THRÜNTAN 22:4 - AMÜSÜH HÜM CL Bible (BSI)

⁴ Mahsam nimungpü Abrahamnü abina kheah tüsho limshu chingnü ju dangpung ngü.

THRÜNTAN 22:4 Iomraidhean Croise

THRÜNTAN 22:3

Jumonü Abrahamnü yapsu mükikde asürü tüsho api yo donki hah thsü, tüsho api lung athrününgtsüng 2 tüsho atsührü Isak be; küyimki apinü taka kingaünpü sang suhdahde ayihkheanü, Thrünpuhnü api ki thakhi dangpung lim tsahmusude yü.

THRÜNTAN 22:5

Abrahamnü athrününgtsüng büne ki tha, “Donki lung ha kheak aleangang; azübuh le I ju ching yübah kingaünbah, tüsho ikenü nüke kilim alode arübah.”

2 KIULONG THSÜRÜ 20:5

“Rholoang, tüsho I mihtsürü yakzanshuhbuh Hezekia ki thaang, Nü pü David Thrünpuh, Atungpuhnü ha thachoh: Inü nü tamkhüntamnükhi sodo, inü nü chike ngüdo; atsütsü, inü nü thsüngubah; nimung asam nipü nü Atungpuh yam ching wutubah.

ESTER 5:1

Esternü khümkeak thsükhi asam nipü kiulongthsü shulünkhim yihbah, kiulongthsürü-yam alunglim, kiulongthsürü yam khiungshak mikhuh abinbah zhip. Kiulongthsüpuh ju alunglim kiulongthsübinkiu kheak azahlim abinbah bin.

ABEKHIT 15:22

Jushu Mosanü Israel Amürüm Keto chingnü mikhuhlim bede yü, tüsho arünü Shur sunglo limpeang yü; arünü sunglo ching nimung mahsam yü tüsho ke müngüde alakheah.

ABEKHIT 19:11

Tüsho arübo mahsam nipü thsungkheak thsakhamshang. Tümütüsho mahsam nipü Sinai Müzüng kheak mihtsürü alala miki Atungpuh akibah.

ABEKHIT 19:15

Tüsho apinü mihtsürübo ki tha, “Asam nipü thsungkheak thsakhamang; niuberü thüninde düyü.”

ABEKHIT 5:3

Judüki anenü alo, “Ibrirü Thrünpuh isa miki akhiukdo; Atungpuh isa Thrünpuh ki kingaünpü thsüde sunglo ching nimung mahsam limtsah yüpü isa ki mülüjang, jude yungsho apinü isa tukthsü yungsho nukshangnü alaksahbah.”

HOSEA 6:2

Nimung mahne dunglim apinü isa thsüphulobah; mahsam nipü apinü isa yihmusubah, junangde api miki isa labah.

LEVI 7:17

tütüshe shuhmülanga jihkhi shih aningkhi ju nimung asampü ching a monü takabahbah.

WÜHKHE 10:33

Jumonü Atungpuh wung kheaknü arü nimung mahsam hantsah tsahmusu; tüsho arü binkheampung yimde Atungpuh sangdan arü müngühnü yüshih,

WÜHKHE 19:12

Api küdah thsüde nimung mahsam ni tüsho thüne nipü kemüyihde müsühkhitbah, tüsho api amüsüh labah; tüsho apinü nimung mahsam tüsho nimung thüne nipü ching mümüsühkhitsho, api mümüsüh.

WÜHKHE 19:19

Amüsüh mihtsürü junü amüneankhi kheak nimung mahsam tüsho nimung thüne nipü ching rhakkihbah; tüsho nimung thüne nipü ching api müsühkhitbah, khimmih müsühbah tüsho kemüyihbah, tüsho arelim api amüsüh labah.

WÜHKHE 31:19

Tüsho nüsabo binkheampung aleanglim nimung thüne laang; nüsa mihtsürü laksahrübo, ashemi qiurübo tüsho nüsanü aramrübo asam ni le athüne nipü ching müsühkhitang.

MATHI 17:23

Arünü api laksahbah tüsho mahsam nipü api arhang kamlobah.” Tüsho jingyanrübo mulong rozhakde alakheah.

LUKNÜ ATHRÜTKHI THIYUSHEAK-ATSÜ HUHTANYU 13:32

Tüsho apinü arü ki tha, “Yübah shirung ki thaang, ‘Kheahang, inü khihni le shido amünean mebo yankhitde athsüngube rhimopü lah, tüsho asam nipü I rhimo akhik thsübah.’

1 KORINT 15:4

api kiuyuka bahbah amüsühyu yande asam nipü api arhang kamlo,

JIHUSUA 1:11

‘ Tsühyungpü tsanglungang, tümüde nimung mahsam ninü Jordan keto hode yübah Atungpuh nüsa Thrünpuhnü ajihkhi lo lubah.’ ”

1 SAMUEL 26:13

Jushu Davidnü püpü thrip yübah arü dükeak ashang zahde limshu ching awung mujuk kheak zhip.