamkhi nangde.

YUZÜNGTHALO 33:13

Josep dünkheak apinü tha, “Thüning kumungnü amokhitkhi thsambahnü, tüsho alunglim lakhi kenü, Atungpuhnü amüngühjihkhi api lo thsang;

YUZÜNGTHALO 33:28

Jumonü Israel a kurampung ching lah, Jakob kekhip küma zolah, hi tüsho yukhu lakhi lo ching, thüningbonü ayinke akishihchoh.

YUZÜNGTHALO 7:13

Tüsho apinü nüsa muzhobah, müngühjihbah, tüsho wüh bushihbah; apinü nüsa pang chingnü aso asoshihpü tüsho alo chingnü aso asopü müngühjihbah; nüsa hi, yukhu, müdangke, moshibo tüsho mihnu boto nüsa jihshihpü apinü nüsa bebuhrü ki thiyuchihchimkhi lo ching müngühjihde abushihbah.

IBRI 11:20

Akin hode Isaknü Jakob tüsho Esau arübe kuhi müngühjih.

JIHUSUA 5:6

Tümüde thirithsürü mihtsürü Ijip chingnü akhiukkhi müshekhamyi khiungde Israelrü sunglo ching kam yirü tsah, tümütüsho arünü Atungpuhnü athakhi mani; Atungpuhnü arü jipürü ki niuhke tüsho mukhuke bukkhi lo jihpü thiyuchihchimkhi arünü müngüshih de Atungpuhnü thiyuchihchim.