THRÜNTAN 24:60 - AMÜSÜH HÜM CL Bible (BSI)

⁶⁰ Tüsho arünü Rebeka müngühjih tüsho tha: “Isa niurü, nü a chithürü thürübo abe thsüang shi; tüsho nü tsührübonü arü riri kiutobo kukkhitshang.”

THRÜNTAN 24:60 Iomraidhean Croise

THRÜNTAN 1:28

Thrünpuhnü arü müngühjihde tha, “Aso asoang tüsho wüh buang; alomi mishang tüsho ju danyukang; keto ching thüngüh, thüning wuhnubo tüsho alo kheak abübe alala kurungkheak atungrü thsang.”

THRÜNTAN 14:19

Apinü anihbuh müngühjihde tha: “Thüning tüsho alomi Thrünrü, Khide Achang Thrünpuhnü Abram müngühshang.

THRÜNTAN 17:16

Inü alibe müngühjihbah tüsho anihbe hode nü kilim tsührü she khülang jihbah; inü alibe müngühjihbah tüsho anihbe ju trükshih ahihdo abe thsübah; mihtsürü kiulongthsürübo anihbe kheaknü arübah.”

THRÜNTAN 22:17

müngühmühi ching inü nü müngühjihbah, tüsho wühjabuja ching thüning ching chiningbo tüsho keyean loyibo nangde nü tsühsoniusobo bushihbah; tüsho nü tsühsoniusobonü arü riri kiutobo müküh-a lubah.

THRÜNTAN 24:61

Judüki Rebeka tüsho anihbe yamlaberü anenü thsakham tüsho kemelbo kheak binbah mihtsürü ju yande yü. Junangde yamlabuhnü Rebeka bea lu tüsho chamachih.

THRÜNTAN 28:3

Wuto Thrünpuhnü nü müngühshang, tüsho nü aso asode bushang, junangde nü mihtsürü wüh tode akambah;

THRÜNTAN 32:1

Jumonü Jakob anihbuh limro ching yü, tüsho Thrünpuh yunirübonü api shoru.

THRÜNTAN 48:20

Jumonü apinü ju nimung ane müngühjihde tha, “Nüke hode Israel müngühjihde athabah, ‘Ephraim tüsho Manase nangde Thrünpuhnü nüsa kamshang!’ ” Hanangde apinü Ephraim ju Manase müngüh kamshih.

THRÜNTAN 9:1

Jumonü Thrünpuhnü Noa tüsho atsührübo müngühjih, tüsho arü ki tha: “Aso asode wüh buang, tüsho alomi mide kamang.

JEREMIA 29:6

Niuberübo luang tüsho tsührübo le tsührübebo laang; nüsa tsührübo thsungkheak niuberübo lujang, tüsho nüsa tsührübebo rhangshang, junangde arünü tsührübo tüsho tsührübebo labah; ju ching wüh buang, tüsho dükheam.

DANIEL 7:10

Mo ayung khülang bukde la tüsho api kinü bukkhit. Chithürü kheak chithürübonü api tankih, tüsho chithürü thürü kinü chithürü thürü api ki zhip. Mahkhappü kim tankih, tüsho hümbo khimshuh-a lakheah.

LEVI 25:46

Tüsho nünü arübo nü tsührübo thsungkheak yamrüplurüp thsüde azojihpü kuklah, arübo kamruhroro nüsa azhorü thsübah. Tüshe nüsa keoniorü Israelrü tsührübo kheak nüsanü müküpde yakzan düshuh.

YUZÜNGTHALO 21:19

abuh le abe anenü api thobahle kiuto ching azothsürü miki chipimurung ki hande arübah.