THRÜNTAN 24:3 - AMÜSÜH HÜM CL Bible (BSI)

³ junangde I lakhi bolung Kananberü lungnü nünü I tsührü niube mulushihpü Atungpuh , yinmi tüsho alomi Thrünpuh tamde thiyuchihchimshihbah;

THRÜNTAN 24:3 Iomraidhean Croise

THRÜNTAN 14:19

Apinü anihbuh müngühjihde tha: “Thüning tüsho alomi Thrünrü, Khide Achang Thrünpuhnü Abram müngühshang.

THRÜNTAN 14:22

Tüshe Abramnü Sodom kiulongthsüpuh ki tha, “Inü thüning tüsho alomi Thrünrü Khide Achang Thrünpuh ki I khah chungkihdo, tüsho thiyuchihchim ludo,

THRÜNTAN 21:23

Jumonü kheakü, I le I tsührü yungsho I tsühsoniusobo kheak mülimde mürhimopü I ki thiyuchihchimang. Nü hanrü thsüde alakhi lo ching inü nü ki huhkhi nangde I tüsho alomi ki amuzho huhang.”

THRÜNTAN 24:7

Atungpuh yinmi Thrünpuh, shepünü I keoniorü lomi tüsho I buh yamkhün chingnü I bea lukhea, tüsho I ki thiyuchihchimde tha, ‘Nü tsühsoniusobo kilim inü ha lomi jihbah,’ apinü nü müngüh api yunirü thiyibah tüsho nünü ju chingnü I tsührü niube lujihbah.

THRÜNTAN 27:46

Judüki Rebekanü Isak ki tha, “Esau khiungkerü niuberü dünkheaknü I kipathsükdü lang lah. Jakobnü she harü Hit liberü lukhülaa, I ashekhi atsübe labah.”

THRÜNTAN 28:1

Judüki Isaknü Jakob ji tüsho api müngühjih, tüsho api ki müneahde tha: “Nünü Kanan liberü dülu.

THRÜNTAN 28:8

Kanan liberünü abuh Isak kheak masühkhi she Esaunü ngü.

THRÜNTAN 34:9

Tüsho isa ki yamkhün kamang; nü tsührübebo isa kilim jihang, tüsho isa tsührübebo nüsa luang.

THRÜNTAN 38:2

Judanü Kananrü tsührübe Shua shoru, tüsho apinü alibe lu tüsho anihbe lung müyam.

THRÜNTAN 47:31

Apinü tha, “I ki thiyuchihchimang.” Tüsho apinü anihbuh ki thiyuchihchim. Judüki Israelnü anihbuh yapkiu kumung lim mükhümabah.

THRÜNTAN 50:25

Judüki Josepnü Israel tsührübo ki thiyuchihchimshihde tha, “Thrünpuhnü tsükjide nüsa rhuakheahbah, tüsho nüsanü I robo ha chingnü lude awutubah.”

THRÜNTAN 6:2

Thrünpuh tsührübonü mihtsürü tsührü liberübo jaktsüde ngü; tüsho arünü amürühkhi yamkhün thsü.

THRÜNTAN 6:4

Judüki alomi ching Nephilimrübo lakheah, tüsho ju dunglim Thrünpuh tsührübonü mihtsürü tsührübebo kheak müyam tüsho arü kilim tsührübo zübejih. Jurübo adüsonü athrungrü tüsho mungkhung mihtsürübo lakheah.

2 KIULONG THSÜRÜ 19:15

Tüsho Hezekianü A TUN GPU H miki tamkhüntamnü, tüsho tha: “O Atungpuh Israel Thrünpuh, shepü cherubim kumung binla, lomi kiulongthsübo alala kurungkheak nü lang Thrünpuh; nünü thüning tüsho alomi thrün.

2 KIUTHSÜYUKHEAN 2:12

Hiramnü kheaküshe tha, “Atungpuh Israel Thrünpuh shiang, shepünü thüning tüsho alomi thrün, shepünü kiulongthsüpuh David kilim lümlung mütsankhitpü tüsho anikhitpü, Atungpuh thsungkheak arüngyam khülang tüsho anihbuh thsungkheak kiulongthsürü-yam thsüpü lakhi tsührü jih.

EZRA 5:11

“Tüsho arünü isa ki hade alo, ‘Isa thüning le alo Thrünpuh yamlarü ah, tüsho isa adüso sühmüh larü Israel kiulongthsünü thrünbah bana lakhi arüngyam thrünlochoh.

NEHEMIA 13:25

Inü athruajide mihtsürübonü küyimkishe khiungkeberü ki müyihlushihpü Thrünpuh mung chingnü thiyuchihchim lushih.

NEHEMIA 9:6

Israelrünü hade tamkhüntamnü: Nü, Atungpuh , nü lang Atungpuh ah; nünü thüning, achangbe thüningbo tüsho chiningbo thrün. Nünü alo, keto tüsho ju ching mungjithürü bebah thrün; nünü alala kilim rhangdung jih. Thüningrü botonü khukningbah nü kingaün.

MUNGSHIKHÜN 115:15

Yinmi tüsho alomi thrünrü, Atungpuhnü nüsa müngühshang.

MUNGSHIKHÜN 136:26

O, yinmi Thrünpuh kilim makshe jihang! Tümüde api amüthsüm lünnü rünkhiungde lah.

ABEKHIT 20:7

“Nünü Atungpuh nü Thrünpuh mung akeangkeang ching dütam, tümüde Atungpuhnü api mung akeangkeang ching tamrü thsümüchibah.

