THRÜNTAN 22:17 - AMÜSÜH HÜM CL Bible (BSI)

¹⁷ müngühmühi ching inü nü müngühjihbah, tüsho wühjabuja ching thüning ching chiningbo tüsho keyean loyibo nangde nü tsühsoniusobo bushihbah; tüsho nü tsühsoniusobonü arü riri kiutobo müküh-a lubah.

THRÜNTAN 22:17 Iomraidhean Croise

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

THRÜNTAN 13:16

Tüsho inü nü tsühsoniusobo asungthulung nangde akamshihbah; junangde khürünü asungthulung khekhuksho nü tsühsoniusobo she akhekhukbah.

THRÜNTAN 15:5

Apinü anihbuh wungdo ching bekhit tüsho tha, “Thüning lim kheahang, tüsho chiningbo nünü khekhamkhuksho kheang.” Tüsho apinü anihbuh ki tha, “Junangde nü tsühsoniusobo labah.”

THRÜNTAN 17:6

Inü nü hodakde aso asoshihbah; tüsho inü nü trükshihbo kamshihbah. Tüsho nü kheaknü kiulongthsürübo arübah.

THRÜNTAN 24:60

Tüsho arünü Rebeka müngühjih tüsho tha: “Isa niurü, nü a chithürü thürübo abe thsüang shi; tüsho nü tsührübonü arü riri kiutobo kukkhitshang.”

THRÜNTAN 25:11

Abraham she dunglim, Thrünpuhnü atsührü Isak müngühjih. Tüsho Isak ju Beer-lahai-roi ching lakheah.

THRÜNTAN 26:24

Ju tsüngre Atungpuh api ki akhiuk tüsho tha, “I nü buh Abraham Thrünpuh ah; dütre, tümüde I nü lung lah. Inü I yamlarü Abraham thsülimnü nü müngühjihbah tüsho nü tsühsoniusobo bushihbah.”

THRÜNTAN 26:4

Tüsho inü nü tsühsoniusobo ju thüning ching chiningbo nangde abushihbah; inü nü tsühsoniusobo kilim harü lobo alala jihbah; tüsho nü müjih ching alomi trükshih alala müngühmühibah;

THRÜNTAN 28:3

Wuto Thrünpuhnü nü müngühshang, tüsho nü aso asode bushang, junangde nü mihtsürü wüh tode akambah;

THRÜNTAN 28:4

tüsho nü le nü tsühsoniusobo kilim Abraham müngühmühi jihchoh, junangde Thrünpuhnü Abraham kilim jihkhi, nüsa khiungkerü thsüde alakhi lomi nüsa kilim jihbah.”

THRÜNTAN 32:12

Tümüde nünü tha, ‘Tsükjide inü nü tsüde akümbah, tüsho nü tsühsoniusobo mükhekhambe keto loyi nangde hihde akamshihbah.’ ”

THRÜNTAN 32:13

Jumonü ju re apinü ju ching binkheam, tüsho api lung lakhi chingnü akhiung Esau khilim thsambah thsüpü mokhita lu;

2 SAMUEL 17:11

Tüshe inü athsunganahpü lakhi jua, Israel alala keto yean loyi nangde boto Dan chingnü Beersheba khiungde nü ki mukhungbah nünü mihbüm abande keochih ching bebah yüang.

1 KIULONG THSÜRÜ 4:20

Juda tüsho Israel ju keto yean loyi nangde hihde alakheah; arünü tsühyung tüsho asüh.

1 KIULONG THSÜRÜ 9:26

Solomonnü Edom lo ching, Amürüm Keto kheak Elath phünide Ezion-geber ching sangkungbo thsü.

1 KIUTHSÜYUKHEAN 27:23

Davidnü kam 20 abukkhüp a mükhe, tümüde Israel thüning ching chiningbo nangde hihde akamshihpü Atungpuhnü alokhi.

2 KIUTHSÜYUKHEAN 1:9

O Atungpuh , Thrünpuh, nünü I buh David ki alokhikhibo kheakü dünjishang, tümüde alo asungthulung nangde ahihkhi mihtsürübo kurungkheak nünü I kiulongthsürü kamshihdo.

