THRÜNTAN 23:2 - AMÜSÜH HÜM CL Bible (BSI)

² Sara Kanan lomi Kiriath-arba (ju Hebron) ching sheabah, tüsho Abrahamnü Sara thsungkheak tüzhopü tüsho mitrippü yü.

THRÜNTAN 23:2 Iomraidhean Croise

THRÜNTAN 13:18

Jumonü Abramnü api khimyam akhin, tüsho yübah Hebron ching Mamre arüngako sangbo thüninde la, tüsho Atungpuh kilim kingaün sadam khülang thsü.

THRÜNTAN 23:1

Sara rhangdung lakhi kam 127 lakheah.

THRÜNTAN 23:19

Ju dunglim Abrahamnü aniube Sara Kanan lomi ching Mamre müngüh (ju Hebron) Makpela ching lakhi lungkhün ching kiuyukabah.

THRÜNTAN 24:67

Judüki Isaknü alibe ju abe Sara khimyam ching bede yüzah; apinü Rebeka bea lu tüsho aniube kam, tüsho apinü anihbe muzho. Jumonü abe sheabah dunglim Isak mulong shukheam.

THRÜNTAN 27:41

Jumonü abuhnü api müngühjihkhi dünkheak Esaunü Jakob lungkhangde kam, tüsho Esaunü amulong ching tha, “I buh dünkheak tüzhopü nimungbo thüninde lah; jushu inü I niurü Jakob laksahbah.”

THRÜNTAN 35:27

Judüki Jakob ju Abram tüsho Isak lacholapung Mamre yungsho Kiriath-arba (ju Hebron) ching abuh Isak kilim arü.

THRÜNTAN 37:14

Apinü anihbuh ki tha, “Nü khiung pürü le namfimihnubo tsüde lanahnü muzhobah yünü kheahang, tüsho I kilim thiyusheak lubah arüloang.” Jumonü apinü Hebron jindükhün chingnü thiyia wukhiukshih, tüsho apinü Shekem lim yü.

THRÜNTAN 50:1

Judüki Josepnü abuh miro kheak hüpkihbah trip tüsho api kheak müthsüp.

THRÜNTAN 50:10

Küyimki arübo Jordan hobah Atad rhimopung ching arükhea, arünü khide tode mulong rozhakde tüzho. Josepnü nimung thüne abuh tüzho.

2 SAMUEL 1:12

Arünü tüzhode mitrip, tüsho Saul le atsührü Jonathan, tüsho Atungpuh bonungrü tüsho Israelrü thsungkheaknü arelim khiungde khümkeak thsü, tümütüsho arübo nukshangnü keamshih.

2 SAMUEL 1:17

Davidnü Saul tüsho atsührü Jonathan tüzhode khün thsüpü tankih.

2 SAMUEL 2:11

Hebron ching Juda trük kurungkheak Davidnü kam thüne tüsho khinu thuruk kiulongthsü.

2 SAMUEL 5:3

Jumonü Israel azothsürü alala Hebron ching kiulongthsüpuh ki arü; tüsho kiulongthsüpuh Davidnü Hebron ching Atungpuh miki arü kheak tangzüng khülang thsü, tüsho arünü Israel kurungkheak kiulongthsüshihpü David mujude-mokhit.

2 SAMUEL 5:5

Hebron ching apinü Juda kurungkheak kam thüne tüsho khinu thuruk yakzan shuh; tüsho apinü Jirusalem ching Israel alala tüsho Juda kurungkheak kam samrükheak mahsam yakzan shuh.

1 KIUTHSÜYUKHEAN 6:57

Aron tsührübo kilim arünü tsoyukpung kiutobo rimlopungbo bede jih: Hebron, Libna, Jattir, Eshtemoa,

2 KIUTHSÜYUKHEAN 35:25

Jeremianü she Josia thsungkheak tüzhokhi thrüt, tüsho khün thsürü athrürü tüsho aliberübonü arü tüzhokhi ching khihni khiungde thsüchoh. Arünü harü Israel ching jipü-yakli khülang kamshih; jurübo atüzhokhi ching thrütyuka lah.

NEHEMIA 11:25

Mihtsürü ahihkhüh arü lu phüni kiutobo ching la. Juda trükbo tüsho Kiriath-arba, Dibon Jekabzeel tüsho ju mühi kiulongbo ching la.

