THRÜNTAN 26:24 - AMÜSÜH HÜM CL Bible (BSI)

²⁴ Ju tsüngre Atungpuh api ki akhiuk tüsho tha, “I nü buh Abraham Thrünpuh ah; dütre, tümüde I nü lung lah. Inü I yamlarü Abraham thsülimnü nü müngühjihbah tüsho nü tsühsoniusobo bushihbah.”

THRÜNTAN 26:24 Iomraidhean Croise

THRÜNTAN 13:16

Tüsho inü nü tsühsoniusobo asungthulung nangde akamshihbah; junangde khürünü asungthulung khekhuksho nü tsühsoniusobo she akhekhukbah.

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

THRÜNTAN 17:8

Kheakü nüsa hanrü thsüde alakhi Kanan lo alala nü tüsho nü dunglim nü tsühsoniusobo kilim akheam müla yamalo thsüpü jihbah; tüsho I ju arü Thrünpuh thsübah.”

THRÜNTAN 21:17

Tüsho Thrünpuhnü azübuh tripkhi so. Judüki Thrünpuh yunirünü yinmi chingnü ji tüsho tha, “Hagar, nü tümü thsüa la? Dütre, tümüde azübuh kükheak lanü Thrünpuhnü api düsheak sodo.

THRÜNTAN 22:17

müngühmühi ching inü nü müngühjihbah, tüsho wühjabuja ching thüning ching chiningbo tüsho keyean loyibo nangde nü tsühsoniusobo bushihbah; tüsho nü tsühsoniusobonü arü riri kiutobo müküh-a lubah.

THRÜNTAN 22:19

Jumonü Abrahamnü ayamlarü büne kilim alode yü, tüsho arünü tsahmusude rukhühnü Beersheba lim yü; tüsho Abraham Beersheba ching la.

THRÜNTAN 24:12

Judüki apinü tha, “O Atungpuh I putungrü Abraham Thrünpuh, muzhobah khihni I akuk ngüshang, tüsho I putungrü Abraham ki amuzho huhang.

THRÜNTAN 28:13

Tüsho kheahang, ju kumung Atungpuh zhip tüsho tha: “I nü buh Abraham tüsho Isak Thrünpuh Atungpuh ah; nü yapkhi lo inü nü tüsho nü tsühsoniusobo kilim jihbah.

THRÜNTAN 28:15

Kheahang, I nü lung lah tüsho nü kürü ching yübanü nü aheangbah, tüsho ha lo ching nü belode arübah, tümüde inü nü ki asukkhi mürhimoyi khiungde inü nü müdükhe.”

THRÜNTAN 28:3

Wuto Thrünpuhnü nü müngühshang, tüsho nü aso asode bushang, junangde nü mihtsürü wüh tode akambah;

THRÜNTAN 30:27

Tüsho Labannü api ki tha, “I nü miki tsüde ngüa lasho, muzhobah binloang, tümüde nü thsülimnü Atungpuhnü I müngühjihdo de akin hode inü anikhitdo.”

THRÜNTAN 31:5

tüsho ane ki tha, “Inü nüke abuh yakli I kheak püpüki kheaknü büthsüde ngüchoh; tüshe I buh Thrünpuh I lung lakheah.

THRÜNTAN 39:2

Josep lung Atungpuh lakheah, tüsho api akuk ngürü mihtsürü lakheah; tüsho api ju anihbuh putungrü Ijiprü yam ching lakheah.

THRÜNTAN 39:3

Api lung Atungpuh lakhi anihbuh putungrünü ngü tüsho api khah rhimo alala Atungpuhnü akuk ngüshih.

THRÜNTAN 46:1

Jumonü Israelnü api lakhi alala lubah hantsahmusu, tüsho Beersheba ching arü, tüsho abuh Isak Thrünpuh kilim shuhmülanga kingaünkhibo jih.

1 KIULONG THSÜRÜ 17:13

Elijanü alibe ki tha, “Dütre; yüang tüsho nünü athakhi ruk thsang; tüshe akhuhde yikhap-zünkhi anikhüh I kilim lubah arang, tüsho ju dunglim nü tüsho nü tsührü thsungkheak tümükhüh mozümodoang.

