THRÜNTAN 24:32 - AMÜSÜH HÜM CL Bible (BSI)

³² Judüki mihtsürü ju thüyam ching yüzah. Labannü kemelbo hah shuhkhijihbah sangrungneang tüsho ajim kip, tüsho api le anihbuh lung bekhi mihtsürübo jing müsühpü ke jih.

THRÜNTAN 24:32 Iomraidhean Croise

THRÜNTAN 18:4

Muzhobah ke anikhüh lude arübah nü jing müsühshang, tüsho sangdung khüp nü sühakhimang.

THRÜNTAN 19:2

Tüsho apinü tha, “Kheakü aniang, O I tungrübo, muzhobah nüsa yamlarü yam ching arang tüsho azhing ching binkheambah nüsa jing müsühang; jushu nüsa mükikde asürang tüsho nüsa limro ching yüang.” Tüsho arünü tha, “Muh, isa azhing ching wungdophulung binbah.”

THRÜNTAN 24:33

Judüki api miki tsühyungpü zojih, tüshe apinü tha, “Inü athapü lakhi nü ki müthayikia inü mütsüh.” Labannü tha, “Thaang.”

THRÜNTAN 29:13

Labannü aniurü tsührü Jakob dünkheak thiyusheak soakede apinü anihbuh shorupü niokheamde yü. Apinü api kap tüsho müthsüp tüsho api yam ching bede arü, tüsho alala dünjikhi Jakobnü api ki thaa huh.

THRÜNTAN 43:24

Jumonü kimthsübuhnü mihtsürübo ju Josep yam ching beyuk tüsho arü kilim ke jihbah arü jing müsüh; tüsho apinü arü yo donkibo ke duh.

LUKNÜ ATHRÜTKHI THIYUSHEAK-ATSÜ HUHTANYU 7:44

Jushu alibe kilim anguhde apinü Simon ki tha, “Nünü ha liberü ngücho shi? I nü yam ching azahdo, nünü I jing müsühpü ke müjih, tüshe alibenü achikenü I jing pangbah akuyünü nanjih.

1 TIMOTHI 5:10

tüsho anihbenü khungarü mütrümusukhi, hanrü mürühkhi, amüsührü jing müsühjihkhi, küpkhuk ching larü rungkhi tüsho atsü rhimobo alala ching shuhmülanga jihkhi tsüde amükheahkhi labeah.

MAHKHAPRÜ 19:21

Jumonü apinü arübo ayam ching bede yüzah, tüsho donki tsühyungpü jih; tüsho arü jing müsühbah tsühyung.

1 SAMUEL 25:41

Alibenü asürü tüsho amiro alo lim mükhümbah khukning, tüsho tha, “Nüsa yamlaberü a I tungpuh yamlarübo jing müsühpü azhorü ah.”