THRÜNTAN 22:8 - AMÜSÜH HÜM CL Bible (BSI)

⁸ Abrahamnü alo, “I tsah-a, taka kingaünpü thsungkheak namfimihnunu Thrünpuhnü ajihbah.” Tüsho anenü rukhüh yü.

THRÜNTAN 22:8 Iomraidhean Croise

THRÜNTAN 18:14

Atungpuh thsungkheaknü tümükhüh khide chakla de? Münchikhi kim ching shikam I nü kilim alode arübah, tüsho Sara tsührü khülang labah.”

THRÜNTAN 22:14

Tüsho Abrahamnü ju dangpung ki, Atungpuhnü Ajihbah de ji; khihni khiungde ha thachoh, “Atungpuh wung chingnü ajihbah.”

THRÜNTAN 22:7

Tüshe Isaknü abuh Abraham ki tha, “Abuh!” Tüsho apinü alo, “I tsah-a, I ha ching lah.” Tüsho apinü tha, “Kheahang, mo tüsho sang ha kheak lah, tüshe taka kingaünpü namfimihnunu küching la?”

THRÜNTAN 22:9

Judüki Thrünpuhnü api ki thakhi dangpung ching ane arü. Abrahamnü ju ching kingaün sadam khülang thsü, tüsho sang tsanglunga zo; tüsho apinü atsührü Isak rhükbah kingaün sadam kheak, sang mujung kheak yapshih.

2 KIULONG THSÜRÜ 2:6

Judüki Elijanü api ki tha, “Ha kheak binang; tümüde Atungpuhnü I Jordan ching yüshihdo.” Tüshe apinü tha, “Atungpuh tüsho nü lale, inü nü mübahjih.” Jumonü anenü yü.

2 KIUTHSÜYUKHEAN 25:9

Amazianü Thrünpuh mihtsürü ki tha, “Tüshe inü Israel bonungrü kilim jihkhi shotoyinchi khahngak 3400 dünkheak isanü küde athsüpü?” Thrünpuh mihtsürünü alo, “Atungpuhnü ha kheaknü alü nü kilim jihkhuklah.”

MATHI 19:26

Tüshe Jisunü arü kheak kheahbah tha, “Mihtsürü thsungkheak ha amukukbe, tüshe Thrünpuh thsungkheak a alala akukbe lah.”

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

JOHAN 1:36

Tüsho api tsahde alachoki Jisu kheak kheahde tha, “Thrünpuh namfimihnunu kheahang!”

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 5:12

Arünü düsheak achangnü khün thsü, “Wu, lakhit, lümlung, sühmüh, wüntre, müretah tüsho müngühmühi leangkhipü alaksahkhi Namfimihnunu athülün lah!”

AMIKHEAKAKHIUKKHI 5:6

Tüsho kiulongthsü-binkiu le arhang shiwüh phüyi dükeak tüsho azothsürü bolung, Namfimihnunu khülang alaksahkhi nangde, tüsho Thrünpuh mebo thüne alomi alala ching thiyikhi, ajuh thüne tüsho amükji thüne kihbah zhipde inü ngü;

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.