THRÜNTAN 24:53 - AMÜSÜH HÜM CL Bible (BSI)

⁵³ Judüki yamlabuhnü suna le shotoyinchi mürezhingzhing tüsho khimmihbo lude akhiukbah Rebeka kilim jih; apinü akhiung le abe büne kilim she amo-achak thsambahbo jih.

THRÜNTAN 24:53 Iomraidhean Croise

THRÜNTAN 24:10

Judüki yamlabuhnü api putungrü yo kemel 10 lu tüsho chamachih, tümüde api putungrü kukrukbo alala anihbuh khah ching lakheah. Tüsho apinü tsahmusubah Mesopotamia lim, Nahor kiuto ching yü.

THRÜNTAN 24:22

Küyimki kemelbo ayungkhamkhea, mihtsürü junü suna nupungnüpü düpüt 6 tüsho suna bingkhüm düpüt 115 dün yo lubah yukjih.

2 KIUTHSÜYUKHEAN 21:3

Arü abuhnü arü kilim thsambah ahihdo, shotoyinchi, suna, tüsho amo achak kukrukbo, Juda ching chipi ayünkhi kiutobo bede jih; tüshe apinü kiulongthsü ju Jehoram kilim jih, tümütüsho api adüjibuh lakheah.

EZRA 1:6

Arü phünirü alalanü kukruk harü jihde rung: Shoto phühlung, shotolung, tsühyungbebo, püpü shoto kukruk tüsho ju lung arung kingaün hanmukhungkhi she jih.

ABEKHIT 11:2

Kheakü mihtsürübonü sode asukang, tüsho shotoyinchi le suna kukrukbo thsungkheak athrürü tüsho aliberü abannü nihbuh yamhingrü ki keokhishang.”

ABEKHIT 12:35

Kheakü Israelrünü Mosa yu yande rhimo, tüsho arünü Ijiprü ki shotoyinchi le suna kukrukbo tüsho khimmihbo kheang.

ABEKHIT 3:22

Aliberü abannü nihbe yamhingrü Ijipberübo ki tüsho Ijipberü khürü anihbe yam ching larü lasho arübo ki khimmih, suna, shotoyinchi tüsho shotolungbo kheanga lubah tüsho Israelrübonü jurübo arü tsührü athrürü le aliberü kheak phungyukjihbah; junangde nüsanü Ijiprü lakhit hanbah ayübah.”

KHÜNBOLUNGKHÜN 1:10

Nü müchipbo kheak nüpünü akhamlah, nü hung kheah suna laknü akhamlah.

KHÜNBOLUNGKHÜN 4:13

Nü sangdungbo ju tsarümkiu, ju lung amokhitkhi sangasobo, mürümmüri-sang lung molisang,

ISAIA 39:2

Hezekianü arübo leangkhi; apinü arü ki api rahpung-yam, shotoyinchi, suna, thüneathürabe, shoto müdangke, thsühnuk alala, api kukruk-zowupung ching lakhi alala huh. Api yam ching yungsho api kiulongthsü alala ching Hezekia nü arü ki muhuhkhi tümü mülakheah.