THRÜNTAN 25:6 - AMÜSÜH HÜM CL Bible (BSI)

⁶ Tüshe Abrahamnü api hanniubebo tsührübo kilim thsambahbo jih; tüsho api lade alachoki apinü arübo ju atsührü Isak kheaknü aniakhiuklim lomi lim thiyia yüabahshih.

THRÜNTAN 25:6 Iomraidhean Croise

THRÜNTAN 16:3

Judüki Abram Kanan lomi ching kam thürü la dunglim, aniube Sarainü ayamlabe Hagar bea lu tüsho aniubuh Abram kilim aniube thsüpü jih.

THRÜNTAN 21:14

Jumonü Abrahamnü yapsu mükikde asürü, tüsho yikhap le shihküp-keluh lubah Hagar dubuh kheak yihkihjih tüsho azübuh ju bebah thiyia tsoshih. Alibenü chamachih tüsho Beersheba sunglo ching rümde tsah.

THRÜNTAN 25:1

Abraham kheaküshe aniube lu, tüsho alibe mung Ketura lakheah.

THRÜNTAN 29:1

Jumonü Jakobnü hantsahde yü tüsho aniakhiuklim mihtsürü lomi ching arü.

THRÜNTAN 30:4

Jumonü alibenü ayamlabe api kilim aniube thsüpü jih, tüsho Jakobnü alibe kheak müyam.

THRÜNTAN 30:9

Küyimki Leanü anihbe tsührü dapkhi ngükhea, anihbenü ayamlabe Zilpa ju Jakob kilim aniube thsüpü jih.

THRÜNTAN 32:22

Apinü ju re asürü tüsho aniube 2, ayamlarü 2, atsührü 11 bebah Jabbok ayung hode yü.

THRÜNTAN 35:22

Tüsho küyimki ju lomi ching Israel lakheanü, Reubennü abuh hanniube Bilha kilim yü tüsho müyam; tüsho ju dünkheak Israelnü so. Jakob tsührü 12 lakheah:

2 KIUTHSÜYUKHEAN 11:21

Rehoboamnü aniube tüsho hanniube püpü alala kheaknü Absalom tsührübe Maaka muzho (apinü aniube 18 tüsho hanniube 60 lu, tüsho tsührü 28 le tsührübe 60 abuh kam.)

JOB HU H T ANYU 1:1

Mihtsürü khülang Uz lomi ching amung Job de alakheah. Api ju mungchih mülarü tüsho alungki, Thrünpuh wüntrerü tüsho amütsü chingnü tsokhide alakheah.

JOB HU H T ANYU 1:3

Api namfimihnu 7000, kemel 3000, sangkaplak kihkhi moshipung dudu 500, donki 500, tüsho yamlarü ahihdo lakheah; junangde ha mihtsürü aniakhiuklim mihtsürü alala lung aladreto lakheah.

MATHI 5:45

junangde nüsa ju yinmi ching nüsa Abuh tsührübo thsübah. Apinü amütsü tüsho atsü kheak ani akhiuk-shihchoh, tüsho thiyuro-lungkirü le thiyuro-mülungkirü kheak tsüng arüshihchoh.

YUNIRÜBO RHIMO 14:17

tüshe apinü anihbuh thiyumütsan mülade müthsü, tümüde apinü atsü rhimo tüsho thüning chingnü tsüng le akheahmünchi ching sangsolungsobonü nüsa mulong reangkeamde asühshihchoh.”

MAHKHAPRÜ 19:4

Kheakü anihbuh akü, alibe abuhnü api tholo; tüsho apinü anihbuh lung nimung mahsam lakheah. Jumonü arünü tsühyungde ju ching mung.

MAHKHAPRÜ 6:3

Küyimki Israelrü mükheande alakhea, Midiarü le Amalekrü tüsho aniakhiuklim mihtsürünü atubah arü yan;