THRÜNTAN 24:50 - AMÜSÜH HÜM CL Bible (BSI)

⁵⁰ Judüki Laban tüsho Bethuel bünenü alo tüsho tha, “Ha Atungpuh kilimnü arüchoh; isanü nü ki amütsü yungsho atsü she müthakhuk.

THRÜNTAN 24:50 Iomraidhean Croise

THRÜNTAN 24:15

Apinü müthakhamyide, Rebeka adubuh kheak kephüh shuhbah akhiuk. Alibe ju Abraham niurü Nahor le aniube Milka ane tsührü Bethuel tsührübe lakheah.

THRÜNTAN 24:28

Alibenü alihde yü tüsho harü dünkheak abe ki thaa huh.

THRÜNTAN 24:51

Ha ching nü müngüh Rebeka lah; anihbe bebah yüang tüsho Atungpuhnü asukkhi nangde anihbe nü putungrü tsührü niube thsüshang.”

THRÜNTAN 24:53

Judüki yamlabuhnü suna le shotoyinchi mürezhingzhing tüsho khimmihbo lude akhiukbah Rebeka kilim jih; apinü akhiung le abe büne kilim she amo-achak thsambahbo jih.

THRÜNTAN 24:55

Tüshe alibe akhiung le abe bünenü tha, “Anünübe isa lung nimung thürü lang she binshang; jushu alibe yüshang.”

THRÜNTAN 24:60

Tüsho arünü Rebeka müngühjih tüsho tha: “Isa niurü, nü a chithürü thürübo abe thsüang shi; tüsho nü tsührübonü arü riri kiutobo kukkhitshang.”

THRÜNTAN 31:24

Tüshe ju tsüngre milim ching Siriarü Laban kilim Thrünpuh arü, tüsho api ki tha, “Jakob ki atsü yungsho amütsü müthapü kümkangang.”

THRÜNTAN 31:29

Inü nü thsümünimpü sühmüh lah, tüshe nü buh Thrünpuhnü yishih I ki asuk, ‘Nünü Jakob ki atsü yungsho amütsü müthapü kümkangang.’

2 SAMUEL 13:22

Tüshe Absalomnü Amnon ki atsü yungsho amütsü she mütha; tümüde Absalomnü Amnon thranean; tümütüsho apinü aniurü Tamar kheak reangkihde amütsü rhimo.

1 KIULONG THSÜRÜ 12:15

Junangde kiulongthsüpuhnü mihtsürübo ki mani, tümütüsho apinü Nebat tsührü Jeroboam ki Shilonrü Ahija hode athakhi dünjipü Atungpuh lümkhi lakheah.

1 KIULONG THSÜRÜ 12:24

“Atungpuhnü ha thachoh, Israel mihtsürü nüsa keoniorü bede keochihpü nüsa duwutu. Mihbüm aban thüyam lim yüshang, tümüde ha I lümkhi ah.” Jumonü arünü Atungpuh yu ani tüsho Atungpuh yu ayannü thüyam lim alode yü.

MUNGSHIKHÜN 118:23

Ha Atungpuh rhimo lakheah; ha isa mük ki amüyinsahbe lah.

MATHI 21:42

Jisunü arü ki tha, “Nüsanü amüsühyubo ching mükheakheah de: ‘Thüyam-thsürünü abahyukkhi lung ju amühit-lung kamdo; Atungpuhnü ha rhimodo, tüsho ha isa mük ki amüyinsahbe lah’?

MARK 12:11

Ha Atungpuhnü arhimokheah, tüsho isa mükbo ki amüyinsahbe lah’? ”

YUNIRÜBO RHIMO 11:17

Jumonü isanü Atungpuh Jisu Khrista kinchoki isa kilim jihkhi thsambah Thrünpuhnü arü kilim jih-a lasho, Thrünpuh yanlokhukpü thsüde I she lakhea?”