THRÜNTAN 27:13 - AMÜSÜH HÜM CL Bible (BSI)

¹³ Tüshe abenü api ki tha, “Nü muthrumünean I kheak lashang, I tsah-a; I yu lang aniang, tüsho yübah jurü I kilim lude arang.”

THRÜNTAN 27:13 Iomraidhean Croise

THRÜNTAN 25:23

Atungpuhnü alibe ki tha, “Nü nuyam ching trükshih mahne lah, tüsho nünü azübekhi mihtsürü mahne müzütbah; khülang ju püpü kheaknü amürangbe labah, azopünü akheambuh tankihbah.”

THRÜNTAN 25:33

Judüki Jakobnü tha, “Khihni nünü I ki thiyuchihchimang.” Jumonü apinü anihbuh ki thiyuchihchim, tüsho api zübekhi-alim Jakob kilim yinabah.

THRÜNTAN 27:14

Apinü yü tüsho jurü yima lubah abe kilim arü, tüsho abuhnü akünkhi nangde abenü tsühyungpü akebe mozümodo.

THRÜNTAN 27:43

Jumonü I tsaha, kheakü I yu aniang: Tsahmusubah Haran ching I khiung Laban kilim yüang,

THRÜNTAN 27:8

Jumonü I tsah-a, inü nü ki thiyukhüm jihkhi yande nünü mihyuaniang.

THRÜNTAN 43:9

Inü api thsungkheak thiyuchihchim thsübah; nünü api dünkheak I hahmülang thsüshang. Inü nü miki belode marüsho, lünnü ju mah inü hananü.

2 SAMUEL 14:9

Tekoa liberünü kiulongthsüpuh ki tha, “Mülimkhi I tüsho I buh yamkhün kheak lashang; I tungpuh kiulongthsüpuh. Kiulongthsüpuh tüsho api kiulongthsü-binkiu amülim mülakhi thsüang.”

2 KIUTHSÜYUKHEAN 22:3

Apinü she Ahab yamkhün limrobo ching tsah, tümüde abe ju amülim rhimopü ching api tuthsukrü lakheah.

MATHI 27:25

Tüsho mihtsürü alalanü alo, “Api thiyih isa le isa tsührübo kheak rheakshang.”

1 SAMUEL 25:24

Alibenü ajing kheak khukning tüsho tha, “I tungpuh, I kheak lang amülim lashang; muzhobah nü yamlaberünü nü nükhün ching asukshang, tüsho nü yamlaberü yubo sojang.