THRÜNTAN 24:29 - AMÜSÜH HÜM CL Bible (BSI)

²⁹ Kheakü Rebeka akhiung amung Laban lakheah, tüsho apinü kekhip ki lakhi mihtsürü kilim niokheamde yü.

THRÜNTAN 24:29 Iomraidhean Croise

THRÜNTAN 24:30

Apinü nupung-nüpü, tüsho aniurü khah ching bingkhüm ngü müleangde, tüsho mihtsürü junü anihbe ki thakhi Rebekanü athakhi soakede, apinü wukhiuk tüsho api ju kekhip phünide kemelbo ki zhipde ngü.

THRÜNTAN 24:55

Tüshe alibe akhiung le abe bünenü tha, “Anünübe isa lung nimung thürü lang she binshang; jushu alibe yüshang.”

THRÜNTAN 24:60

Tüsho arünü Rebeka müngühjih tüsho tha: “Isa niurü, nü a chithürü thürübo abe thsüang shi; tüsho nü tsührübonü arü riri kiutobo kukkhitshang.”

THRÜNTAN 25:20

Paddan-aram chingnü Aramrü Bethuel tsührübe tüsho Aramrü Laban niurü Rebeka luchoki Isak kam 40 azorü lakheah.

THRÜNTAN 27:43

Jumonü I tsaha, kheakü I yu aniang: Tsahmusubah Haran ching I khiung Laban kilim yüang,

THRÜNTAN 28:2

Tsahmusubah Paddan-aram ching nü be abuh Bethuel yam ching yüang; tüsho ju ching nü kü Laban tsührübebo lung khülang nü niube luang.

THRÜNTAN 29:13

Labannü aniurü tsührü Jakob dünkheak thiyusheak soakede apinü anihbuh shorupü niokheamde yü. Apinü api kap tüsho müthsüp tüsho api yam ching bede arü, tüsho alala dünjikhi Jakobnü api ki thaa huh.

THRÜNTAN 29:5

Apinü arü ki tha, “Nüsanü Nahor tsührü Laban mükheahnah?” Arünü alo, “Am, isanü api mükheahlah.”