THRÜNTAN 25:18 - AMÜSÜH HÜM CL Bible (BSI)

¹⁸ Ishmael tsühsoniusobo Ijip aniakhiuklim, Asiria limro kheak Havila tüsho Shur dükeak ching lakheah. Arübo Abraham tsühsoniusobo püpürü kheaknü chamkhibah alakheah.

THRÜNTAN 25:18 Iomraidhean Croise

THRÜNTAN 10:29

Ophir, Havila, tüsho Jobab. Harü alala Joktan tsührübo lakheah.

THRÜNTAN 10:7

Kush tsührübo: Sheba, Havila, Sabta, Raama tüsho Sabteka. Raama tsührübo: Sheba tüsho Dedan.

THRÜNTAN 13:10

Lotnü zünga kheah tüsho Zoar thrippeang Jordan dükhün ju ke tsüde aduhkhi Atungpuh shahwün nangde, Ijip lomi nangde alakheah. (Ha akhuhlim Sodom tüsho Gomorra thsümünimkhi lakheah).

THRÜNTAN 14:10

Siddim dükhün ju loneakjipjip khünnü mia lakheah; tüsho Sodom le Gomorra kiulongthsürübo ju ching shande yü; khürü ju ching keamyuk, tüsho aningkhi awungbo ching tsode yü.

THRÜNTAN 16:12

Api mütüm donki nangde alabah; apinü alala kheak azhihde alabah, tüsho alalanü api kheak azhihbah, tüsho api keoniorü kheaknü chamkhibah alabah.”

THRÜNTAN 16:7

Atungpuh yunirünü Hagar ju sunglo ching Shur limro kenü ki ngü.

THRÜNTAN 2:11

Akhuhbe mung ju Pishon, hanü suna lakhi Havila lomi alala mükamde bukchoh.

THRÜNTAN 20:1

Kheakü Abraham ju chingnü hantsahde Negeb lomi lim yü, tüsho Kadesh le Shur dükeak la; tüsho Gerar ching lacholade alakheah.

THRÜNTAN 21:14

Jumonü Abrahamnü yapsu mükikde asürü, tüsho yikhap le shihküp-keluh lubah Hagar dubuh kheak yihkihjih tüsho azübuh ju bebah thiyia tsoshih. Alibenü chamachih tüsho Beersheba sunglo ching rümde tsah.

THRÜNTAN 21:21

Api Paran sunglo ching la; tüsho abenü Ijip lomi chingnü aniube lujih.

2 KIULONG THSÜRÜ 23:29

Api nimungbo ching Ijip kiulongthsüpuh Pharao Nekonü Asiria kiulongthsüpuh kilim Euphra ayung ching wutu. Josia kiulongthsüpuhnü api shorupü yü; tüshe küyimki Pharao Nekonü Megiddo ching api shorukhea, apinü anihbuh laksah.

1 KIUTHSÜYUKHEAN 1:23

Ophir, Havila, tüsho Jobab trükkhit; harü alala Joktan tsührübo lakheah.

MUNGSHIKHÜN 78:64

Arü yo amükeamrübo nukshangnü keam, tüsho arü niuberübonü mütüzho.

ABEKHIT 15:22

Jushu Mosanü Israel Amürüm Keto chingnü mikhuhlim bede yü, tüsho arünü Shur sunglo limpeang yü; arünü sunglo ching nimung mahsam yü tüsho ke müngüde alakheah.

EZEKIEL 23:23

Babilonrü tüsho Kaldearü alala, Pekod, Shoa tüsho Koa chingnü tüsho arü lung Asiriarü alala, akheahakham athrününgtsüngbo, kovünorbo tüsho arü lung wühkenorübo alala, atorübo tüsho thirithsürübo, arü alala khorabo kheak binlah.

1 SAMUEL 15:7

Saulnü Amalekrü, Ijip aniakhiuklim lakhi Havila kheaknü Shur khiungde yankhitde yü.