THRÜNTAN 25:34 - AMÜSÜH HÜM CL Bible (BSI)

³⁴ Tüsho Jakobnü Esau kilim yikhap le hühkeang wo jih; tüsho apinü tsühyungbah nihbuh limro yü. Hanangde Esaunü anihbuh zübekhi-alim mükhemükim thsü.

THRÜNTAN 25:34 Iomraidhean Croise

THRÜNTAN 25:29

Nimung khülang Jakob hühkeang wo khiungde alakheah; tüsho Esau ju thulu chingnü khümkeaka alung.

THRÜNTAN 25:33

Judüki Jakobnü tha, “Khihni nünü I ki thiyuchihchimang.” Jumonü apinü anihbuh ki thiyuchihchim, tüsho api zübekhi-alim Jakob kilim yinabah.

THRÜNTAN 26:1

Akhuhlim Abraham kim ching lakhi khümzung kheaknü püpü khümzung lomi ching lakheah. Tüsho Isaknü Gerar ching Filistia kiulongthsüpuh Abimelek kilim yü.

THRÜNTAN 27:32

Tüsho abuh Isaknü api ki keo, “Nü shepü a?” Apinü alo, “I nü tsührü adüjibuh Esau ah.”

MUNGSHIKHÜN 106:24

Judüki arünü alo atsü bahyuk; arünü api yu mükin,

T H S AN GYU T H S AN GR ARÜ 8:15

Jumonü asühde alapü inü thachoh, tümüde mihtsürü thsungkheaknü alomiküp ching atsühpü, ayungpü tüsho asühpü kheaknü tümü atsübe müla, tümüde ha alomiküp ching Thrünpuhnü api jihkhi rhangdung ching ha rhimobah.

ISAIA 22:13

tüshe ju müthri asühachih tüsho thünio lakheah, moshipung tüsho namfimihnu laksahde, shih tsühde tüsho yukhu yungde la. Nüsanü tha, “ Isanü tsühanü tüsho yunganü, tümüde shido isa ashebah.”

ZEKARIA 11:13

Jushu Atungpuhnü I ki tha, “Ha akhamde amo akhukhi ju rahpung-yam ching yukang.” Jumonü inü shotoyinchi 30 ju Atungpuh yam rahpung-yam ching yuk.

MATHI 22:5

Tüshe arünü ju süpsüpde lüm tüsho khülangnü nihbuh lu ching tüsho püpürünü nihbuh rhimo ching de yüabah.

MATHI 26:15

tüsho tha, “Inü api nüsa kilim jihsho nüsanü I kilim tümü jihpü mulongla?” Tüsho arünü api kilim shotoyinchi 30 khekhita jih.

YUNIRÜBO RHIMO 13:41

‘Kheahang, nüsa luhmünerübo! Müyinsahang tüsho sheang! Tümüde khürünü thanaka huhhuh she nüsanü akin mülapü thsüde inü rhimochoh!’ ”

1 KORINT 15:32

Mihtsürü lümkhi ayannü langa inü Efisia ching mütüm shiwüh bolung keochihsho, I tümü alü thsüba? Asherü arhang mükamlobasho, “Isanü tsühanü tüsho yunganü, tümüde shido isa ashebah.”