ABEKHIT 22:11

judüki yamhingrü kukruk kheak apinü khah muchung de ane dükeak Atungpuh miki thiyuchihchim thsübah; aputungrünü ju leangkhibah, tüsho ashaklopü yihnüpü müla.

ABEKHIT 23:13

I Atungpuhnü nü ki thakhi lüpdükhi aniang. Püpürü thrünpuhbo ki dütamkhüntamnü; arü mungbo she dütha.

ABEKHIT 34:16

Tüsho küyimki nüsa tsührü niuberü thsüpü arü tsührübebo lujihbanü arü thrünpuhbo kheak müzammüramkhinü nüsa tsührübo junangde arhimoshihbah.

ISAIA 45:23

Inü thiyuchihchimdo, I mün chingnü thiyuro-lungki yu khülang malodarüpü thsüde wukhiukdo: “ I ki mukhuk alalanü khukningbah, mulo alalanü thiyuchihchimbah.”

ISAIA 48:1

Ha aniang, O Jakob yamkhün, sherü Israel mungnü jia la, tüsho shepü Juda tsühsoniuso chingnü arükhea; shepünü Atungpuh tamde thiyuchihchimkhea, tüsho Israel Thrünpuh jikhea, tüshe thiyuro yungsho alungki ching yung.

ISAIA 65:16

Judüki sherünü lomi ching müngühmühi kheangbanü thiyuro Thrünpuhnü müngühjihbah, tüsho sherünü lomi ching thiyuchihchimbanü thiyuro Thrünpuh damde thiyuchihchimbah; tümütüsho akhuhlim küpkhuk mihdo tüsho I mük kinü rama lah.

JEREMIA 10:11

Nünü arü ki ha thaang: Thüningbo tüsho alomi müthrünkhi thrünpuhbo alomi chingnü tüsho thüningbo khüpnü adükheakbah.

JEREMIA 12:16

Tüsho arünü I mihtsürü limrobo düshihde amükheahbah, I mung tamde thiyuchihchimbah, “Atungpuh lale,” arünü khülang ki Baal tamde thiyuchihchimpü I mihtsürü ki thsangyua lalashe, arübo I mihtsürü bolung laabahbah.

JEREMIA 29:6

Niuberübo luang tüsho tsührübo le tsührübebo laang; nüsa tsührübo thsungkheak niuberübo lujang, tüsho nüsa tsührübebo rhangshang, junangde arünü tsührübo tüsho tsührübebo labah; ju ching wüh buang, tüsho dükheam.

JEREMIA 4:2

tüsho nüsanü, “Atungpuh lale!” de thiyuro ching, jakmükheahkhi ching, alungki chingnü thiyuchihchimsho, apinü trükshihbo müngühjihbah, tüsho api lung arü müretahbah.

LEVI 19:12

Tüsho nüsa Thrünpuh mükhemükimde I mung chingnü thiyuchihchim düthsü: I Atungpuh ah.

ZEPHANIA 1:5

sherünü thüyam kumung kheaknü chiningbo ki khukningcho; sherünü khukningcho tüsho Atungpuh ki thiyuchihchimcho, tüsho Molek thrünpuh mung ching she thiyuchihchimcho;

WÜHKHE 5:21

amükeambuhnü alibe muthrumüneankhi thiyuchihchim jihde athabah, “Atungpuhnü nü pho dütsüpshihchoki tüsho nü buk bümshihchoki, Atungpuhnü nü muthrumüneanshang tüsho nü mihtsürü bolung thiyuchihchim khülang thsüshang;

1 KORINT 7:39

Niuberü ju aniubuh la khiungdüa zuzu müla. Aniubuh shesho, alibenü amulongkhi Khristanrü ki lang arhangpü zuzu labah.

YUZÜNGTHALO 10:20

Nünü Atungpuh nü Thrünpuh wüntreang tüsho api tankihang. Api kheak düngdüngde ramrihang tüsho api mung chingnü thiyuchihchimang.

YUZÜNGTHALO 6:13

Nüsanü Atungpuh nüsa Thrünpuh wüntreang, tüsho api tankihang, tüsho api mung ching thiyuchihchim luang.

IBRI 6:16

Mihtsürübonü arü kheaknü atobe hode thiyuchihchim thsüchoh, tüsho arü atsangachih alala ching adüngakhi thsungkheak thiyuchihchim ju arün lah.

JIHUSUA 2:12

Kheakü inü nüsa ki amuzho huhkhi nangde I buhtsüh ki amuzhobah de api mung chingnü thiyuchihchimang, tüsho nüsa kheak akin lapü thsüde I kilim amütsan khürü jihang.

MAHKHAPRÜ 14:3

Judüki abuh le abe bünenü api ki tha, “Nüsa keoniorü yungsho I mihtsürü alala bolung aliberü mülade nünü tsütamübahkhi Filistiarü kilim yübah nü niube thsüpü lupü?” Tüsho Samsonnü abuh ki tha, “ Alibe I thsungkheak lujang, tümüde inü anihbe mürühlah.”

1 SAMUEL 20:17

Kheaküshe Jonathannü David ki anihbuh ki muzhopü thsungkheak thiyuchihchimshih; tümüde nihbuh rhangdung muzhokhi nangde apinü anihbuh muzho.

1 SAMUEL 30:15

Davidnü api ki tha, “Nünü ha thiriribo lung bede yükinahnü?” Apinü tha, “Nünü I mülaksah, yungsho I putungrü khah ching muyukjih de Thrünpuh tamde thiyuchihchimang, tüsho inü arü kilim nü bede ayükibah.”