ABEKHIT 14:13

Tüsho Mosanü mihtsürübo ki tha, “Dütre. Düngde zhipang, tüsho Atungpuhnü nüsa khümkhitpü khihni rhimopü lakhi kheahang. Tümüde nüsanü khihni ngükhi Ijiprübo lünnü müngülo.

ABEKHIT 3:6

Kheaküshe apinü tha, “I nü pü Abraham, Isak tüsho Jakob Thrünpuh ah.” Judüki Thrünpuh kheak kheahpü trekhinü Mosanü amiro khuramabah.

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 44:2

Atungpuhnü ha thachoh, shepünü nü thrünkhea, shepünü nü nuyam chingnü kamshihkhea tüsho nü rungpü la: Dütre, O I yamlarü Jakob, Jeshurun, shepü inü mokhitkhea.

ISAIA 51:12

I, shepünü shukheamchonü api ah; dale tümüde ashepü lakhi mihtsürü trecho, mihtsürü khülang shepü rim nangde yiuhabahcho?

ISAIA 51:7

Nüsa sherü thiyuro-lungki mükheahlanü, nüsa mihtsürü sherü mulong ching I thsangyukhi lanü I ki aniang; püpürünü mükhemürangkhi dütre, tüsho arünü nü mükthsüchoki mulong dünini.

TÜZHOKHI 3:57

Inü nü jichoki nü phünide arükheah; nünü tha, “Dütre!”

LEVI 26:42

inü Jakob, Isak tüsho Abraham kheak tangzüngkhi lümkhitbah, tüsho inü alomi lümkhitbah.

LEVI 26:45

Tüshe arü ki inü arü jipürü kheak tangzüngkhi lümkhitbah, arübo inü trükshih miki Ijip chingnü I arü Thrünpuh thsüpü bekhit: I Atungpuh ah.

MATHI 22:32

‘I Abraham Thrünpuh, Isak Thrünpuh tüsho Jakob Thrünpuh’? Api ju asherü yo yung tüshe arhang larü Thrünpuh ah.”

LUKNÜ ATHRÜTKHI THIYUSHEAK-ATSÜ HUHTANYU 12:32

“Dütre, aninibe boto, tümüde nüsa Abuhnü nüsa kilim kiulongthsü jihpü mulonglah.

YUNIRÜBO RHIMO 7:32

‘I a nü pü pürü Abraham, Isak tüsho Jakob Thrünpuh ah.’ Tüsho Mosanü ajan tüsho akheahpü mümürang.

YUZÜNGTHALO 13:17

Jumonü nüsa shepünü she muthrumüneankhi kukruk nüsa khah ching aninga düzo, junangde Atungpuhnü api bukakhiukkhi chingnü atuklobah tüsho nüsa ki mihmüthsüm huhbah, nüsa kheak muzhobah tüsho apinü nüsa jipürü ki thiyuchihchimkhi nangde nüsa wüh bubah,

YUZÜNGTHALO 31:6

Düküngang tüsho mulong ato thsang, dütre yungsho arü ki trede düla: tümüde Atungpuh nü Thrünpuh nüsa lung yüchoh; apinü nüsa müdükhe yungsho mübahyuk.”

IBRI 11:16

Tüshe arünü atsübe, yinmi lomi müshamde la. Jumonü Thrünpuhnü arü Thrünpuh de ajipü machih, tümüde apinü arü kilim kiuto khülang thsakhamjih.

IBRI 13:6

Jumonü isanü mulongram lade thachoh, “Atungpuh ju I rungrü ah, inü mütre; mihtsürünü I ki tümü thsükhukpü?”

AMIKHEAKAKHIUKKHI 1:17

Küyimki inü api ngükhea, I ashekhi nangde api jing ki lunga yap. Tüshe api khah tsülimnü I kheak qiude tha, “Dütre, I atankih tüsho akheam,

RUTH 3:11

Ruth, mulong düsansan, nünü amulongkhi nangde inü alala rhimobah, tümüde kiuto ching larü alalanü nü athülünkhi liberü ah de mükheahlah.