THRÜNTAN 23:20 - AMÜSÜH HÜM CL Bible (BSI)

²⁰ Junangde thulu tüsho ju ching lungkhün ju Hitrünü adüngakhi thsüa mibahpung thsüpü Abraham kilim jih.

THRÜNTAN 23:20 Iomraidhean Croise

THRÜNTAN 10:15

Kanan tsührü adüjibuh Sidon, tüsho Heth;

THRÜNTAN 23:19

Ju dunglim Abrahamnü aniube Sara Kanan lomi ching Mamre müngüh (ju Hebron) Makpela ching lakhi lungkhün ching kiuyukabah.

THRÜNTAN 23:4

“I khiungkerü ah tüsho nüsa bolung tsotsahrü ah. I kilim alo khürü yinjang, junangde inü I niube kiuyuka bahanü.”

THRÜNTAN 25:10

Thulu ju Abrahamnü Hitrü ki thulokheah; ju ching Abraham tüsho aniube Sara kiuyukabah.

THRÜNTAN 25:9

Tüsho api tsührübo Isak tüsho Ishmael bünenü Hitrü Zohar tsührü Ephron lu ching Mamre müngüh Makpela lungkhün ching api kiuyukabah.

THRÜNTAN 49:29

Judüki apinü arü ki thsangdande tha: “I a I mihtsürü lung yüpü lah; Hitrü Ephron lu ching lakhi lungkhün ching I buh pürü lung I mi bahang,

THRÜNTAN 50:13

Tümüde atsührübonü api Kanan lomi ching hande yü, tüsho Abrahamnü mibahpung thsüpü Hitrü Ephron ki thulu bede athulokhi, Mamre müngüh Makpela ching thulu lungkhün ching kiuyukabah.

THRÜNTAN 50:5

‘I buhnü I ki thiyuchihchimshihde tha, “Kheahang, I ashepü lah; Kanan lomi ching inü I thsungkheak kiukhi kiuyuk ching nünü I mi bahang.” Jumonü kheakü I wutushang tüsho I buh mi bahanü, tüsho I alode arübah.’”

2 SAMUEL 24:24

Tüshe kiulongthsüpuhnü Arauna ki tha, “Yung, tüshe inü jurü adün jihbah nü kheaknü athulobah; adün tümü müjihde inü Atungpuh I Thrünpuh ki taka mükingaün.” Jumonü Davidnü hinitpung tüsho moshipung ju shotoyinchi 50nü thulo.

2 KIULONG THSÜRÜ 21:18

Manase nihbuh jipürü lung yap, tüsho api yam shahwün, Uzza shahwün ching kiuyukabah. Anihbuh tsührü Amonnü api müthri.