THRÜNTAN 25:21 - AMÜSÜH HÜM CL Bible (BSI)

²¹ Kheakü Isaknü aniube thsungkheak Atungpuh ki mushu, tümütüsho alibe bünkeangberü lakheah; apinü amushukhi Atungpuhnü alojih, tüsho aniube Rebeka mübünkeangde kam.

THRÜNTAN 25:21 Iomraidhean Croise

THRÜNTAN 11:30

Tüshe Sarai aniungyüh lakheah; alibe tsührü mülakheah.

THRÜNTAN 16:2

Jumonü Sarainü Abram ki tha, “Kheahang, Atungpuhnü I kheaknü tsührü mülashih. Muzhobah I yamlabe lung nungang; khükia anihbe hode I tsührü labah.” Tüsho Abramnü Sarai yu ani.

THRÜNTAN 30:22

Jushu Thrünpuhnü Rachel lümkhit, tüsho Thrünpuhnü anihbe ki anijihde nuyam khimshuhjih.

1 KIUTHSÜYUKHEAN 5:20

arü azhihpü ching arübo rung, tüsho Hagrü le arü lung berü alala arü khah ching jih, tümüde thirithsü ching arünü Thrünpuh ki zhi. Apinü arü tamkhüntamnükhi sojih, tümütüsho arünü api kheak thiyuro lakheah.

2 KIUTHSÜYUKHEAN 33:13

Apinü api ki tamkhüntamnü, tüsho Thrünpuhnü api tamkhüntamnü leangkhi, apinü mushukhi so, tüsho Jirusalem tüsho anihbuh kiulongthsü kilim api alode yüshih. Judüki Atungpuh ju Thrünpuh ah de Manasenü mükheah.

EZRA 8:23

Jumonü isanü Thrünpuh ki isa kümshihpü khümkeak thsü tüsho tamkhüntamnü, tüsho apinü isa tamkhüntamnübo alojih.

MUNGSHIKHÜN 127:3

Kheahang, tsührübo ju Atungpuh kilimnü yamrüplurüp lah, nuyam sangaso ju api thsambah.

MUNGSHIKHÜN 145:19

Apinü anihbuh trerünü amulongkhi dünjishihbah; apinü arü zhikhi she asojihbah tüsho arü khümkhitbah.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 65:2

O nü shepünü tamkhüntamnü socho, nü kilim mihtsürü alala arübah.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

MÜCHITMUDU 10:24

Mihbukmuyuknü tümü trechonü api kheak arübah; thiyuro-lungkirünü tümü lunechonü amülüjihbah.

ISAIA 45:11

Atungpuhnü ha thachoh, Israel Amüsüh Thrünpuh, tüsho Athrünrü: I tsührü yungsho I khah rhimo dünkheak nünü I ki keokhiba de?

ISAIA 58:9

Judüki nünü ajibah, tüsho Atungpuhnü alojihbah; nünü arung thsungkheak zhibah, tüsho apinü athabah, Ha kheak I lah. Nünü nüsa bolungnü sangkap, yingkhing athsokhi, amütsü yihkhita bahsho,

ISAIA 65:24

Arünü müjiyide inü alobah, arü asukachihde lachoki inü asobah.

LUKNÜ ATHRÜTKHI THIYUSHEAK-ATSÜ HUHTANYU 1:13

Tüshe yunirünü api ki tha, “Zakaria dütre, tümüde nü tamkhüntamnü sojihdo; nü niube Elizabethnü nü kilim tsührü khülang zübejihbah tüsho nünü api mung Johan de ajibah.

LUKNÜ ATHRÜTKHI THIYUSHEAK-ATSÜ HUHTANYU 1:7

Tüshe ane tsührü müla, tümütüsho Elizabeth ju bünkeangberü tüsho ane chido khide shina lakheah.

1 SAMUEL 1:11

Alibenü hade thiyuchihchim: “O Wuto Atungpuh, nünü lang nü yamlaberü küpkhukkhi kheahjihde, I lümkhitsho, tüsho nü yamlaberü mümihabahsho, tüshe nü yamlaberü kilim tsührü athrürü jihsho, inü api rhangdung amuyung Atungpuh kilim jihbah tüsho küyimkishe api kuyü mühüt.”

1 SAMUEL 1:17

Tüsho Elinü alo, “ Mungtsü chingnü yüang; nünü api ki mushukhi Israel Thrünpuhnü alojihdo.”

1 SAMUEL 1:2

Api niuberü mahne lakheah; khülang be mung Hanna, püpü mung Peninna. Peninna a tsührü lakheah, tüshe Hanna tsührü müla.

1 SAMUEL 1:27

Ha azürü thsungkheak inü tamkhüntamnükheah; tüsho inü Atungpuh ki kheangkhi apinü I ki jih.