JEREMIA 22:10

Shepü shea lanü api thsungkheak dütrip, yungsho api thsungkheak dütüzho; tüshe shepü tsoabahchonü api thsungkheak tripang, tümüde anihbuh asürü-lomi kheahpü api malodarü.

JEREMIA 22:18

Jumonü Jehoiakim tsührü, Juda kiulongthsüpuh Josia dünkheak Atungpuhnü ha thachoh: Arünü api thsungkheak ha ruk thade mütüzho, “Aha, akhiung!” yungsho “Aha, achi!” Arünü api thsungkheak ha ruk thade mütüzho, “Aha, Atungpuh !” yungsho “Aha, api wüntre-müretah!”

WÜHKHE 13:22

Arünü Negeb lim wutu, tüsho Hebron lim arü; tüsho ju ching Anak atoshang tsührübo Ahiman, Sheshai, tüsho Talmai pürü lakheah. (Hebron ju Ijip ching Zoan kheaknü kam thünenü akhuh thrüna lakheah.)

WÜHKHE 20:29

Küyimki boto alalanü Aron shea angükhea, Israel yamkhün alalanü Aron dünkheak nimung samrü tüzho.

JOHAN 11:31

Judüki alibe mulong shukheamde thüyam ching lakhi Jihudarübonü Mari wusubah nahde awukhiukkhi ngübah alibe yande wungdo wukhiukbah tha, “Alibe a kiuyuk ching mitrippü yüchoh.”

JOHAN 11:35

Jisunü trip.

YUNIRÜBO RHIMO 8:2

Shuhmülanga jihkhi mihtsürübonü Stephen kiuyukabah, tüsho api dünkheak khide tüzho.

YUZÜNGTHALO 34:8

Tüsho Israel tsührübonü Moab dükhün ching nimung samrü Mosa mitrip. Junangde Mosa dünkheak mitripkhi tüsho tüzhokhi arün thsü.

JIHUSUA 10:39

Apinü ju kiuto, kiulongthsüpuh tüsho ju mühi kiutobo alala yanabah. Ju ching she khülang lang she maningde laksahkham. Jihusuanü Hebron tüsho Libna tüsho jurü kiulongthsürübo kheak rhimokhi nangde Debir tüsho ju kiulongthsüpuh kheak she rhimo.

JIHUSUA 15:13

Atungpuhnü Jihusua kilim thiyukhüm jihkhi nangde apinü Jephunne tsührü Kaleb kilim Juda mihtsürü bolung jihkhi shihcham ju Kiriath-arba, ju Hebron (Arba ju Anak abuh lakheah).

JIHUSUA 15:54

Humta, Kiriath-arba (ju Hebron) tüsho Zion: kiulongbo bebah kiuto 9.

JIHUSUA 20:7

Jumonü arünü Naphtali awung lomi ching Galilee ching lakhi Kadesh mokhit; Ephraim awung lomi ching Shekem mokhit; tüsho Juda awung lomi ching Kiriath-arba (ju Hebron) mokhit.

JIHUSUA 21:11

Arü kilim Juda awung lomi ching lakhi Kiriath-arba (Arba ju Anak abuh), ju Hebron, ju mühi rimlopungbo bede jih.

MAHKHAPRÜ 1:10

Tüsho Judarünü Kananrübo Hebron (atankih mung Kiriath-arba de ji) ching larübo azhihde yü. Tüsho arünü Sheshai, Ahiman tüsho Talmai laksah.

1 SAMUEL 20:31

Tümüde alomi kheak Jesse tsührü rhangdung lakhi khiungde nü yungsho nü kiulongthsü mülakhuk. Kheakü yüshang tüsho api I ki bede arang, tümüde api tsükjide ashebah.”

1 SAMUEL 25:1

Kheakü Samuel sheabah; tüsho Israel alala mukhungbah api mi trip. Arünü api Rama ching lakhi anihbuh yam ching kiuyukabah. Judüki Davidnü asürübah Paran sunglo lim yüki.

1 SAMUEL 28:3

Kheakü Samuel sheabah, tüsho Israel alalanü api thsungkheak tüzho tüsho anihbuh kiuto Rama ching kiuyukabah. Saulnü mesherü tüsho kuhi-kheahrübo lomi chingnü yankhitabah.