NEHEMIA 9:23

Thüning ching chiningbo nangde nünü arü kilim tsührübo jih, tüsho nünü arü jipürü ki müküh-a lushihpü thakhi lo ching arü bebah arü.

ABEKHIT 32:13

Nü yamlarübo Abraham, Isak, tüsho Jakob lümkhitang, sherü ki nünü thiyuchihchimde tha, ‘Inü nüsa tsühsoniusobo thüning ching chiningbo nangde abushihbah; inü alokhikhi alala nüsa tsühsoniuso kilim jihbah, tüsho arünü ju lünnü yamrüplurüp lubah.’”

ISAIA 48:19

Nü tsührü loyi nangde alabah, tüsho nü tsühsoniuso hibümbo nangde alabah; arü mung küyimkishe yihdoa mübah yungsho I mikinü müdükheakshih.

JEREMIA 32:22

tüsho nünü arü jipürü kilim niuhke tüsho mukhuke bukkhi lomi jihpü thiyuchihchimkhi arü kilim ha alomi jih;

JEREMIA 33:22

Thüning ching chiningbo mükhekhamkhi nangde tüsho keto loyi madünkhukkhi nangde, inü I yamlarü David tsührü, tüsho I tankihrü Levirü bushihbah.

HOSEA 1:10

Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

HOSEA 2:1

Nü khiung ki, “ I mihtsürü,” tüsho nü chi ki, “ Inü amuzhokhi,” de jiang.

MIKA 1:9

Tümüde anihbe mü müthsüngube lah. Ha Juda ching arüdo; ha I mihtsürü, Jirusalem chipiripit khiungdo.

ROMRÜ KILIM PAULNÜ ATHRÜTKHI KIHÜM HUHTANYU 4:13

Abraham tüsho api tsühsoniusobo ki alomi yamrüplurüp arünü alubah de alokhikhi ju yakzan hode yung tüshe akin thiyuro-lungki hode arü.

ROMRÜ KILIM PAULNÜ ATHRÜTKHI KIHÜM HUHTANYU 9:27

Tüsho Isaianü Israel dünkheak zhi: “Israel tsührübo khekhi ju loyi nangde lalashe, arü aningkhi lang akhümkhitbah;

1 KORINT 15:57

Tüshe isa Atungpuh Jisu Khrista hode isa kilim akuk ngükhi jihbuh Thrünpuh ki makshe jihang.

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

YUZÜNGTHALO 1:10

Atungpuh nüsa Thrünpuhnü nüsa wüh bushihdo, tüsho thüning ching lakhi amükhebin chiningbo nangde, khihni nüsa ha ching lah.

YUZÜNGTHALO 1:11

Atungpuh nüsa bebuhrü Thrünpuhnü nüsa kheakü lakhi kheaknü chithürü ki alü apinü tangzüngkhi nangde nüsa müngühshang!

YUZÜNGTHALO 10:22

Nüsa jipürü mihtsürü 70 Ijip lim yüki, tüsho kheakü Atungpuh nüsa Thrünpuhnü nüsa thüning ching chiningbo nangde hihde kamshih.

YUZÜNGTHALO 13:17

Jumonü nüsa shepünü she muthrumüneankhi kukruk nüsa khah ching aninga düzo, junangde Atungpuhnü api bukakhiukkhi chingnü atuklobah tüsho nüsa ki mihmüthsüm huhbah, nüsa kheak muzhobah tüsho apinü nüsa jipürü ki thiyuchihchimkhi nangde nüsa wüh bubah,

YUZÜNGTHALO 13:18

tümütüsho inü khihni nüsa ki api yukhüm jihkhi Atungpuh miki alungki rhimopü Atungpuh nüsa Thrünpuh düsheak nüsanü anido.

YUZÜNGTHALO 21:19

abuh le abe anenü api thobahle kiuto ching azothsürü miki chipimurung ki hande arübah.

IBRI 11:12

Tüsho api sheabah-a lalashe, mihtsürü khülang kheaknü thüning chiningbo hihdakkhi nangde tüsho kemungyean mükhebinkhi loyi nangde tsühsoniusobo trükkhit.

IBRI 6:14

“Atsütsü inü nü müngühjihbah tüsho wüh bushihbah.”

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”