THRÜNTAN 24:27 - AMÜSÜH HÜM CL Bible (BSI)

²⁷ Tüsho apinü tha, “I putungrü ki api amüthsüm tüsho thiyuro mübahyukkhi I putungrü Abraham Thrünpuh Atungpuh shiang. I thsungkheaknü, Atungpuhnü I hantsah ching I putungrü keoniorü yam lim bede arüdo.”

THRÜNTAN 24:27 Iomraidhean Croise

THRÜNTAN 13:8

Jumonü Abramnü Lot ki tha, “Muzhobah I tüsho I shiwüh kheahrü le nü shiwüh kheahrü dükeak alanaji mülashihnü; tümüde isa keoniorü ah.

THRÜNTAN 14:20

Tüsho nü riribo nü khah ching yukjihbuh Khide Achang Thrünpuh shiang.” Tüsho Abramnü alala yo thürü shihcham api kilim jih.

THRÜNTAN 24:12

Judüki apinü tha, “O Atungpuh I putungrü Abraham Thrünpuh, muzhobah khihni I akuk ngüshang, tüsho I putungrü Abraham ki amuzho huhang.

THRÜNTAN 24:21

Mihtsürü junü malande lang, Atungpuhnü api hantsahkhi akuk ngüshih-a lashi yungnü amükheahpü alibe kheak kheahmüripde alakheah.

THRÜNTAN 24:4

tüshe nünü I lomi tüsho I keoniorü kilim yüang tüsho I tsührü Isak niube lujang.”

THRÜNTAN 24:42

“Tüsho ha nimung inü kekhip ki arü tüsho tha, ‘O Atungpuh I putungrü Abraham Thrünpuh, nünü kheakü I yüpü limro ching akuk ngüshihsho,

THRÜNTAN 24:48

Inü I ku mükhüm tüsho Atungpuh kingaün, tüsho I putungrü tsührü thsungkheak aniurü tsührübe lupü I thiyuro limro ching bebuh Atungpuh I putungrü Abraham Thrünpuh shijih.

THRÜNTAN 32:10

nünü nü yamlarü ki amuzho tüsho thiyuro harü alala huhkhi I müthülün. I ha Jordan hochoki tso khülang lang alakheah, tüshe kheakü I bo mahne kamdo.

THRÜNTAN 32:11

Inü tamkhüntamnüchoh, I khiung Esau khah chingnü I bekhitang; tümüde inü api trelah, jude yungsho api arübah tüsho I le tsührübo tüsho berübo laksahbah.

THRÜNTAN 9:26

Kheaküshe apinü tha, “Shem Thrünpuh, Atungpuh shiang! Kanan a Shem azhorü thsüshang.

2 SAMUEL 18:28

Judüki Ahimaaznü kiulongthsüpuh ki zhi, “Alala tsüde lah!” Apinü kiulongthsüpuh miki akin jihde alo kheak khukning tüsho tha, “Atungpuh nü Thrünpuh müngühmühi thsüang! Apinü I tungpuh kiulongthsüpuh azhihrü mihtsürü jihabahdo.”

MUNGSHIKHÜN 100:5

Tümüde Atungpuh tsülah; api amüthsüm akheam müla, tüsho api thiyuro lünbo alala ching rünkhiungde lah.

MUNGSHIKHÜN 68:19

Nimung aban isa hahmülang hanbuh Atungpuh shiang; Thrünpuh ju isa akhümkhit.

MUNGSHIKHÜN 98:3

Apinü Israel yamkhün kheak api amüthsüm tüsho thiyuro lakhi lümkhitdo; alomi akheambo alalanü isa Thrünpuh akhümkhit ngüdo.

ABEKHIT 18:10

Tüsho Jethronü tha, “Nü tüsho mihtsürübo Ijiprü le Pharao khah chingnü bekhitbuh Atungpuh shiang.

ABEKHIT 2:11

Nimung khülang, Mosa zode arüshu api mihtsürü kilim yü tüsho arü müküpde arhimokhi kheah. Apinü anihbuh mihtsürü Ibrirü khülang Ijiprü khülangnü kingde ngü.

ABEKHIT 2:13

Apinü ashido she yü tüsho Ibrirü mahne rukachihkhi ngübah amülimbuh ki tha, “Tümü thsükhi nü müyamrü Ibrirü lakcho?”

ABEKHIT 34:6

Tüsho apinü Mosa miki tsahhode zhiyuk, “Atungpuh , Atungpuh , mihmuzho tüsho mihmüthsüm Thrünpuh, arünnü bukakhiukchoh, amuzho tüsho thiyuro ching suhdahlah,

MÜCHITMUDU 3:6

nü limrobo alala ching api mütsankhitang tüsho apinü nü limro alungki huhbah.

MÜCHITMUDU 8:20

Inü thiyuro tsahpungbo yande thiyuro-lungki limro ching tsahchoh,

MIKA 7:20

Nünü awün nimungbo ching isa jipürü ki thiyuchihchimkhi nangde Jakob ki thiyuro tüsho Abraham ki mihmüthsüm huhbah.

LUKNÜ ATHRÜTKHI THIYUSHEAK-ATSÜ HUHTANYU 1:68

“Atungpuh Israel Thrünpuh shiang, tümüde apinü rhuakheahdo tüsho api mihtsürü rhokhit,

JOHAN 1:17

Tümüde yakzan ju Mosa hode jih, tüshe Jisu Khrista hode amüthsüm tüsho thiyuro arü.

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

1 TIMOTHI 1:17

Amüshebuh, amüngübuh, lünbo Kiulongthsürü, Thrünpuh lang lünnü lün wüntre lashang tüsho müretahkhi thsang. Amen.

RUTH 4:14

Aliberübonü Naomi ki tha, “Atungpuh shiang! Nü kümshihpü thsüde khihni tsührü nü kilim jihdo. Azübuh ju Israel ching thushang!

1 SAMUEL 25:32

Davidnü Abigail ki tha, “I khihni shorupü nü thiyibuh, Atungpuh Israel Thrünpuh shiang!

1 SAMUEL 25:39

Küyimki Nabal shekhi Davidnü asokhea, apinü tha, “Nabalnü I kheak mükhemürangkhi dünkheak mahkhapkhi tüsho api yamlarü amütsü rhimo chingnü atukloshihbuh Atungpuh shiang; Nabalnü amütsü rhimokhi Atungpuhnü aku kheak yihkihlojihdo.” Judüki Davidnü aniube thsüpü Abigail kilim thiyusheak yüshih.