THRÜNTAN 26:31 - AMÜSÜH HÜM CL Bible (BSI)

³¹ Jushu arünü yapsu mükikde asürü tüsho khülangnü khülang ki thiyuchihchim lu; Isaknü arü thiyia tsoshih, tüsho arünü mungtsü chingnü api kheaknü chamachih.

THRÜNTAN 26:31 Iomraidhean Croise

THRÜNTAN 14:22

Tüshe Abramnü Sodom kiulongthsüpuh ki tha, “Inü thüning tüsho alomi Thrünrü Khide Achang Thrünpuh ki I khah chungkihdo, tüsho thiyuchihchim ludo,

THRÜNTAN 19:2

Tüsho apinü tha, “Kheakü aniang, O I tungrübo, muzhobah nüsa yamlarü yam ching arang tüsho azhing ching binkheambah nüsa jing müsühang; jushu nüsa mükikde asürang tüsho nüsa limro ching yüang.” Tüsho arünü tha, “Muh, isa azhing ching wungdophulung binbah.”

THRÜNTAN 21:14

Jumonü Abrahamnü yapsu mükikde asürü, tüsho yikhap le shihküp-keluh lubah Hagar dubuh kheak yihkihjih tüsho azübuh ju bebah thiyia tsoshih. Alibenü chamachih tüsho Beersheba sunglo ching rümde tsah.

THRÜNTAN 21:23

Jumonü kheakü, I le I tsührü yungsho I tsühsoniusobo kheak mülimde mürhimopü I ki thiyuchihchimang. Nü hanrü thsüde alakhi lo ching inü nü ki huhkhi nangde I tüsho alomi ki amuzho huhang.”

THRÜNTAN 21:27

Jumonü Abrahamnü namfimihnu tüsho moshipungbo lubah Abimelek kilim jih, tüsho anenü thiyuchihchim thsü.

THRÜNTAN 22:3

Jumonü Abrahamnü yapsu mükikde asürü tüsho api yo donki hah thsü, tüsho api lung athrününgtsüng 2 tüsho atsührü Isak be; küyimki apinü taka kingaünpü sang suhdahde ayihkheanü, Thrünpuhnü api ki thakhi dangpung lim tsahmusude yü.

THRÜNTAN 25:33

Judüki Jakobnü tha, “Khihni nünü I ki thiyuchihchimang.” Jumonü apinü anihbuh ki thiyuchihchim, tüsho api zübekhi-alim Jakob kilim yinabah.

THRÜNTAN 26:32

Ju nimung Isak yamlarübonü arü tüsho arünü akiukhi kekhip dünkheak api ki tha, “Isanü kekhip ngüdo.”

THRÜNTAN 31:44

Jumonü kheakü ikenü tangzüng khülang thsanü, tüsho junü ike dükeak thiyumütsan khülang lashihanü.”

THRÜNTAN 31:55

Yapsu mükikde Laban asürü, tüsho api tsührübo le tsührübebo müthsüp tüsho arü müngühjih. Judüki Labannü chamachih tüsho api lapung lim alode yü.

IBRI 6:16

Mihtsürübonü arü kheaknü atobe hode thiyuchihchim thsüchoh, tüsho arü atsangachih alala ching adüngakhi thsungkheak thiyuchihchim ju arün lah.

1 SAMUEL 14:24

Kheakü ju nimung Israelrü lümthsünü ching lakheah, tümüde Saulnü bonungrü kheak thiyuchihchimde tha, “ Arelim mükamchoki tüsho inü I riri kheak romüyimlochoki shepünü yimtsühbanü api kheak muthrumünean yükihang.” Jumonü bonungrü shenü she jim mütsühake.

1 SAMUEL 20:3

Tüshe Davidnü she thiyuchihchimde tha, “Nünü I muzholah de nü buhnü tsüde mükheahlah; tüsho ha Jonathannü dümükheahshih jude yungsho api mulong rozhakbah de apinü lümchoh. Tüshe tsükjide Atungpuh tüsho nü lale, I tüsho ashepü dükeak jingdükü zahlah.”

1 SAMUEL 30:15

Davidnü api ki tha, “Nünü ha thiriribo lung bede yükinahnü?” Apinü tha, “Nünü I mülaksah, yungsho I putungrü khah ching muyukjih de Thrünpuh tamde thiyuchihchimang, tüsho inü arü kilim nü bede ayükibah.”