THRÜNTAN 25:8 - AMÜSÜH HÜM CL Bible (BSI)

⁸ Abraham kutsüpde shinde labah sheabah, tüsho api mihtsürü kilim yü.

THRÜNTAN 25:8 Iomraidhean Croise

THRÜNTAN 15:15

Kheakü nü a sühakhim ching nüsa jipürü lung yübah; nü a shinde labah kiuyuka bahbah.

THRÜNTAN 25:17

Ishmael kam 137 lakheah; api sheabah tüsho api mihtsürü kilim yü.

THRÜNTAN 25:7

Abraham kam alalanü 175 lakheah.

THRÜNTAN 35:18

Tüsho anihbe me chamachihde alachoki (tümüde alibe sheabah), alibenü api mung Ben-oni de ji; tüshe abuhnü api ki Benjamin de ji.

THRÜNTAN 37:35

Tüsho api tsührübo le tsührübebo alalanü api shukheampü wusurü; tüshe apinü ashukheampü arochih tüsho tha, “Tümüde I tsührü shepung I tüzhode ayükibah.” Hanangde abuhnü api thsungkheak mitrip.

THRÜNTAN 49:29

Judüki apinü arü ki thsangdande tha: “I a I mihtsürü lung yüpü lah; Hitrü Ephron lu ching lakhi lungkhün ching I buh pürü lung I mi bahang,

THRÜNTAN 49:33

Küyimki Jakobnü api tsührübo thsangdankhi bankhea, api jingbo yapkiu kheak chunga yüshih tüsho sheak kheamabah, tüsho anihbuh mihtsürü lung yü.

THRÜNTAN 50:13

Tümüde atsührübonü api Kanan lomi ching hande yü, tüsho Abrahamnü mibahpung thsüpü Hitrü Ephron ki thulu bede athulokhi, Mamre müngüh Makpela ching thulu lungkhün ching kiuyukabah.

1 KIUTHSÜYUKHEAN 23:1

Küyimki David ashinbuhrü kamkhea tüsho nimungbo suhde alakhea, apinü atsührü Solomon Israel kurungkheak kiulongthsürü kamshih.

1 KIUTHSÜYUKHEAN 29:28

Api tsüde ashinkhi kim, nimungbo khiukdahbah, lakhitde tüsho wüntrede lade she; tüsho api tsührü Solomonnü api müthri.

2 KIUTHSÜYUKHEAN 24:15

Tüshe Jehoiada ashinbuhrü kam tüsho nimungbo khiungbah sheabah; api shechoki kam 130 azorü lakheah.

JOB HU H T ANYU 41:32

Apinü adunglim azhingzhing limro akhiukshihchoh; tüsho keto ju arhukrhuk amüye kamshihchoh.

JOB HU H T ANYU 42:17

Tüsho Job ashinbuhrü tüsho nimungbo khiungbah sheabah.

JOB HU H T ANYU 5:26

Nü ashinbuhrü kambah nü kiuyuk ching akheahmünchi ching hiphung rhimopung ching yukkhi nangde arübah.

MÜCHITMUDU 20:29

Athunurü müretahkhi ju arü sühmüh, tüsho ashinbuhrü wünkihkhi ju arü ku buyiukkhi ah.

JEREMIA 6:11

Tüshe I a Atungpuh bukakhiukkhinü milah; inü ju marümkhuk. Ju kiudunglimro azürübo kheak dungkihang, tüsho athunurü mukhungkhi kheak she; niube niubuh tüsho shinbe shinbuh chido lude atsobah.

WÜHKHE 20:24

“ Aron a nihbuh mihtsürü bolung yübah, tüsho inü Israel mihtsürübo kilim jihpü alokhikhi lo ching api müyüzah, nükenü Meriba ke ching I yu azhihdo.

WÜHKHE 27:13

Tüsho küyimki nünü ju ngübanü, nü khiung Aron nangde nü she nihbuh mihtsürü lung yübah.

YUNIRÜBO RHIMO 12:23

Zukleangnü Atungpuh yunirünü api shik, tümütüsho apinü Thrünpuh müremütah; api ju musonü ru tüsho sheabah.

YUNIRÜBO RHIMO 13:36

Tümütüsho küyimki Davidnü api lün ching Thrünpuh mulongkhi tankihkhea, api sheabah; api jipürübo lung kiuyukabah tüsho aro abühabah;

YUNIRÜBO RHIMO 5:10

Zukleangnü alibe ju api jing ki keam tüsho sheabah. Küyimki athunurü mihtsürübo azahkhea, arünü alibe ju shea ngü tüsho hande wukhiukbah aniubuh rheang ki kiuyukabah.

YUNIRÜBO RHIMO 5:5

Küyimki Ananianü harü yubo sokhea, api lunga yap tüsho sheabah. Tüsho ju sorü alala kheak atrekhi ato arü.

YUZÜNGTHALO 32:50

tüsho nü khiung Aron Hor müzüng kheaknü ashekhi nangde nü ju müzüng kheaknü ashebah;

MAHKHAPRÜ 2:10

Küyimki ju lün alala arü bebuhrü ki mukhungkhea, Atungpuh mümükheahkhi yungsho Israel thsungkheaknü rhimokhi mümükheahkhi, arü dunglim lün püpü asürü.

MAHKHAPRÜ 8:32

Kheakü Joash tsührü Gideon zobanbah she, tüsho Abiezerrü kiuto Ophra ching, abuh Joash kiuyuk ching bah.